[RwandaLibre] Re: *DHR* Kigali: Umuseke

 

Ese kuririmba ngo Kigali ni nziza, naho UN  yo ikavuga ko u Rwanda rukenye ,  ko abanyarwanda inzara yabamaze, ko u Rwanda  rubarirwa mu bihugu bya  bikennye cyane ku isi, ibyo bimaze iki ?

---

From: "e_karangw@yahoo.com [Democracy_Human_Rights]" <Democracy_Human_Rights@yahoogroupes.fr>
To: Democracy_Human_Rights@yahoogroupes.fr
Sent: Sunday, 27 July 2014, 20:20
Subject: *DHR* Kigali: Umuseke

 

Kigali nziza na Kigali yindi !!

Hashize 1 week inkuru yanditswe na  CHIEF EDITOR  amafoto, Inkuru nyamukuru, Ubukungu , ibitekerezo 15

	CHIEF EDITOR Drogba yongeye kuba hamwe na Mourinho muri Chelsea
	Afficher sur www.umuseke.rw	Aperçu par Yahoo

---

Kigali ni nziza! Isuku, amazu mashya maremare kandi meza, quartier zigezweho, imihanda mishya itatse amatara, ubusitani ku mihanda… ni bimwe mu byiza ubona iyo utembere umujyi wa Kigali wigendagendera 'inyuma'. Uramutse uvuye Kampala, Abidjan cyangwa Kinshasa wakwikundira i Kigali aho uhumeka neza. Ariko iyo winjiye imbere muri za quartier za rubanda rusanzwe uhasanga indi Kigali idasa n'iyo wabonye.

Ngo ni ibisanzwe no mu yindi mijyi bibayo. Nibyo abanyarwanda bakwiye?

Ni ibisanzwe ku mijyi myinshi muri Africa ko habaho ibice bituwe mu kajagari, bibamo umwanda ukabije, bicururizwamo ibiyobyabwenge, bibamo indaya n'utubari tubi cyane byinshi, utwana twinshi ku mihanda, insoresore zirakaye zuzuye amarangi ku mubiri n'ibindi bidaha isura nziza umujyi.

Gusa mu mpinduramatwara u Rwanda rurimo ibi ntibikwiye kandi ntibikwiye kwitwa ibisanzwe nk'uko ahandi mu karere no muri Africa byifashe.

I Kigali hari uduce twinshi tumaze kuba icyitegererezo mu myubakire igezweho ndetse n'impinduka ikomeye ku mujyi mwiza, hari ariko utundi duce winjiramo ukagirango ntabwo ari i Kigali, abahatuye ariko usanga bavuga ko ahubwo aribo banyakigali.

Imiturire iteye ubwoba, umwanda ukabije, ubwiherero buteye inkeke n'ibindi bibi bitari ibyo abanyarwanda bakwiye nk'uko abayobozi bakunda kubivuga.

"Ibibi sibyo abanyarwanda bakwiye, bakwiye ibyiza", aya ni amagambo akunda kugarukwaho na Perezida Paul Kagame, ariko iyo bigeze mu bayobozi bo mu nzego zo hasi ye, usanga bo basubiza bati "Biriya ni ibisanzwe n'ahandi mu bindi bihugu birahari, ariko turi gukora ibishoboka ngo bimere neza, ingamba zarafashwe". Nuko imyaka ikicuma ahitwa 'mu kajagari' hakitwa gutyo, ahitwa 'Ndjamena' hakitwa 'Ndjamena' bityo bityo…

Umuyobozi ushinzwe imiturire mu mujyi wa Kigali Liliane Uwanziga Mupende yabwiye Umuseke ko ikibazo cy'imiturire idahwitse ubuyobozi bw'Umujyi wa Kigali bwaguhagurukiye gusa atari ikintu cyo gukemura ako kanya kuko ngo guha isura nshya umujyi bizakorwa mu byiciro bizajya bifatwa muri buri myaka itanu.

Hashingiwe ku gishushanyo mbonera, ku ikubitro ibice byo mu mujyi rwa gati aho bakunze kwita muri " Quartier Commercial" na " Quartier Matheus" no mu bice biri kugenda byubakwamo amazu agiye umujyo umwe.

Mu bice bituwemo kandi by'akajagari, Uwanziga Mupende avuga ko n'ubwo hari hasanzwe hariho gahunda yo gukangurira abafite inyubako bigaragara ko zishaje kuzivugurura ariko hazanashyirwaho uburyo bwo kuvugurura ku rwego rusange mu gihe ikiciro cyaho kizaba kigezweho.

Asobanura uburyo iri vugururwa rizakorwa yagize ati " mu bice bisanzwe bituwemo nk'i Nyamirambo, mu gihe ikiciro cyaho kizagerwaho nabwo hazashyirwaho igishushanyo mbonera cy'inyubako zihakenewe ariko zidatandukanye cyane n'izari zihasanzwe kugira ngo umwimerere w'aka gace ugume ari wa wundi ndetse n'ibisanzwe bihakorerwa ntibihinduke".

Gusa ngo hazashyirwaho korohereza abaturage mu myubakire nk'uko yakomeje abitangaza agira ati " turi kugenda twiga uburyo buboneye buzakoreshwa, ku buryo abaturage bazaba badafite ubushobozi buhagije bazajya bashyirwa mu matsinda bakubakira hamwe kugira ngo n'uwari ufite ubuso buto bitewe n'ibyo atunze  abonereho".

Ngo hari kwigwa kandi uko ahantu runaka hakenewe kubakwa hazajya hahabwa umushoramari akubaka inyubako zisabwa ku buryo yaba ari iy'amagorofa maze umuturage agahabwa aho kuba ariko hangana n'ubuso yari asanganywe nta mafaranga atanze.

Ku bijyanye n'isuku nke igaragara muri za quartier zimwe na zimwe, Uwanziga Liliane Mupende yavuze ko hasanzwe hariho itsinda rigenzura ibijyanye n'isuku mu bice bitandukanye by'umujyi wa Kigali icyo gukora ari ukubasaba kwikubita agashyi bagakorana n'inzego z'ibanze mu kubungabunga isuku muri Kigali hose.

Nubwo impinduka z'umujyi wa Kigali zisa n'izireba abayobozi, abaturage nabo hari ibyo baba bakwiye kwikorera, cyane cyane isuku aho batuye no muri quartier babamo kugira ngo umujyi wa Kigali use neza inyuma (ahaboneka) ndetse n'imbere (hirya muri za quartier).

Abaturage nidukore ibyo dukwiye gukora ibyo abayobozi bagomba gukora tuzajya tubibababaza… Impinduka ngo ni mu mutwe.

