Pages

Wednesday 26 June 2013

Umuryango «Reporters sans frontières» wishimiye irekurwa rya Saidati Mukakibibi


Umuryango «Reporters sans frontières» wishimiye irekurwa rya Saidati Mukakibibi ariko nanone usaba leta ya Kagame kurekura vuba Umunyamakuru Agnes Nkusi Uwimana ugikomeje kuborera muri gereza ze.

Umunyamakuru Saidati Mukakibibi aherutse kurekurwa nyuma yo gusiragizwa na Leta ya muri za gereza ze hamwe na mugenziwe Agnes Nkusi Uwimana bazira amaherere.
Umuryango uharanira uburenganzira bw'abanyamakuru ku isi (Reporters sans frontières-RSF), wishimiye irekurwa ku wa 25 kamena uyu mwaka ry'umunyamakuru Saidati Mukakibibi. Mukakibibi wari ufungiye mu gihome ubutegetsi bwa Kagame bwari bwaramujugunyemo kuva ku wa 8 nyakanga 2010, mbere na mbere yari yakatiwe igihano cyo gufungwa imyaka irindwi yose azira ko ngo yahamagariye rubanda gusuzugura ubutegetsi buriho ubu mu Rwanda, gukwirakwiza amacakubiri akoresheje inyandiko ze, no guhakana jenoside. Ubwo yajuriraga, uyu munyamakuru w'Umurabyo noneho yaje gushakirwa ikindi cyaha gikunze kuregwa abanyamakuru bose batavuga rumwe n'ubutegetsi bwa Kagame, icyaha cyitwa «guhungabanya umudendezo w'igihugu», iki cyaha gishya kikaba cyaratumye agabanyirizwa ibihano, aza gukatirwa imyaka itatu y'igifungo.
Mugenzi we bakoranaga mu kinyamakuru kimwe, Agnès Uwimana Nkusi, ari na we wakiyoboraga, we aracyaboheye mu gihome cy'ubutegetsi bw'igitugu bwa Kagame. Uwimana Nkusi na we, wageretsweho icyaha cyo guhungabanya umudendezo w'igihugu no gusebya umukuru w'igihugu, yakatiwe igihano cyo gufungwa imyaka ine y'ubuntu.
Mu itangazo rigufi RSF yashyize ahagaragara, irishimira irekurwa rya Saidati Mukakibibi, ariko na none ikibutsa ko ifungwa rye ryarimo akarengane, igasaba ko mugenzi we na we yahita arekurwa nta yandi mananiza. «Turasaba ko na madamu Agnès Uwimana Nkusi, ubu bigaragara ko ubuzima bwe bugerwa ku mashyi kubera igifungo, na we yarekurwa. Icyaha aregwa cyo gusebanya kiramutse gikuweho, uyu muyobozi w'ikinyamakuru Umurabyo na we yahita asubirana uburenganzira bwe bwo kongera guhura n'umuryango we».
Amiel Nkuliza, Sweden.
Byashyizweho na editor on Jun 26 2013. Filed under AhabanzaAmakuru Ashyushye,Politiki. You can follow any responses to this entry through the RSS 2.0. You can leave a response or trackback to this entry

No comments:

Post a Comment

Note: only a member of this blog may post a comment.

“Uwigize agatebo ayora ivi”. Ubutegetsi bukugira agatebo ukariyora uko bukeye n’uko bwije.

"Ce dont j’ai le plus peur, c’est des gens qui croient que, du jour au lendemain, on peut prendre une société, lui tordre le cou et en faire une autre."

“The price good men pay for indifference to public affairs is to be ruled by evil men.”

“The hate of men will pass, and dictators die, and the power they took from the people will return to the people. And so long as men die, liberty will never perish.”

“I have loved justice and hated iniquity: therefore I die in exile."

KOMEZA USOME AMAKURU N'IBITEKEREZO BYA VUBA BYAGUCITSE:

RECOMMENCE

RECOMMENCE

1.Kumenya Amakuru n’amateka atabogamye ndetse n’Ibishobora Kukugiraho Ingaruka ni Uburenganzira Bwawe.

2.Kwisanzura mu Gutanga Ibitekerezo, Kurwanya Ubusumbane, Akarengane n’Ibindi Byose Bikubangamiye ni Uburenganzira Bwawe.