Pages

Thursday 24 January 2013

Kongo: Amashirahamwe ategamiye leta atunga urutoke igisirikare c'u Rwanda - BBC Gahuza - Amakuru


Kongo: Amashirahamwe ategamiye leta atunga urutoke igisirikare c'u Rwanda

Ibiherutse kuvugururwa: 23 ukwa mbere, 2013 - 15:17 GMT
Abasirikare ba M23 bava mu muji wa Goma mu mwaka uheze

Abasirikare ba M23 bava mu muji wa Goma mu mwaka uheze

Amashirahamwe ategamiye leta yo muri Kivu y'uburaruko mu buseruko bwa Kongo avuga ko atewe impungege n'icengera ry'abasirikare b'u Rwanda muri M23.

Icegera c'uwujejwe gutunganiriza hamwe ibikorwa vy'ayo mashirahamwe, Omar Kavota, yabariye BBC ko mu mpera z'indwi iheze hinjiye muri Kongo ibatayo zitatu z'abasirikare b'u Rwanda.

Ngo abo basirikare bari bagizwe ahanini n'abakoresha ibirwanisho biremereye, baja mu turere twa Rumangabo na Kalengera muri Rutshuru.

Ahandi abo basirikare barangwa ngo ni mu karere ka Nyiragongo no mu gace ka Buhima.

Abajijwe igituma umugwi ujejwe kugenzura urubibe (mechanisme de verification) ataco urabivugako, bwana Kavota yavuze ko uwo mugwi ata bwigenge ufise kubiryo wotangaza amakuru nk'ayo.

Yabandanije avuga ko ukwiyongera kw'abasirikare b'u Rwanda muri Kongo kwatanguye kuva aho M23 ifatiye umuji wa Goma.

Omar Kavota kandi yabariye BBC ko igiteye ubwoba ari uko mugihe ibiganiro vy'i Kampala vyoshika ku mwumvikano wo gushira ingabo za M23 mu nzego z'umutekano za Kongo, ngo wosanga hinjiye abanyamahanga benshi, ngo ivyo bikabera ikibazo gikomeye Kongo.

Igisirikare c'u Rwanda ariko kivuga ko ayo makuru ari ikinyoma co kimwe n'ayandi menshi ahora ava muri Kongo.

Umuvugizi w'igisirikare Gen de Brigade Joseph Nzabamwita, yavuze ko bo nka leta y'u Rwanda hamwe n'igisirikare, ata muntu numwe arabidogera kubera ico kibazo canke ngo habe ahandi bumva amakuru y'iryo cengera.

-

No comments:

Post a Comment

Note: only a member of this blog may post a comment.

Subscribe to: Post Comments (Atom)

“Uwigize agatebo ayora ivi”. Ubutegetsi bukugira agatebo ukariyora uko bukeye n’uko bwije.

"Ce dont j’ai le plus peur, c’est des gens qui croient que, du jour au lendemain, on peut prendre une société, lui tordre le cou et en faire une autre."

“The price good men pay for indifference to public affairs is to be ruled by evil men.”

“The hate of men will pass, and dictators die, and the power they took from the people will return to the people. And so long as men die, liberty will never perish.”

“I have loved justice and hated iniquity: therefore I die in exile."

KOMEZA USOME AMAKURU N'IBITEKEREZO BYA VUBA BYAGUCITSE:

RECOMMENCE

RECOMMENCE

1.Kumenya Amakuru n’amateka atabogamye ndetse n’Ibishobora Kukugiraho Ingaruka ni Uburenganzira Bwawe.

2.Kwisanzura mu Gutanga Ibitekerezo, Kurwanya Ubusumbane, Akarengane n’Ibindi Byose Bikubangamiye ni Uburenganzira Bwawe.