Imiturire myiza, ikwiye kandi igezweho iri kugenda igaragara i Kigali

Ama'quartier' mashya yubatse neza ari kuzamuka i Kigali

Inyubako nshya z'imiturire y'icyerekezo cy'umujyi

Aha naho ni i Kigali, imiturire myiza n'imiturire mibi ntibiri kwivangura kandi ni ahantu hari kubakwa bushya

Ku mihanda ihuza uduce dutandukanye harasa neza nubwo bigaragara ko inzu zihari zishaje

Gusa hari ikizere cy'impunduka kuko hari kubakwa inzu nk'izi buhoro buhoro ziri kuzisimbura

Aha ku muhanda ureba imiturire ihari ikakuyobera

Ni i Kigali naho

Kigali iteye amabengeza, atari ukubera amazu meza maremare cyane ahubwo kubera isuku itaba ahandi henshi

Hari kuzamuka amazu mashya azakomeza guhindura isura y'umujyi

i Kigali ariko inzu ziracyeye buri wese aracyeye kandi arasobanutse tutitaye ku ho ari buze gutaha

Inyubako ndende zitanga ikizere cy'isura nshya y'umujyi mu gihe kizaza

Imiturire igezweho kandi myiza mu bindi bice by'umujyi

Ku muryango gusa ushobora kwibaza ko ari ku rugo rw'Umwami atari kwa rubanda rusanzwe.

Ariko se hirya muri Quartier?

Ubwiherero nk'ubu buteye inkeke kandi bwerekana ikibazo cy'imiturire muri za quartier

Ukumva ngo ibiza byashenye amazu

Abatuye aha usanga aribo bitwa abanyakigali, ariko si aha bakwiye, si aha abanyarwanda bakwiye kuba

Aha ni Kabeza koko?

Imyanda bigaragara ko isaziye ku muhanda

i Nyamirambo iwabo w'abanyamujyi imiturire yaho ahenshi ni akajagari nubwo gasize irangi

Gusa hafi aho ukahasanga utujagari tw'amazu n'utuyira tubamo abantu benshi cyane

Aha ushobora kwibaza ko ari muri Atelier ariko ni aho abantu batuye. Imyumvire!

Hakuno imiturire ntisobanutse

Hakurya hari imiturire igezweho kandi ikwiye

Ubuyobozi bw'Umujyi buvuga ko hazagenda hubakwa amazu manini ashobora guturamo abantu benshi icya rimwe

Umujyi ukeneye imiturire igezweho kandi ikwiye nk'iyi

Gusa ntishobowe na benshi batuye gutya mu tujagari bategereje izo mpinduka ko zibagerahon'ubwo nabo hari iby'ibanze basabwa kwikorera nk'isuku

Photos/M NIYONKURU/UMUSEKE

Martin NIYONKURU
UMUSEKE.RW 

---

__._,_.___

---

Posted by: Samuel Desire <sam4des@yahoo.com>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Yahoo Groups

Instantly Preview Links Before your Click in Groups

Links in Group messages now display a preview image and snippet from the web page

---

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=--=-=-=-=-=-=-=-=-=-=-
.To post a message: RwandaLibre@yahoogroups.com; .To join: RwandaLibre-subscribe@yahoogroups.com; .To unsubscribe from this group,send an email to:
RwandaLibre-unsubscribe@yahoogroups.com
_____________________________________________________

More news:  http://www.amakurunamateka.com ; http://www.ikangurambaga.com ; http://rwandalibre.blogspot.co.uk
--------------------------------------------------------------------------------------
-SVP, considérer  environnement   avant toute  impression de  cet e-mail ou les pièces jointes.
======
-Please consider the environment before printing this email or any attachments.
--------------------------------------------------------------------------------------

Visit Your Group

• New Members 1

• Privacy • Unsubscribe • Terms of Use

.

__,_._,___

[RwandaLibre] Fw: *DHR* Fwd: ITANGAZO RIGENEWE ABANYAMAKURU N° 014/P.S.IMB/014

 

----- Forwarded Message -----
From: "Bakunzibake Alexis imberakuri.5@gmail.com [Democracy_Human_Rights]" <Democracy_Human_Rights@yahoogroupes.fr>
To:
Sent: Sunday, 27 July 2014, 18:27
Subject: *DHR* Fwd: ITANGAZO RIGENEWE ABANYAMAKURU N° 014/P.S.IMB/014

 

---------- Forwarded message ----------
From: Parti Social Imberakuri <info@ps-imberakuri.net>
Date: Sun, 27 Jul 2014 19:01:59 +0200
Subject: ITANGAZO RIGENEWE ABANYAMAKURU N° 014/P.S.IMB/014
To: Bakunzibake Alexis <imberakuri.5@gmail.com>, Immaculée UWIZEYE
<immy.uwizeye@yahoo.fr>

ITANGAZO RIGENEWE ABANYAMAKURU N° 014/P.S.IMB/014

Rishingiye ku itangazo rigenewe abanyamakuru N° 013/P.S.IMB/014 ryasohotse
kuwa 06/07/2014 rishyizweho umukono na Me Bernard Ntaganda perezida
fondateri w'ishyaka, ishyaka PS-Imberakuri ryatunguwe cyane niryo tangazo
ryasohotse risenya ishyaka rinaricamo ibice ndetse rinasenya ibikorwa byose
ishyaka ryagezeho mu nzego zose mu myaka 4 ishyize ubwo Me Ntaganda yari
afunzwe, kubw'ibyo byose ishyaka PS-Imberakuri ritangarije abanyarwanda,
abarwanashyaka n'amahanga ibi bikurikira:

- Ishyaka PS Imberakuri ryatewe impungenge zikomeye n'inama nkiriya
idasobanutse, ukurikije imitegurire, imiyoborere ndetse n'ibyayivuyemo. Aha
hakaba hahishe byinshi aho inama itigize itumirwamo visi perezida wa
mbere,uwa kabiri,umunyamabanga mukuru,umunyamabanga mukuru ushinzwe
urubyiruko n'abandi… Nyamara ngo hifashishijwe ikoranabunga nkuko bivugwa
mu ngingo ya mbere inama ikaba yaratumiyemo Bwana Jean Baptiste Ryumugabe
nubwo bitabakundiye ndetse n'abandi bagombaga kwemeza ibyifuzo
by'abayiyoboye niba yaranabayeho.

- Ishyaka PS Imberakuri ritewe impungenge n'amakenga y'ibyavuzwe mu ngingo
ya 5(...), biteye agahinda kubona nyuma y'imyaka 4 yose ishyaka rikorana
neza n'amashyaka atandukanye none kubw'inyungu z'abantu bake cyane nka 2 cg
3 bikaba uyu munsi aribwo abayobozi bamwe batangiye kwikoma abandi bayobozi
b'amashyaka nkaho ayo mashyaka agendera ku murongo cyangwa ibyifuzo byabo.

- Ishyaka PS Imberakuri riranenga byimazeyo imvugo zirimo ubugome
n'ubwishongozi ziri mu ngingo ya 7(...) aho hari abifuza cyangwa bakeka ko
gufungwa cg kwicwa aribwo butwari. Ntabwo ariko abantu bose babibona,
guhunga si ububwa. Bakomeza bavuga ko ngo abahunze cg abagiye hanze
y'igihugu nibashyira impumu n'igihunga bazasubira mu mirimo yabo; ariko
hano umuntu wese akaba yakwibaza ari ufunguwe cyangwa uwahunze uwakabaye
ashyira impumu ari inde? Dore ko no mu itegeko shingiro ishyaka rigenderaho
ntahanditswe ko uri hanze y'igihugu cg uwahunze ahagarika imirimo ye mu
ishyaka, n'ikimenyimenyi ni uko Ryumugabe ukunze gushyirwa imbere na Me
Ntaganda Bernard yahunze igihugu cg akaba aba hanze y'igihugu. Gusa aha
birumvikana ko ubufatanye ishyaka PS Imberakuri ryagiranye n'andi mashyaka
cyane cyane FDLR ko hari abo butashimishije cyane cyane Leta ya Kigali
itarahwemye gusenya ishyaka ikoresha uwo ariwe wese, bikaba nta gitangaza
kirimo kuba iyo Leta yaba ariyo yihishishe inyuma yibi byose. Kandi
twibutse ko ubwo bufatanye bumaze imyaka isaga itatu,kuba rero hari abaza
bakumva ko ubwo bufatanye butababereye ibyo nta gitangaza kirimo.

- Kuba ingingo ya 8 yaragarutse cyane kuri Bwana Jean Baptiste Ryumugabe
dore ko urebye neza iri tangazo hafi ya ryose wagira ngo niwe ryakorewe
nta gitangaza kirimo dore ko uyu Ryumugabe yakomeje gucamo ishyaka ibice no
kubiba amacakubiri hagati y'abayobozi n'abarwanashyaka yica amategeko uko
yishakiye agamije kwigarura ishyaka akaba aribyo akomeje gukora afatanyije
n'abamushigikiye bagamije inyungu no kwimika inda zabo imbere. Uyu
Ryumugabe akaba yarihanangirijwe ndetse agirwa inama inshuro nyinshi ariko
bikaba bigaragara ko nta kwikosora kwahabaye ahubwo aho kugira ngo Me
Ntaganda Bernard aze afasha kumugarura mu murongo ahubwo akaba
amushyigikiye mu migambi ye mibisha. Ishyaka PS-Imberakuri ryatunguwe
n'imikorere idahwitse ya Me Ntaganda Bernard isenya ikanatiza umurindi
abashaka gusenya ishyaka rya PS-Imberakuri aho Me Ntaganda avuga ko
yasohoye amatangazo ari muri gereza akura bamwe mu bayobozi mu myanya
barimo, agashyiramo abandi batazwi. Akaba yarakoze ibi yica amategeko nkana
dore ko ntaho ashobora kvuga cyangwa ngo agaragaze abo yakoranye nabo inama
bagafatana imyanzuro muri gereza nuko bagasohora amatangazo nkariya afata
ibyemezo. Tuributsa uwariwe wese witwaza icyo aricyo cyose mu ishyaka ko
adafite uburenganzira na buke bwo kwica amategeko nkana akora ibyo ashaka
mu ishyaka kuko ishyaka atari akarima k'umuntu umwe ku giti cye aho
ashobora gukora ibyo yishakiye.

- Ishyaka PS-Imberakuri riboneyeho umwanya wo kwamagana ku mugaragaro
imyitwarire idahwitse ya Me Ntaganda Bernard uvuye muri gereza ashishikajwe
no gucamo ishyaka ibice aho gufatanya n'abandi mu gukomeza urugamba
atabariza abafunzwe, ababuriwe irengero, abicwa ndetse n'abashimuswe haba
mu barwanshyaka no mu banyarwanda bakomeje kurenganywa na Leta ya FPR nkuko
nawe yagiye atabarizwa; ahubwo nkuko mubibona akaba ashishikajwe n'izindi
nyungu zidafite aho zihuriye no guharanira uburenganzira bw'abanyarwanda no
gukomeza umurongo wa politike ishyaka ryiyemeje, ahubwo akaba ashaka
kurigira nk'akarima ke. Twamwibutsa ko imbaga y'abarwanashyaka atari we
yakurikiye nk'umuntu ku giti cye ahubwo yakurikiye umurongo wa politike
w'ishyaka; rero kubw'ibyo tukaba tumwibutsa ko abanyarwanda atari ikibuga
bakiniraho umupira. Ishyaka rikaba rimusaba kugaruka mu murongo mu maguru
mashya agakorera abanyarwanda kurusha gushyira imbere izindi nyungu ze
bwite kuko nibitaba bityo yazafatirwa ibindi byemezo.

- Nyuma yo gusanga inama Me Ntaganda Bernard yakoresheje itemewe
n'amategeko turasaba ko yategura indi nama yemewe n'amategeko
tugafatanyiriza hamwe kunonosora ibibazo byaba bihari no gushyiraho
umurongo twagenderaho twese hamwe; dore ko nyuma y'imyaka 4 ari muri gereza
azira akamama ari myinshi akeneye gushyira ubwenge ku gihe no gushyira
impumu n'igihunga nkuko abyivugira abibwira abahumze cg abatari mu gihugu
dore ko ahubwo ariwe bireba kuko yakorewe iyicarubozo n'ingoma mpotozi ya
FPR. Rero hari byinshi byahindutse ku buryo hakenewe inama inonosora zimwe
muri izo mpinduka kugira ngo arusheho kuzumva no gukorera abanyarwanda uko
bikwiye abafasha kwibohora ingoma y'igitugu iyobowe na FPR.

- Ku mpamvu zose zavuzwe haruguru, ishyaka PS-Imberakuri riramara
impungenge abarwanashyaka baryo n'abanyarwanda ko ritazigera ridohoka ku
rugamba rwo guharanira ko buri munyarwanda yakwishyira akizana mu gihugu
cye. Twongeye kandi kumenyesha ko ubufatanye bwa PS-Imberakuri nandi
mashyaka bukomeje mu rugamba rwo kubohora abanyarwanda ingoyi bashyizweho
na Leta mpotozi y'igitugu ya FPR; ni muri urwo rwego twibutsa ko ubufatanye
bwa PS-Imberakuri na FDLR bukomeje kandi butazigera buhungabanywa n'uwari
wese yitwaje icyo aricyo n'umwanya wose yaba afite muri aya mashyaka.

Ishyaka PS-Imberakuri riboneyeho umwanya wo gushimira abarwanashyaka,
abanyarwanda ndetse n'amahanga ubufatanye batawemye kugaragaza mu bihe
bikomeye bitanga mu guharanira uburenganzira bw'abanyarwanda mu gihe cyose
ubutegetsi bw'igitugu bwa Kigali buyobowe na FPR bwashatse gusenya ishyaka.
Uko twagiye dutera intambwe tujya mbere, Leta ya Kigali ntibyayishimishije
na gato akaba ariyo mpamvu igikomeje gushaka gusenya ishyaka ariko tukaba
tuyikuriye inzira ku murima ko ntacyo izigera igeraho kuko abanyarwanda
bamaze guhaga akarengane ibagirira kandi bamenye guharanira uburenganzira
bwabo. Rero dukomeze ubwo bufatanye kandi twese hamwe tuzatsinda.

Mugire amahoro y'Imana!

Bikozwe kuwa 27 Nyakanga 2014

Ku bwa PS-Imberakuri Alexis BAKUNZIBAKE
Visi perezida wa mbere

http://www.ps-imberakuri.net/kin/amakuru/110-itangazo-rigenewe-abanyamakuru-nd-014psimb014.html

---

__._,_.___

---

Posted by: Samuel Desire <sam4des@yahoo.com>

---

Reply via web post

•

Reply to sender

•

Reply to group

•

Start a New Topic

•

Messages in this topic (1)

---

Yahoo Groups

Instantly Preview Links Before your Click in Groups

Links in Group messages now display a preview image and snippet from the web page

---

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=--=-=-=-=-=-=-=-=-=-=-
.To post a message: RwandaLibre@yahoogroups.com; .To join: RwandaLibre-subscribe@yahoogroups.com; .To unsubscribe from this group,send an email to:
RwandaLibre-unsubscribe@yahoogroups.com
_____________________________________________________

More news:  http://www.amakurunamateka.com ; http://www.ikangurambaga.com ; http://rwandalibre.blogspot.co.uk
--------------------------------------------------------------------------------------
-SVP, considérer  environnement   avant toute  impression de  cet e-mail ou les pièces jointes.
======
-Please consider the environment before printing this email or any attachments.
--------------------------------------------------------------------------------------

Visit Your Group

• New Members 1

• Privacy • Unsubscribe • Terms of Use

.

__,_._,___

Re: *DHR* Rwanda: utagira uburere n’umuco, icyo wakora cyose urahomba!

Agnes mbona afsite igihe cyo kutubwira no gusesengura bla bla ya Kagame nyamara Kagame afite abahemba babishinzwe !

---

From: "christian bikino binokwe@yahoo.fr [Democracy_Human_Rights]" <Democracy_Human_Rights@yahoogroupes.fr>
To: "Democracy_Human_Rights@yahoogroupes.fr" <Democracy_Human_Rights@yahoogroupes.fr>
Sent: Sunday, 27 July 2014, 14:39
Subject: Re: *DHR* Rwanda: utagira uburere n'umuco, icyo wakora cyose urahomba!

 

Mme Agnès,

Urandika uti:" Kagame atanga urugero ati hari abantu bajya bifuza kumbona ngo bampe ubutuma Imana yanyoherereje, nkumva atari byo.Ndababwira nti niba koko muvugana n' Imana, ubutaha muzayibwire ko nshaka" direct online", ko nshaka kwivuganira nayo."

Uyu Muperezida w'Urwanda wihaye ubutegetsi, abinyujije ku Mandwa Kagoro na Rutindangezi, yifashishije imyuka ya Sekibi, akabuhabwa hejuru y'amaraso y'abana b'Imana, akabisasira ntawe asize inyuma(haba umugabo, umugore, umukecuru, umusaza, uwihaye Imana, abana, abaSenyeri, abafurere, ababikira) na n'ubu akibikora ku mabwiriza yasezeranye na Rutindangezi, nayo imwemerera gutunga imituli n'amadege n'amafaranga atabarika, kubera ibyo bitambo by'amaraso ashyushye yemereye Altemis na Rutindangezi,

Yarangiza ngo nawe ni uw'Imana, igihe ajya mu itorero Gushimira Imana, akivuga ibigwi by'abo yishe, maze imyuka mibi ikamukomera amashyi, akibagirwa ko itegeko ry' Imana rivuga ngo:" Ntuzicye, Kandi uraze wubaha Imana yawe  kandi uyikunde, unakunde mugenzi wawe kurushya uko wikunda.

Yiyibagije ibyiza Patric Karegeya na Nyamwasa bamugiriye, inyiturano iba kubaforomoza n'urusasu izuba riva, ngo ejo batazamuvamo bakavuga akari imurore.

None ngo yifuza kuvugana n'Imana "direct on line"?

Imana ifite uburyo bwayo ikoramo, bunyuranye nubwo twe abantu tubona, kandi ntiyifuza kuvugana n'abivuga ko batunze ibya mirenge, ahubwo abakene

Muri Bibiliya haranditse ngo:" Hahirwa abakene ku mutima, kuko ingororano yabo izaba nyinshi mu ijuru"

Imana ihitamo abiyoroheje, abacishije make, ikabatuma ngo bagende babwire abigize intumva, intakoreka, igambiriye ko bahinduka.

Icyo nemeranya na Kagame ni kimwe: Kuba avuga ko nawe ari umwana w' Imana ni ubwo ari umunyabyaha(ambabalire, nta burenganzira mfite bwo kumucira urubanza), ariko ngo ibisobetse ku isi, no mu ijuru bizaba bisobetse.

Impinja n' abasenyeli yivuganye, Roho zabo ziratakamba ubutitsa, ngo Imana Rurema izirenganure, bitavuze ko zifuza kwihorera.

Bibiliya ikongera ikatubwira ngo:" Intungane bwira icumuye kalindwi, kandi n'ukubitwa urushyi ku musaya wawew'ibumoso, uzemere utege n'undi musay w'iburyo, nawo bawukubiteho, ariko ntukihorere".

Kagame rero niba ari uw'Imana, akaba yarashizweho nayo, sinumva ukuntu yajya ku ka rubanda akihandagaza, igihe yari yasuye akarere ka Nyabihu, ngo:" Mu minsi iri imbere, bene wanyu turaza tubarasa izuba riva" 

Mbere yaho gato, yari yivugiye ko we ari i Camion, abandi bakaba ibikeri, kandi ko azabanyura hejuru, abandi abita amabyi"ibigarashya bicitse"

Ako gasuzuguro gakabije ka Kagame, ubwirasi, ukwishyira hejuru, ukwikuza, ukutubaha Ibiremwa by'IMANA, yarangiza ngo ni Uw'Imana.

Umwana w' Imana yaremye mu ishushi ryayo, bishatse kuvuga ko agomba gukora neza nkuko Yezu(Umwana w'Imana yabyigishije intumwa ze).

Kuba asuzugura abo bamutumaho, ni uburenganzira bwe, ariko amenye ko Imana ikora uko twe abantu tudakora, kandi ntiyifuza kwigaragaza ivugana n'abantu bikuza, bishyira hejuru, kimwe n'abandi batifuza kwihana, kwicuza, ahubwo bagambiriye kumena igihe cyose amaraso y'abana b'Imana.

Uzabwire Kagame niba muvugana, asome Zaburi37, guhera kuri verset ya 7, ahanditse ngo:"Reste en silence devant le Seigneur, attends-le avec patience. Ne t'irrite pas si certains réussissent et si d' autres intriguent.Renonce à la colère, laisse tomber ta fureur.Ne t'irrite pas, cela ne produirait que du mal, car ceux qui font le mal seront éliminés, mais ceux qui comptent sur le Seigneur, ceux-là posséderont le pays.D'ici peu, le méchant aura disparu, tu auras beau chercher, tu n'en trouveras plus trace, Mais les humbles posséderont le Pays, jouiront d'un large dédommagement. Le méchant intrigue contre le fidèle, il lui montre des dents menaçantes, mais le Seigneur se met à rire de lui, car il voit venir le jour de la revanche.

Le méchant tirent l' épée, ils tendent leur arc pour abattre le pauvre et le malheureux pour tuer ceux qui suivent le droit chemin, mais leur propre épée leur percera le cœur et leur arc se cassera."

Kagame rero namenye ko Imana idakeneye kwifotoza hamwe nawe, nkuko yifotozanya na Warren, Tony Blair na Kaguta Musevenina Obiang Nguema wa Guinée équatorial wamaze abenegihugu nkawe, Compaoré wakoze ibyo mwese muzi n'abandi ntarondoye.

Niba Imana imutumaho abaciriritse, aze yumva ko ishaka kumukura murwobo yisutsemo rwa sekibi Rutindangezi na  Altemis wamuhaye amagorofa, amwuzuzaho ama diamant yavuye mu maraso y'abana ba Sierra Léone, abicishije ku mulimbyi nawe azi yo muri Nigeria, inshuti ya Tailor, nyuma yuko amwemereye gutanga ibitambo by'abana b'Urwanda kuri uwo Mme Altemis ngo amukize, amuhe ibyiza by'isi biyoyoka nk' umukungugu.

Azemere afate igitabo cy'Umubwiriza, afate n'ibura iminota 20 gusa asome, azakuramo isomo rikomeye, rizatuma aha abana b'Imana amahoro.

Nyuma yaho , azahinduka, asabe Imbabazi, kandi azazihabwa, nubwo yakoze byinshi bibi, ariko Imana ni Inyampuhwe, izamubabalira, nta bitambo by'amaraso imusabye.

Icyo imushakaho ni ukwicishya bugufi, kumva abaremerewe n' ibibazo, abarushye, abarengana, bose akabatabara, aho kubarasa izuba riva.

Niyemera agasenga mu dini ry' intumwa twese tuzi, akemera kwitandukanya na Rutindangezi, Kagoro, Altemis na Lucifero,akilinda gutoteza idini ry'Imana ariyo Kiliziya(Umubili n'inkingi bya Yezu Kristu) azababalirwa, kandi Urwanda narwo ruzamubabalira.

Azilinde kwigereranya n' Imana, kuko icyubahiro cyayo kidahungabanwa, kandi nta wundi bagisangiye, kuko ari Imana ya Isaac, ya Yakobo, ya ABRAHAMU , n'abasekuruza bacu bose.

Niyemera ko abanyarwanda batazongera kumupfukamira nk'upfukamira Imana, akisubiza mu cyiciro akwiye, ariko akubaha Imana, azaba akiranutse.

Bitabaye ibyo, ararye ari menge, kandi azitabaza n'intare ngo zimurye, ariko nazo zizamubwira ngo nta gihe zifite, kuko nazo zizaba zimuhunga.

Kagame yari yagiriwe amahirwe yo kubona abantu atumwaho, ngo nibura yihane, bitabaye ibyo, ibizakurikira si ibyanjye, azabage yifashye.

Sinarangiza ntamwibukije kuzajya gusoma igisubizo Imana-nzima yahaye umuhanuzi bita" Habacuc"? Azafate Bibiliya yera agisome yitonze, wenda yazakuramo isomo ryukuli.

Quand aux peuples partis en guerre contre les enfants de Dieu, son Eglise(Ingoro y'Imana), voici quels maux le Seigneur leur fera subir:" Leur chair se décomposera alors qu'ils seront encore vivants, leurs yeux pourriront dans leurs orbites de même que leur langue dans leur bouche.Ils se retourneront les uns  contre les autres et chacun attaquera son voisin (voir Zacharie 14;12-13)

Ngaho abategeka nibategeke simbujije, njye ndasabira Roho zose z'abana b'urwanda bazize akarengane nkuko Kizito yabililimbye, kuko urupfu ni nk'urundi, kandi abana b'Imana bose ni bamwe imbere yayo.

Je termine en l' invitant à lire dans la Bible:" Eccésiastes 6-7:10-12 et 1;23.

Bugarama City, défenseur de tous les opprimés, et disciple fidèle du Très Haut.

Sans rancune.

Le Dimanche 27 juillet 2014 13h14, "Theobald Gakwaya tgakwaya@yahoo.com [Democracy_Human_Rights]" <Democracy_Human_Rights@yahoogroupes.fr> a écrit :

 

Mme Agnes 

Urakoze kutuvumbya kuri ikganiro cy'uburere n'umuco cyatanzwe na Pawulo Kagame.Ariko kubyerekeye kwakira ubutumwa buturuka ku bahanuzi b'imana ngo arifuza ko Imana yamushyira on direct line aho kumutumaho. Yaba se yiteguye kwitaba Imana koko? Aho ntiya ba nka ka gakecuru ngo kifuje gukbitwa n'inkuba maza kabona umurabyo uhise  kati Uramenye uramenye wa nkuba we ntumpitane  dore ko ibyubu bitagikinishwa.

Rwaka

On Sunday, July 27, 2014 2:05 AM, "agnesmurebwayire@yahoo.fr [Democracy_Human_Rights]" <Democracy_Human_Rights@yahoogroupes.fr> wrote:

 

 

 

Mwaramutse yemwe,

Nagira ngo ndangire abatarabikora, kumva amagambo meza yubaka perezida Kagame yabwiye urubyiruko rwitabiriye Itorero ry'uyu mwaka. Yararyitondeye araritegura.

Muri make ibyo perezida Kagame yabwiye uru Rwanda rw'ejo ni ukuri gusa gusa, utagira uburere, utita ku muco w'iwabo, icyo "wakora cyose, urahomba"!

Nyuma y'iri jambo abanyeshuli bahawe umwanya w'ibitekerezo n'ibibazo.

Hari uwabajije perezida aho akura imbaraga zo guteza u Rwanda imbere, perezida na we amusubiza amuha urugero rw'amawe mu magambo yababwiye, rw'uburyo abantu bafatanya kubaka igisenge cy'inzu bakayisakara, yongeraho ko gushaka kujyana u Rwanda imbere abiterwa n'uko nta majyambere ahari.

 

Undi yamubajije uko bigenda ngo itegekonshinga rihinduke, bityo ngo nibarangiza amashuli perezida azabe akiyobora bamufashe.

Uyu perezida yamushubije ko uko itegekonshinga rijyaho ari nako rihinduka, kandi ko hari n'ibihugu bitarigira. Asoza amubwir ako atirirwa atinda ku gihe itegekonshinga rizahindurirwa kandi ko yibwire ko n'ikibazo cye atari cyo cyari kigamije.

Ngabe wiga muri Amerika yabajije perezida icyo yumva ateze ku rubyiruko. Perezida amusubiza mw'ijambo yababwiye, ati mukiga, mugahaha, mukabizana mu gihugu mugafatanya n'abandi kucyubaka.

Undi nawe ati twatojwe kuba twafatanya n'ingabo z'u Rwanda kubungabunga umutekano, hanyuma abaza niba byashoboka ko babigisha andi masomo ya gisilikare kugira ngo bashobore guhora bari "tayari".

Perezida yamushubije ko ikibazo cye cyoroshye rwose kandi gishimishije, yongeraho ko abayobora ingabo bashobora kubigisha ibyo uwo musore asabye, ndetse ko bishoboka ko bakwinjira mu ngaho aho kuzibamo bushyitsi.

Ishimwe Iréné wiga mu Bufaransa yabajije igikurikizwa ngo bahindure gouvernement, n'impamvu habaho ihindurwa ry'abayobozi bava muri ministeri bajya mu zindi.

 

Perezida ati "aho uba mu Bufaransa haba gouvernement"? Warabibajije? Yongera ko igihindura za gouvernements zo mu Bufaransa cyenda gusa n'igihindura za gouvernements z'ahandi. Asoza amusaba kuzabaza uko mu Bufaransa bigenda akazagaruka bakabivugana. Aliko mbere yo gusubiza ikibazo cyakurikiyeho (cyabajijwe mu cyongeleza), perezida agarutse ku buryo gouvernement zivaho, abwira uwabibajije ko asanga yahereye ikibazo hagati, kuko ngo atabajije uko za gouvernement zijyaho.

Umukobwa wiga ubuganga muri Amerika yifuje ko itorero ryabera no mu mahanga, atanga urugero ko ngo ryijya riba mu Bubiligi.

Perezida yamushubije ko hakwiye kubanza kwibazwa niba abanyarwanda bari muri Amerika biteguye (organized). Niba nabyumvise neza, perezida yakomoje ku byo umwe mu ntore yavuze ko ngo babigisha n'imbunda, aboneraho yibaza niba muri Amerika babemerera gukoresha imbunda (abivuga aseka). Ati aliko niba ari ukubahuriza hamwe bakabaha ibiganiro, ibyo byo byashoboka.

Umusore wiga muri Maroc atanze igitekerezo kivuga ko intore zita ku byagezweho mu gihugu zikanarinda, nyuma atanga icyifuzo cy'uko abashaka kuba abasilikare bakiri mu mashuli babona uruhusa rwo kwinjiramo bakarangirizamo amashuli yabo, kugira ngo imyaka ntarengwa yo kuba umusilikare itazababangamira.

Igisubizo cyabaye ko no ku yindi myaka hari uburyo bushoboka ko umuntu yinjira mu gisilikare  bitewe n'inyungu ziva ku byo yize bamubonamo. Yasobanuye n'iby'amasomo ya ba cadets, hanyuma asaba umuyobozi w'ingabo (Nyamvumba) kugira icyo yongeraho, uyu nawe avuga ko ibisobanuro HE yatanze byuzuye, aliko ko aza kuganira n'uwabajije icyo kibazo. Perezida asoza abwira uwo musore ko nibatamufata mu ngabo z'igihugu we azamujyana mu biro bye! (amashyi)

Fidela Ngabonziza wiga international criminal muri Kenya, we ngo nta kibazo afite kuko abatoza babahaye bashubije ibibazo byose, aliko ngo yashakaga gushimira, kandi ko nyuma y'urugamba rw'amasasu, hasigaye urw'amajyambere kandi  "tubemerere kandi twiyemeje gufatikanya namwe" guteza igihugu cyacu imbere.

Ishimwe Léandre wiga mu Bushinwa we yasabye Rwandaday, perezida Kagame ayimwemerera muri aya magambo "one day,yes, one day we shall have it, no problem"

Ndungutse yabajije itandukaniro ry'idini n'indangagaciro z'ubunyarwanda (habuze gato akavuga ubunyangarwanda) ngo kuko no mu madini/insengero naho  habamo itorero.

Perezida yagerageje kugisubiza avuga ko ubundi bagombye kuba barabibasobanuriye amatorero atangira. Ngo itorero ni ugushyira abanyarwanda hamwe, ni uburere, kurinda umutekano w'abantu n'iigihugu, amahugurwa, kugira inshingano zisobanutse, kandi ko itorero ry'igihugu rihuza abantu bo ma madini yose.

Hanyuma perezida asubiza ijambo uwabajije ikibazo ngo amubwire niba bumvikanye, uyu na we ati nifuzaga kumenya icyo uvuga ku bahanuzi b'amadini.

 

Perezida (aseka) ati ibyo guhanura byo, ibyo nakubwira ko ntabizi, izo ni pawazi zirenze konstitushoni, ibyo birandenze sinabona uko mbisobanura… Uko ni ukwemera kundi kutari mu murongo wanjye. Ibijyanye n'ukwemera, n'imana n'ubuhanuzi, ibyo ni ibindi bindenze, twe tujya mw'itorero rya politiki mu gihugu, guhuza abantu, ibyo baba bemera byose.

Atanga urugero ati hari abantu bajyaga bashaka kumbona ngo bampe ubutumwa imana yanyoherereje, nkumva atari byo. Ndababwira nti niba koko muvugana n'imana, ubutaha muzayimbwirire ko nshaka direct line, ko nshaka kwivuganira nayo. Kuko ntiyampa inshingano hanyuma ngo ye kumvugisha.Ubu ngira ngo ndi aha nyobora abantu b'imana nk'uko nanjye ndi uwayo.

Ntibyashoboka, ni naho namenyeye ko ari ikinyoma.

 

Umva perezida Kagame mu bice bibiri by'ijambo yabwiye urubyiruko, n'ibibazo, ibitekerezo n'ibizubizo, nk'uko byumvikaniye mu muhango wo gusoza Itorero ryabereye I Gabiro taliki ya 13 kugeza ku ya 25 Nyakanga 2014

 

http://www.youtube.com/watch?v=w9H7g_L23t4&feature=youtu.be

http://www.youtube.com/watch?v=OE6YPX8VBUE

__._,_.___

---

Envoyé par : christian bikino <binokwe@yahoo.fr>

---

U RWANDA RURASHYA, INGOMA YA KAGAME IHINDURA IMIRISHYO…..: DR RUDASINGWA

http://www.therwandan.com/ki/u-rwanda-rurashya-ingoma-ya-kagame-ihindura-imirishyo-dr-rudasingwa/

U RWANDA RURASHYA, INGOMA YA KAGAME IHINDURA IMIRISHYO…..: DR RUDASINGWA

26/07/2014 11:34   Amakuru

Nkuko bisanzwe Kagame yashyizeho undi Minisitiri w 'Intebe, Anastaze Murekezi, umuhutu ngo wasabye imbabazi, kandi wavuze ko afite amaraso y'abatutsi mu bisekuruza bye.

Banyarwanda, Banyarwandakazi, mukomeze mube maso kuko Kagame nagatsiko ke baragerageza kubajijisha kandi ntacyahindutse:

1. U Rwanda rutegekwa na Kagame, madamu we Jeanette, n'agatsiko ka a
basirikare ba batutsi ahanini bahoze ari impunzi muri Uganda.

2. Ako gatsiko gakorera Kagame na Jeanette niko kayobora goverinoma ya mbere (no.1) itagaragara (informal government), ifatirwamo ibyemezo kandi iyobora goverinoma ya kabiri No.2 ( formal government-). Maj. Gen.Jack Nziza niwe ukora nka Minisitiri w'Intebe muriyo goverinoma ya mbere, raporo azishyikiriza Jeanette na Kagame. Inzego z'umutekano zose, niyo zibarizwa muri goverinoma ya kabiri, zitegekwa nabagize goverinoma ya mbere. Na FPR ubwayo ni igikoresho cya gatsiko muri goverinoma zombi. Umutungo witirirwa FPR, cyangwa wa leta, muri Crystal Ventures cyangwa Horizon Group, control yabyo iba muri goverinoma ya mbere.

3. Iyo goverinoma ya kabiri niyo ibarizwamo abahutu, no muri rusange abasivili. Birazwi ko Minisitiri w"Intebe, aba Minisitiri,n abandi bayobozi bakuru bagomba kubanza kubaza ba Jack Nziza na bagenzi be muri goverinoma no.1 mbere yuko bafata ibyemezo, biturutse ku buremere bwabyo. Mbere yuko Kagame atanga igisubizo, ba Minisitiri b'Intebe nabandi bayobozi bakuru bagendera ku magi, bagategereza.

4. No muri goverinoma no.2 abahutu babarizwamo hari imyanya ubu batageramo: Minisitiri w'Ingabo, Ububanyi n'Amahanga, Ubutabera, Imari, Banki Nkuru, Rwanda Revenue Authority, Ubuzima…ibyo bigomba kujya mu maboko y' abatutsi bakorera Kagame n'agatsiko ke, kandi bumva ko bakorera goverinoma no.1.

5. Mu guhindura guverinoma, Kagame aba ashaka kubeshya abanyarwanda na banyamahanga ko hari ibyo yavuguruye. Reka da! Ubu u Rwanda rwugarijwe n inkongi y'imiriro, inzara, ubwicanyi bukabije, ubuhunzi, ubushyamirane buzavamo intambara, gutoteza no gufunga abatavuga rumwe na Kagame na gatsiko ke, ubwoba, ubushyamirane n' intambara z urudaca nabaturanyi, n'ibindi. Kagame ni nka wa wundi babwiye bati inzu irahiye, nawe ati nimusase turyame.

6. Kagame ntasinzira, ngo arashaka guhindura Itegeko Nshinga akiha indi manda y'Imyaka irindwi, akazavaho abisigiye umugore,umwana we, cyangwa undi wese azihitiramo, Iyo niyi nshingano nyamukuru Kagame yahaye agatsiko ke muri goverinoma No. 1. Murekezi na goverinoma ye No.2 yabagendera ku magi ngo niyo izaherekeza Kagame na madamu we, bityo ngo ingoma yabo igasugira igasagamba.

7. Kagame ntasinzira kuko mu kwigamba ko azakomeza kwica abanyarwanda ku mugaragaro, yahisemo gushora u Rwanda nabanyarwanda mu yindi ntambara. Abo yatije imyanya muri goverinoma ya kabiri ngo nabamutiza umurindi mu kurwana intambara azatsindwa.

Kagame ahanganye nabanyarwanda batarambirwa, baharanira uburenganzira bwa banyarwanda bose, n'ubumwe muri demokarasi.

Tuzarwanya Kagame na gatsiko ke hamwe. Tuzamutsinda hamwe. Tuzubaka u Rwanda hamwe.

Nyuma yo kuvanaho ako gatsiko, abanyarwanda bazashyiraho inzego z'umutekano bose bibonamo; goverinoma bazumvikanaho kandi biciye mu nzira ya demokarasi; inzego z'ubutabera zizarengera buri munyarwanda kandi zirenganura abarenganye bose; n'ubwiyungye nyakuri bushingiye ku kubwizanya ukuri.

Munyarwanda, Munyarwandakazi: hitamo uruhande ruzatsinda. Itaze Kagame nagatsiko ke, bazarohame bonyinye, bazira ubwicanyi bwabo.

Tubahaye ikaze!

Twitinya. Tuzatsinda!

Dr Théogène Rudasingwa

AMERIKA: IMYITEGURO YO KWAMAGANA PRESIDENT PAUL KAGAME MURI WHITE HOUSE IRAKOMEJE

http://radioitahuka.mobapp.at/landing/Desktop#.U9Q7yom9LCR

AMERIKA: IMYITEGURO YO KWAMAGANA PRESIDENT PAUL KAGAME MURI WHITE HOUSE

http://www.blogtalkradio.com/radioitahuka/2014/07/27/imyiteguro-yo-kwamagana-president-paul-kagame-muri-white-house-irakomeje

http://kamarampaka.com/content/rwanda-icyegeranyo-cy%E2%80%99amazina-y%E2%80%99abagize-guverinema-nshya-ya-paul-kagame-cyasohotse

Rwanda : Icyegeranyo cy'amazina y'abagize guverinema nshya ya Paul Kagame cyasohotse!

Friday, July 25, 2014 - 15:45

Ifoto y'urwibutso ya guverinema nshya ya Paul Kagame

Nubwo kubantu benshi bisa nibyatunguranye, icyegeranyo cy'amazina y'abagize leta nshya ya Paul Kagame cyari kimaze iminsi kibitse mu kabati! Ibimenyetso by'uko iyi guverinema yari yaratekerejweho kera kigaragarira mu buryo n'igihe yashyizweho! Kuwa kabiri taliki ya 22/07/2014 nibwo abadepite bategereje uwari minister w'intebe Dr Pierre Damien Habumuremyi ngo abagezeho ibisobanuro yari akeneweho arabura, ibyo byakuruye akaduruvayo abadepite bamwe bavugako ari agasuzuguro kandi akaba atari ubwa mbere yari abikoze! Kuwa gatatu taliki ya 23/07/2014 nibwo hasohotse itangazo ko Habumuremyi yakuwe ku mwanya wa ministre w'intebe agasimburwa na Anastase Murekezi, hatarashira amasaha 24, minister w'intebe mushya aba ararahiye ahita ashyiraho abaministre bashya nabo bararahira!

 

Uyu muvuduko wo kwirukana no gushyiraho abaministre bashya wari warateguwe kera, ariko amakuru y'ibihuha ari gukwirakwizwa mu baturage i Kigali n'urwego rwa DMI  rushinzwe iperereza ari kumvisha abaturage ko uwari ministre w'intebe Pierre Damien Habumuremyi ko ariwe weguye ku giti cye; ibi bigakorwa mu rwego rwo gushaka kujijisha abanyarwanda n'abanyamahanga ko mu Rwanda hari demokarasi, ko umuntu iyo abonye ibitagenda mu mikorere ye yegura ntankurikizi! Nyamara ikurwaho rya Habumuremyi ryateguwe mu ibanga rikomeye na DMI !

 

Dr Pierre Damien Habumuremyi yazize ibintu bibiri byarakaje ba somambike b'agatsiko ka Paul Kagame maze bamuhimbira dosiye yo kumukuraho atarabutswe! Ikintu cya mbere Habumuremyi yazize ni ugushaka gukora ibintu neza kandi vuba abivanzemo ubwirasi bukabije no gushaka gutona cyane kwa Kagame; ibyo bikaba byaratumye ashyiraho imikorere yari igizwe n'IMIHIGO yatumye abatutsi bari mu nzego z'ubuyobozi (hafi ya bose nibo gusa) bagaragaraho ubunebwe n'ubuswa, ibyo byarushijeho kubarakaza ubwo mu mwiherero w'abayobozi Dr Pierre Damien Habumuremyi yabibishongoragaho imbere ya Kagame ubwo yavugaga ngo :abayobozi bose bakoze nabi ukuyemo perezida wa repubulika! Iyo mvugo yamukuririye ishyari n'urwango bikomeye cyane !

 

Impamvu ya kabiri yaturutse kuri Kagame ubwe; ubwo mu kwezi kwa mbere yashimiraga Habumuremyi kumugaragaro avuga ko yasubije neza abantu bose bashinjaga Paul Kagame ko ariwe wishe Karegeya maze Pierre Damien Habumuremyi akarwana urwo rugamba agaramye ku rubuga rwa interineti rwa twitter, mu gihe abaministre bose barimo Kabarebe na Mushikiwabo bari babuze icyo bavuga! Uko gushimwa kumugaragaro byongereye Habumurimyi ikizere cyo gufata ibyemezo nk'umuyobozi ariko birushaho kurakaza abamubonamo kudacisha make ngo yumvire abatoni b'agatsiko, byahise bituma gahunda yo kumwikiza mu buryo bwose itangira gutegurwa!

 

DMI niyo yapanze dosiye yo gukuraho Habumuremyi no gutegura guverinema nshya!

 

Amakuru atangwa na bamwe bakora mu rwego rw'iperereza mu Rwanda,avuga ko Habumuremyi yapangiwe dosiye yo kumwangisha Kagame bahereye kuri FDLR! Urwego rwa DMI rwateguye ibikorwa byo gutwika amazu mu gihugu nk'umutego; rusaba Pierre Damien Habumuremyi kwemera ko ari FDLR iri gutwika ayo mazu, DMI yifuzaga ko Pierre Damien Habumuremyi nabyemeza gutyo bazahita bamushinja ko atageze ku Muhigo we wo guha igihugu umutekano kuko atashoboye gufata abo ba FDLR batwika ngo aberekane; Habumuremyi we yabwiye abaministre ko ahubwo bagomba kubwira abanyarwanda n'amahanga ko amazu ari gushya mu Rwanda biterwa n'ibibazo by'amashanyarazi; DMI imaze kubona ibyo bisobanuro, ihita irega Habumuremyi kwa Kagame gukingira ikibaba FDLR kandi ariyo iri gutwika amazu cyane ko akomoka mu karere ka Musanze!

 

Ibikorwa byo gutwika byarakomeje habura umuntu numwe ufatwa ubikora, ubwo abacurabwenge ba FPR batangira gahunda yo gutegura uzasimbuza Habumuremyi n'abandi baministre; abasimbura bashya batoranyijwe ni abantu batagomba kugira igitekerezo cyabo cyangwa ngo bashobore gufata icyemezo batabajije  abatoni kwa Kagame kuko bari batangiye kubona Habumuremyi ashaka kubarusha ijambo kuri shebuja wabo! Mukumvisha Kagame ko Anastase Murekezi yaba ministre w'intebe mwiza ni uko bari bamaze kubona intege nke afite yagaragaje muri ministeri y'abakozi ba leta aho yari atangiye kwirukana abakozi adashishoje agendeye kumabwiriza yahabwaga na  ministre ushinzwe imari kandi nawe ari ministre,ubwo bahita babona ko ari umugaragu wumvira vuba! DMI yari yateguye ikinamico ko niba Kagame atirukanye Habumuremyi vuba na bwangu inteko y'abadepite yari kumwandagaza nk'uko byagendekeye Bizimungu Pasteur igahita imweguza!

Abacurabwenge ba FPR bumvishije Kagame ko Anastase Murekezi yaba umuntu mwiza wafatwa nk'agakingirizo imbere y'amahanga bikagaragara ko ubutegetsi mu Rwanda butikubiwe n'ishyaka rimwe rya FPR ko harimo na Ministre w'intebe ukomoka mu ishyaka rya PSD, ikibazo akaba ari ukuzabyemeza abanyarwanda n'abanyamahanga niba koko PSD ari ishyaka ritavuga rumwe na FPR kuburyo byagaragaza ko ubuyobozi busangiwe mu Rwanda ! Ikindi bashimiye Anastase Murekezi ni uko muri gahunda ya "Ndi Umunyarwanda" yireze ibyaha byose yivuye inyuma, akagera naho avuga ko yandikiye leta  ya Kayibanda mu gihe yigaga mu Bubiligi mu mwaka w'1973 asaba ko igomba kwirukana abatutsi mu mashuri kandi nawe ari umutsi wigize umuhutu!

 

Iyi leta  ya Paul Kagame igizwe n'abaministre bumvira kandi bajya gufata icyemezo bakajya kubaza abagaragu b'ibwami umenya ishobora kuzagwa mu isayo ry'ibibazo biyitegereje birimo ibyo gufungura urubuga rwa politiki mu Rwanda abanyarwanda n'abanyamahanga bakomeje gusaba ko rujyaho bashikamye .

 

Umukunzi wa Kamarampaka i Kigali

Tags: