Pages

Monday, 3 November 2014

[RwandaLibre] Fw: *DHR* Ukuri ku rupfu rwa Jenerali Fred Rwigema, Majoro Chris Bunyenyezi na Majoro Peter Bayingana (Lu pour vous)

 


From: "christian bikino binokwe@yahoo.fr [Democracy_Human_Rights]" 
Subject: Re: *DHR* Ukuri ku rupfu rwa Jenerali Fred Rwigema, Majoro Chris Bunyenyezi na Majoro Peter Bayingana (Lu pour vous)

 
Bwana Sankuru Maurice,

Iyi nkuru y'iyicwa rya Bayingana na Bunyenyezi, ni wowe wayibwiwe cg ni undi muntu wayiguhaye ngo uyitangaze?
Nayisomye nitonze, nsanga ibyinshi ari ukuli ntashobora guhakana , kuko ntabihagazeho, ko ntari ndi aho byabereye.
Ariko aho ugera ukavuga ukuntu Maj Bayingana na Bunyenyezi baje kwicwa, nka condition sine qua none yategetswe na Kagame kugira ngo abone gufata ubuyobozi bw'ingabo za RPF, abisaba Museveni, kuko atibonaga neza kuri ubwo buyobozi bw'Ingabo, igihe abo ba Majors bombi bakiriho, simbyemeranya nawe na busa.

Impamvu:

Nemera ko Kagame ari uwa mbere ku isi wishe abantu benshi bakomeye, imbaga z'abaturage b'inzirakarengane batagira kibara
Nemeranya nawe ko Kagame ari umunyabwoba burenze, ko yikanga za balinga, akanga ko abantu bajijutse bamujya iruhande, kuko atinya ko bamukorera coup d' état, bityo, akimiriza imbere abantu b'injiji cyane, batareba kure, batunzwe no guhakirizwa nka Ibingira, Nziza na Kabarebe n'izindi nkomamashi.

Ariko ku mpamvu wavuze ku rupfu rwa  ba Major Bayingana na Bunyenyezi, simbyemeranya nawe na busa.
Nanjye nabaye Uganda igihe kirekir nkiri muto, nabaye mu karere ka Jinja, mba Murogo, mba Kampala, n'ahandi ntarondoye, kuburyo abo bantu bose warondoye nari mbazi isura  nka Byaruhanga, Dodo, Karegeya, Kaka, Kayumba, ByagatondaJohn Galonda,Kayitare, Bayingana, Bunyenyezi, Nirigira n'abandi benshi ntarondoye.
Abenshi nari mbazi mu mayira, abandi mbabona banwa za Kwete, abandi tugahurira ku ncuti zitandukanye.

Iyo rero uvuga ngo Major Bunyenyezi na Bayingana bishwe na Museveni, abisabwe na Kagame kugira ngo abone uko ategeka, ndumva bitumvikana cyane.

Uti kuki?

Njye n'amaso yanjye niboneye imirambo yaba bagabo babili: Major Bayingana na Bunyenyezi, naho baguye ndahazi, ni i Lyabega, munsi gato yaho Katiusha Major Nirigira yarashishaga ku itariki ya 23/10/1990 mu rukerera.
Uyu Major Nirigira we yafashwe mpiri, azanwa i Kigali hamwe n'imbunga yarashishaga yitwa Katiusha, ubusanzwe bita LRM( Lance roquette multiple).
Bityo, nkaba mpamya ko baguye mu mirwano yabahuje n'inzirabwoba ku itariki navuze haruguru, bakaba barapfuye mu rukerera, hafi saa kumi n'imwe, ndetse Bunynyezi we yavuyemo umwuka i saa kumi nimwe n'iminota 18, hamwe na ba escort be babili, abandi bayabangiye ingata.
.
Kuri iyo taliki, haguye ingabo za RPF zitabarika, mu gitero cyari kiyobowe na Col BEM Nsabimana Déo(yungirijwe na Col Ndengeyinka), bifashishije imitwe itandukanye yari ihari muri iryo joro, ariyo: Aba paracomando bayobowe na Major CGSC Aloys, umutwe wa Escadron de recconnaissance ruyobowe na Capt w'Icyangugu ntavuze izina, hamwe n'undi mutwe wa unité ya CI BUgesera yari iyobowe n'umugabo uba i Bxl ntavuze izina rye, ku mpamvu z'umutekano we, kubera ubugizi bwa nabi bwa Kagame, nzi ko yamwirenza akoresheje uburyo bwose bushoboka.

Nabonye uvuga izina rya Col Ndengeyinka, igihe yiteruraga yanga gutegekwa n'abana batize harimo Kabarebe(igihe imirwano yaberaga muri Congo).
Aha nagira ngo nkubwire ko uyu Col Bem Ndengeyinka nawe atanyomoza ibyo mvuga, kuko yari S3 (chargé des opérations wa Castar), kandi nawe nubwo atigereye neza aho i Lyabega ngo yirebere iyo mirambo muri icyo gitondo(kuko we yari ku gasozi gateganye na Murama, inyuma gato, aho za Bus zari ziparitse), ndahamya ko rapport yahise imugeraho imubwira abasilikali ba RPF baguye muri iyo mirwano.

Nyuma yaho mu gicamunsi, izo unités zajye kunganirwa n'undi mutwe wari uturutse i Byumba kwa Major Ngira, uyobowe na Major Mugaragu, asigara arinze Lyabega, igihe abandi basilikali bakoze ibyo bita "manoeuvre de poursuite" bakurikirana ibitero bikaze byajye kugabwa na FPR aho i Lyabega ngo byigarurire ako gacye( carrefour stratégique), yarimo umuhanda ujya Gabiro, n'undi ujya Nyagatare, yose iturutse Kagitumba.
Nkaba mpamya ko iyicwa rya Maj Mugaragu wiciwe muri Congo na Kagame, byatewe n'umujinya-muranduzi Kagame yagize kubera abasilikali be benshi baguye Lyabega, ndetse abandi basilikali bayoboye ibyo bitero i Lyabega, Kagame yatanze amafaranga menshi ngo bafungirwe Arusha, kugira ngo yihimure, kuko yatinyaga ko bazamukora mu nkokora kubera ko yatinyaga ubuhanga bwabo, bityo yemeza amahanga ko bakoze itsembatsemba, kandi ari ukubabeshyera, abandi ahora abahiga umunsi n'ijoro yikanga balinga, ariko nzi ko atazababona, kuko bamurusha "tactique na stratégies".
Nkaba mpamya neza ko na Maj Nubaha wari S4 icyo gihe muri Secteur Ngarama, wajye kwicwa amarabira i Bruxelles, nawe yazize ibyo yari azi byose, kuko we yasomaga ibyo bita "strep" zose zoherezwaga muri Etat-major, ziturutse ku rugamba, dore ko centre de transmission( CTR) yabaga aho muri Celog Inyagatare kwa Major Nubaha.

Uzasome neza icyirwa ry'urubanza rwa Arusha"Militaire I et II), nibwo uzasobanukirwa neza n'impamvu abo bagabo bazira akarengane.
Ibyerekeye izindi nkuru wavuze, sinazijyaho impaka, kuko ntari mpari ngo mbihamye cg s ngo  mbihakane.
Nkuko urupfu rwa Rwigema ntagira icyo nduvugaho, uretse ko nemera ko Rwigema yari umuntu w'ukuli, wifuza ko abanyarwanda babana mu mahoro, akarwanya ihonyorwa iryaliryo ryose, akanga ko abana b'urwanda bakongera kuba impunzi kundi.

Nkuko Habyarimana yazize ko yanze gutanga inzira ngo abanyamerika n'incuti zabo bajye gusarura aho batahinze muri Congo.
Nkuko Gén Maj Nsabimana yaguye mu ndege atari ateganijwe kuyijyamo, bakabimuhatira huti-huti, kugira ngo nibamara kuyirasa, habure inararibonye mu mirwano nkawe(homme d'expérience extrême et un grand stratège), bityo ba Mpatsibihugu bashuka Habyarimana ngo namusigai Kigali aramuhilika.
Byose birazwi, nuwendeye nyina i kuzimu yaramenyekanye, kandi njye Castar ajya gufata i Ndege, twarivuganiye, anazi neza ko iribuze kuraswa, kandi yanabibwiye Habyarimana, nkuko yari yabimubwiye taliki 4/4/1994 igihe Habyarimana yajyaga i Bagdolite.
Nkuko bahatiriye abategetsi bakuru b'urwanda nka Ministre w'Ingabo kuba atari i Kigali igihe cyiraswa y'indege, ndetse n'ushinzwe Iperereza mu Gisilikali nawe bamwohereje muri mission ya nyirarureshwa, ngo habe inzubacyuho mu ngabo.

Nkuko babwiye Museveni gutinda kwitabira inama ya Dar-es-salaam kugira ngo irangire ikererewe, ngo babone uko bahanura indege ya Habyarimana ari n'ijoro.
Nkuko Habyarimana yatse icumbi muri Tanzaniya, abihatiriwe na Gén Major Nsabimana (we wari uzi imipango yihanurwa ry'indege: réf Tg d'Etat-major du 2/04/1990 envoyé par une unité qui était sur terrain, qui l' avait capté sur TRC 372)bakarimwima, kuko bari ku isiri n'abanyamerika na Uganda/fpr.

Nb: Ubwo umbwiye neza uwakubwiye iyo nkuru, nibwo twajya impaka-kuli, zitari iza ngo turwane, nanjye nkaguha ibindi bimenyetso bijyanye n'amafoto yiyo mirambo.
Uzibwira ko ukuli kutazwi, ko ibimenyetso byasibanganye, ko intwali zizibagirana, aribeshya cyane.
Ntabapfira gushyira, byose tuzabishyira ahagaragara igihe nikigera, bibitswe ahantu hizewe ndakurahiye.
Na nyina wundi abyara agahungu di!

Mbaye ngushimiye

Bugarama City, défenseur de tous les opprimés.


Le Lundi 3 novembre 2014 17h49, "Shankuru Maurice m_shankuru3000@yahoo.fr [Democracy_Human_Rights]" <Democracy_Human_Rights@yahoogroupes.fr> a écrit :


 
 
Ngirango benshi bibaza byinshi ku rupfu rw'aba bagabo mvuze haruguru, ariko ndabona iki aricyo gihe kugirango mare amatsiko afitwe n'abenshi kurupfu rw'aba bantu , maze n'impaka cyangwa kubeshya bishire.
 
Aya makuru ngiye gutanga, afite gihamya 100% kuko nayahawe n'umuntu wizewe mu mwaka wa 1996, nyuma aza kwitaba Imana. Kuba yaramaze gutabaruka, ndabona nta kibazo byatera ntangaje ibyo yambwiye kuko iyo aba akiriho bari guhita bamumenya byihuse, maze nanjye bikambyarira ibyago.
 
Uyu mwofisiye wari ukomeye cyane mu ntambara yo kubohoza igihugu by RPA, nagize amahirwe yo kumenyana nawe tuba n'inshuti igihe yari afungiye muri Camp Kigali azira icyo ntashatse gutangaza nonaha. Yantumaga kumunekera ko Sam Kaka icyo gihe wari chef d'Etat Major , ko yaba ari kuri office cg yaba yasohotse kugirango ashobore kwidagadura kuko urwego yabarizwagamo nta wundi wari kumubuza gusohoka .Afunguwe twabaye inshuti cyane byiyongeraho ko twasanze na mukuru wanjye(kwa data wacu), yarabaye igihe kini muri unit ye(yarazwi cyane kuko yarwanishaga imbunda ya kibariga).
Muri 1989, ngo Kaguta yakoze inama na ba officers 6,(Gen Rwigema, ba majoro (Kagame Paul, Chris Bunyenyezi, Peter Bayingana, Adam Waswa na  Captain Twahirwa Ludoviko Dodo(ntiyarakomeye  ariko yatumiwe kuko ariwe washushanyaga intambara),  kugirango bige kuri gahunda yo gutera. Usibye Fred, abandi bose bashyigikiye icyemezo cy'intambara yihuse bagafata u Rwanda mugihe gito cyane batitaye ibyo yahitana cyangwa ngo yangize. Fred we, yashakaga ko batangiza intambara mu rwego rwo kotsa igitutu Habyarimana akinjira mu mishyikirano, bityo ikibazo kikarangira hadapfuye abantu benshi.
Kubera icyubahiro Museveni yari afitiye Rwigema, yanze kugaragaza ko icyemezo cye atacyishimiye ariko ku mutima ngo umujinya waramusyaga kuba Rwigema yaba ashaka kumvikana na Habyarimana, bikaba byari gutuma kwinjira Congo bitagishobotse, ndetse n'igitekerezo cya Empire Hima Tutsi kikaba kirangiye. Ku rundi ruhande, Rwigema nawe ntiyishimiye igitekerezo cya Museveni na bagenzi be, yahise afata icyemezo cyo kwihutira gutera kuko yabonaga natinda bizatera impaka nyinshi  bigatuma n'umugambi wo gutera usubikwa.
Ngo akimara gutera 01/10/1990, Museveni yararakaye cyane ahita apanga kumuhitana.
 
Icyo gikorwa kigayitse yagishinze Twahirwa Dodo wari kapiteni icyo gihe ariko ategemewe Major. Yamuhaye mission yo kurasa Rwigema, nuko undi nawe ntiyazuyaza . Yamurashe igihe yaciye mu rihumye abarinzi ba Afande, abeshya ko amushyiriye plan y'intamabara yari yamutumye. Mbibutse ko Col Twahirwa Dodo ariwe uzwiho cyane ubuhanga bwo gushushanya intambara akaba arinayo mpamvu yica agakiza. Yamurashe na pistolet silencieux ahita agenda Uganda. Ngo jenerali Salim Saleh(murumuna wa Museveni)  akimara kumva iby'urupfu rwa Rwigema yarababaye aranarakara cyane ashaka kumenya uwabikoze ngo nawe abiryozwe. Icyo gihe urugamba rwari umuriro , ingabo za Habyarimana zivuza ubuhuha , inzuki nazo zimereye nabi inkotanyi ngo ku buryo abasirikare benshi bishwe n'inzuki  muri Parike y'Akagera, ku buryo byaviriyemo na Kapiteni Bitamazire gukubitirwa ahareba inzega  akarohama mu Kagera hamwe n'abasirikare bacye yari asigaranye bagerageza kwambuka Tanzania kuko umurirow'inzirabwoba hamwe n'inzuki byari bibamereye nabi.
 
Museveni yashatse uwayobora urugamba bimubera ikibazo. Ba Majoro Bayingana na Bunyenyezi, ntiyabizeraga cyane kubera amashuri yabo ndetse no kuba bakiri bato. Lt col Adam Waswa nawe ngo ntiyamwizeraga kuko igisekuruza cye kitagaragazaga ko ari umunyarwanda wuzuye bikaba byamuviramo ikibazo cy'uko amahanga yabivumbura maze akamurega gutera u Rwanda ko atari Abanyarwanda bateye. Choice ya nyuma yabaye Kagame, kuko yari amuziho ubugome,  kuba akarishye, ariko nanone amugiraho ikibazo kuba adakunzwe n'abasirikare bari bakuru nka Bunyenyezi, Peter Bayingana, Sam Byaruhanga na Kayitare Vedaste.
Ngo Kagame yangiye Museveni aratsemba kuko yumvaga ko kuba Rwigema yishwe nawe batamurebera izuba (cyane ko atari azi uwamwishe kandi atajya imbizi na ba kamandazi basigaye).
Museveni akomeje kumuhata anamwinginga, Kagame yashyizeho conditions zuzuye ubuswa, ubugome no guhubuka, ategeka ko babanza bakigizayo Bunyenyezi na Bayingana(aba bari aba majoro bakiri abana bize, kandi binshuti cyane ntunsige). Uko nabibwiwe, ngo Museveni ntabwo yari kwemera kubica kandi nanone kubagarura Uganda ntibari kubyemera kuko bitewe n'uburyo intambara yari yari yarateguwe na USA  ibafashije (kugirango ibone inzira ijya Zaire, Habyarimana yari yarabangiye ko atakwemera utera son grand Frère Mobutu amunyuzeho), aba basore b'ingimbi ntibari kumwemerera rwose.
Mu mataliki ya 08 hejuru, Jenerali Salim Saleh yatse uruhushya Museveni rwo kujya Imbarara gukurikirana uwishe mushuti we babanye Mozambike, Tanzania na Uganda, nuko Museveni agira ubwoba kuko byanze bikunze iperereza ryari guhita rigaragaza Dodo kuko niwe wabonanye na Afande bwa nyuma kandi kuva ubwo yahise atoroka bituma n'abandi basirikare bakomeye baryumaho kubera ko byahise bigaragara ko kibamba Museveni ariwe uri inyuma y'urupfu rwa Fred(bigaragazwa n'uko Dodo ntacyo yamukozeho kandi aruruca abana ko ariwe wishe Rwigema).
Igitutu cya Salim Saleh cyo kujya gushakisha umwicanyi, igitutu cya conditions za Major Kagame , byatumye Museveni yigira inama yo komeka icyaha kuri Bunyenyezi na Bayingana. Kugirango Salim Saleh abe acururutse, Kagame nawe aze ayobore urugamba nta kibazo, Museveni nawe icyaha cyo kwica Rwigema abe ahishe ibimenyetso. Museveni aba afashe icyemezo cyo kubica, aba azimanganyije ibimenyetso atyo.
Ubundi Kagame na Rwigema ngo bari inshuti magara, ku buryo Kagame nawe atishimiye iyicwa rya Rwigema. Ariko ngo Museveni yaramwigishije amwemeza ko Rwigema yagombaga kwicwa, amubwiza ukuri kose kugirango Kagame nawe yiyumvemo ikizere ndetse na Gen Salim Saleh ategekwa kumuterera isaluti, hanyuma amwereka nawe (Kagame) inyungu azabigiriramo. Nuko nyirinda nini(Kagame) nawe aba yibagiwe ibyubushuti abirutisha irari ry'ibintu, atangira gufasha Museveni gusibanganya ibimenyetso byose.
Atangira kwica uwariwe wese wabaye hafi ya Rwigema nabo barinshuti. Nguko uko yishe Kayitare(wari Chief escort ya Rwigema) amuroze. Yica Kapiteni Sam Byaruhanga akoresheje Kapiteni Mustafa. Mustafa yarashe Byaruhanga izuba riva kandi we ntiyakwicwa, Kagame akomeza amufunze bya nyirarureshwa ariko kubera gutinya abandi basirikare bakuru ko babibona nabi aramutse amushubije mu mirimo cg akamufungura , byaviriyemo Kapiteni Mustafa(wari umurwanyi ukomeye cyane) gukomeza gufungwa kugeza intambara irangiye asubizwa mu buzima busanzwe, aho yakomeje gukorera  muri Gare ya Kayonza ari umuyobozi nk'uko Dodo nawe ari muri Atraco. Mbibutse ko Kapiteni Mustafa na Captain Sam Byaruhanga bari abayobozi bakuru cyane kuri ba Kabarebe (sous lieutenant), Jack nziza (sergent).  None ibaze kuba aba batoto umwe ari General full undi akaba nimero 2 kuri Perezida (muri gahunda yo kwica). Uku kuba toto cyane nibyo byaviriyemo Jenerali James Kazini(umugande) kwicwa na Kagame.
Byatangiye ubwo muntambara ya Congo , ingabo za Uganda n'iz'u Rwanda zafashe agace gakungahaye cyane ku mabuye y'agaciro. Ubwo Kagame bimwe bye yashatse ko iryo buye nta na rimwe ryamucika aba ahaye mission abagabo 2 yizeraga cyane aribo Jenerali  wa brigade James Kabarebe( uyu yavuye kuri sous lieutenant asimbukira kuri Kapiteni, Lt col, Col mugihe kitarenze imyaka 2, biviramo Col ex Far Ndengeyinka Balthazar kwivumbura mugihe bari muri Kivu ya ruguru, aho yavugaga ko ari agasuzuguro kumuha umwana w'umukapiteni yayoboraga ngo hanyuma abe ariwe umuyobora), na Jenerali Majoro Kayumba Nyamwasa (we amapeti yarayakoreye kuko nubundi mwishyamba yari yubashywe). Yohereje aba bombi kugirango hatagira numwe ukoresha ububasha afite maze abashe kunyereza n'akabuye na kamwe. Ibyo byatumye James Kabarebe mu rwego rwo kwikundisha no gushaka kuzamurwa mu ntera, guhita ahimbira Nyamwasa ko yanyereje amabuye menshi cyane(kimwe muntandaro zo gushwana na Kagame kuko  icyo gihe Kabarebe yahise amusimbura ku mwanya wa Etat Major). 
Aho bifitaniye isano n'urupfu rwa Gen Kazini, ni uko icyo gihe ariwe wayoboraga ingabo za Uganda  aho kwisibaniro, nuko abwira izi ntumwa za kagame ko zitamutegekana aho ngo kuko ari abana kuriwe. Icyo gihe yise Kabarebe ko ari serija atumva uburyo yaba ari Jenerali, yita na Kayumba Liyetona. Kandi koko yarafite ukuri kuko ni abana kuriwe. Icyo gihe rwarambikanye ba Kayumba babasha kunesha ingabo za James Kazini banica Abagande benshi bituma Kazini arakara cyane abwira Museveni ko niba atihimuye kuri Kagame, Kazini ava mu gisirikare. Kubera gahunda ya Museveni na Kagame bafitanye kuva yatangira kuyobora APR muri 1990 nkuko nabivuze haruguru, Museveni yemeye kubura Gen James Kazini (wari umugaba w'ingabo ze) nk'uko yemeye kubura Gen Rwigema.
Kagame uzwiho gufuha, umujinya n'umushiha yahise yiyemeza kwihimura kuri James Kazini( wabwiye Kabarebe ko usibye nawe, na Sebuja(Kagame) ntaho bahuriye mu gisirikare ko amurenze. Byaje kurangira Kagame akoresheje abahungu be i Kampala  bakuriwe na Lt col Burabyo batsinda James  Kazini iwe, nk'uko bimenyerewe batangaza ko ari indaya yamuhitanye mbese nk'uko babitangaje kuri Col Karegeya.  Tubibutse ko Jenerali Kazini akimara kuva mu gisirikare yahise aba umukire cyane kubera amafaranga yakuye muri Zahabu na diyama muri Congo. Akaba yarasaturaga imirambo y'abasirikare baguye kurugamba  akabapakiramo amabuye y'agaciro. Kugirango bidatera ikibazo mubasirikare ba Uganda igihe Kazini yaba avuye mungabo, Museveni yamuhimbiye icyaha cy'uko yahimbaga umubare w'abasirikare batabaho maze akabarira imishahara.
Ndangize mbabwirako  icyemezo cyo gutera Tanzania cyamaze gufatwa. Indake(imyobo) myinshi yamaze gucukurwa(n'abamabuso) mubice by'Akagera, intwaro nyinshi zirimo na za mota(mortier)bamaze kuzijenga. Hasigaye ihurizo rimwe gusa kandi rikomereye Kagame. Iryo nta rindi ni imiterere  ya Tanzania kuko iteye ku buryo bw'umurambararo kandi twe tumenyereye kurwanira mu misozi. Ahenshi muri Congo harambaraye, twapfushije abasirikare batabarika kuko hari igihe Angola na Zimbambwe batwiciye abasirikare barenze ibihumbi 3500 mugihe gito cyane biviramo Majoro Butera guhahamuka !!
Utuntu n'undi, udukoryo n'udushya :
- U Rwanda nicyo gihugu cya 1 ku isi cyabashije kubamo Jenoside ebyiri zikurikiranye mumoko atandukanye kandi mugihe gito gikurikiranye.
- Jenerali Paul Kagame, niwe mu Jenerali wa 1 ku isi wabashije kwica ba Chef d'Etat Major barenze umwe(Gen Nsabimana Deogratias, Gen James Kazini, guhusha Gen Kayumba Nyamwasa
- Perezida Paul Kagame, niwe muperezida mu mateka y'isi wabashije kwica Abaperezida benshi bashoboka. Perezida Melchior Ndadaye, Habyarimana Juvenal,  Cyprien Ntaryamira, na Laurent Desire Kabila.
- U Rwanda nicyo gihugu cyonyine cyagize chef d'Etat Major mu bihugu bishyamiranye: Jenerali James Kabarebe muri Congo no mu Rwanda
- U Rwanda nicyo gihugu cyonyine gifite umusirikare wabashije gukorera amahugurwa mu bihugu bizirana cyane . Major Gen Kagame Paul muri Cuba na USA.
- U Rwanda nicyo gihugu cyonyine gifite abasirikare bari mu rwego rwa Jenerali batigeze barekura isasu mu cyemba bica umwanzi bahanganye ku rugamba. Major Gen Kagame Paul, Major Gen Jack Nziza na Major Gen Kazura Jean Bosco
- U  Rwanda nicyo gihugu cyonyine gifite umubare w'abasirikare benshi bo murwego senior officers batize na gato. Bakuriwe na Lt Jenerali Fred Ibingira (rimwe yigeze aturahirira ko azapfira Kagame uko byagenda kose kuko nta wundi wamugira Jenerali atarize. *agashya *, ubundi arikwiga kwandika inyuguti ya i, ati kariya karongo kazamuye nakafahamu, alakini kale kajinga kajuu(akadomo) !*agakoryo*.
Ngayo nguko
 


Envoyé par : christian bikino <binokwe@yahoo.fr>

__._,_.___
Posted by: Samuel Desire <sam4des@yahoo.com>
Reply via web post • Reply to sender • Reply to group • Start a New Topic • Messages in this topic (1)
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=--=-=-=-=-=-=-=-=-=-=-
.To post a message: RwandaLibre@yahoogroups.com; .To join: RwandaLibre-subscribe@yahoogroups.com; .To unsubscribe from this group,send an email to:
RwandaLibre-unsubscribe@yahoogroups.com
_____________________________________________________

More news:  http://www.amakurunamateka.com
--------------------------------------------------------------------------------------
-SVP, considérer  environnement   avant toute  impression de  cet e-mail ou les pièces jointes.
======
-Please consider the environment before printing this email or any attachments.
--------------------------------------------------------------------------------------

.

__,_._,___
- No comments:

[RwandaLibre] KAGAME yabishaka atabishaka azakurikira Compaoré mbere cyangwa muri 2017 ( par Emmanuel SENGA, USA)

 


----- Forwarded Message -----
From: "Innocent TWAGIRAMU Innocent_twagiramungu@yahoo.fr [Democracy_Human_Rights]" <Democracy_Human_Rights@yahoogroupes.fr>
To: - DHR <democracy_human_rights@yahoogroupes.fr>; - Rwanda-l <rwanda-l@yahoogroups.com>
Sent: Monday, 3 November 2014, 17:32
Subject: *DHR* KAGAME yabishaka atabishaka azakurikira Compaoré mbere cyangwa muri 2017 ( par Emmanuel SENGA, USA)

 
KAGAME yabishaka atabishaka azakurikira Compaoré mbere cyangwa muri 2017
Par SENGA Emmanuel, North Carolina, USA
 

Kagame yabishaka atabishaka azakurikira Compaoré mbere cyangwa muri 2017.

compaore Kagame 1
02/11/2014 00:14    Politiki
Imyigaragambyo yabereye muri Burkina Faso igashirwa ikuyeho Perezida Blaise Compaoré wari waragiye ku butegetsi muri 1987 ni ikimenyetso gikomeye ku bihugu byose by'Afurika biyobowe n'abanyagitugu bashaka kugundira ubutegetsi bitwaje guhindagura Itegeko Nshinga. Muri ibi harimo ibitegerejwe kubikora mu gihe kiri hagati y'umwaka umwe n'imyaka itatu iri imbere.

Ku isonga haraza igihugu cy'u Burundi aho Perezida Nkurunziza ategerejwe kurangiza manda ye ya nyuma muri 2015. Ibimaze igihe bibera muri icyo gihugu bigaragaza ko Petero Nkurunziza atiteguye na gato kurekurira ngo asimburwe yegame. Byaje ni ruto avuga ko akigerageza ubumwe bw'Abarundi , ko agihashya imitwe yitwaje ibirwanisho ku isonga kakabamo Agathon Rwasa, ibi byose akabikora yiyoberanya mu masengesho no gushaka kwiyerekana ko ashyize imbere inyungu z'umuturage. Nyamara mu minsi mike ishize biragaragara ko atiteguye na gato kurekera undi uyu mwanya wa Perezida umaze kumuryohera. Ibi bigaragarira mu biganiro aha abanyamakuru n'impungenge ziriho ko yaba afite insoresore zitwara gisirikari ngo ibintu nibiramuka bihindutse azazisuke mu muhanda no mu giturage zimare abantu.
Ikindi gikomeye yishingikirizaho ni Itegeko Nshinga aho rivuga ko Perezida wa Repubulika atorerwa manda ebyiri gusa, ariko we akaba avuga ko ubwo yatangira ga gutwara u Burundi muri 2005 atatowe n'abaturage (suffrage Universel), ko ngo yatowe n'"ABASHINGAMATEKA", bityo rero muri 2015 akaba yakwiyamamariza manda yindi. Aho ruzingiye rero ni aha: Abarundi ni ko babyumva? Imiryango iharanira uburenganzira bwa Muntu ese ni ko ibyumva? Ibindi bihugu bibyumva bite, cyane cyane iby'ibihanganga ku Isi ari na byo bitanga imfashanyo nyinshi aba banyagitugu bitwaza basobanura ko bateza imbere ibihugu byabo, ariko akenshi ibafasha kwigwizaho imitungo no gushaka abakomamashyi benshi babajya inyuma? Abasesenguzi b'Abarundi tubasabye umuganda kuri ibi bibazo.
Undi munyagitugu wo mu Karere kandi na we urebwa no kwegama muri 2015 ni Perezida Kabila wa Congo-Kinshasa. Uyu na we yagiye ku butegetsi adatowe, abikesha ihotorwa ry'uwo bamwe bakunze kwita ko ari se, ariko mu by'ukuri na byo bikaba bikemangwa, iyo cyane cyane urebye ukuntu atigeze ashaka gukora icyo ari cyo cyose ngo ashyire ahagaragara icyishe Mzee Laurent Desire Kabila. Uwamwishe arazwi ariko ntavugwa, usibye kwiyerurutsa berekana umusirikari warashe uwamurashe, atari uko yashakaga gusibanganya ibimenyetso, ahubwo ko yabitewe n'uko atashoboraga kwihanganira umaze kwica uwo yari ashinzwe kurinda. Uyu musirikari rero ni we wahindutse igitambo cy'abishe Kabila, ni we Perezida Kabila yereka abanyekongo n'amahanga ko yivuganye se mu rwego rwo kujijisha, kuko ari abanyekongo, ari Kabila Joseph nta we uyobewe uwicishije Laurent-Désiré Kabila. Arazwi igihe nikigera azashyirwa ahagaragara.
Igishimishije ariko kuri Kabila ni uko ba Mpatsibihugu babimwibwiriye ko badashaka ko yahimahima ahindura Itegeko Nshinga ngo yongere yitoze. Umunyamabanga wa Leta Zunze Ubumwe z'Amerika John Kerry yaramwihanangirije.Ndakeka ko usibye kuba mutima muke mu rutiba, yakagombye kuba yarumvise iyi mpanuro. Ikindi kandi yagombye kwibuka ni uko Abanyekongo baritaye mu gutwi, bityo bakaba baryamiye amajanja.Arabafunga, arabica ariko ntibazaceceka.
Umunyagitugu wa gatatu kuri uru rutonde ni Perezida Denis Sassu N'guesso wa Congo-Brazzaville.Uyu munyagitugu amaze ku butegetsi imyaka 35, kuko yabugiyeho muri 1979. Yego hari igihe cyanyuzemo ba Lissouba baramusimbura ariko byabaye iby'akanya gato, kuko buri gihe yabaga afite mu buyobozi abakogoshozi bajomba ibikwasi ababaga bamusimbuye, kugira ngo yongere agaruke ku butegetsi. Ubwa nyuma ho muribuka ko kugira ngo atsinde imirwano yari imushyamiranyije na mugenzi we yabikesheke abasirikari b'u Rwanda bo ku ngoma ya Habyarimana bari barahungiye iwe. Uyu munyagitugu yagombye kwegama muri 2016, dore ko yaraherutse kugaragaza ko yatsinze amatora muri 2001.
Ku buryo bw'umwihariko, iki gihugu gikungahaye kuri Peteroli, akaba yumva kitamuva mu nzara, dore ko abarirwa mu ba Perezida b'Afurika bafite imitungo itazwi kandi itabarika mu mahanga (Abashaka kureba icyo isi imutekerezaho mwareba za You tube kuri les Biens Mal Acquis) kimwe n'Umuryango wa ba Bongo, wa ba Ngweema n'abandi banyunyuje abaturage babo bigwizaho imitungo batitaye ku bukene bw'Igihugu.
Sinshidikanya ko impuruza itangiriye muri Burkina Faso, Abanyekongo bombi batayitabira ku bwinshi igihe nikigera.
Umunyagitugu wa kane kuri uru rutonde, ari na we uteye ikibazo gikomeye ni Perezida Kagame Paul w'u Rwanda. Ubu amaze ku butegetsi imyaka 14, yagejejweho na Coup d'Etat yakoreye Perezida Pasteur Bizimungu yarangiza akanamufunga bya burundu, kuko n'ubu afungiye iwe mu rugo. Yatekinitse amatora inshuro ebyiri muri 2003 na 2010, aho yabonaga ko ntawe umushaka agakoresha abakada b'Ishyaka rye bakajya barara bajya kumena amajwi ya Twagiramungu Faustin mu misarane no muri Nyungwe, kugira ngo azasohokane hagati ya 97-100%. Ibi na we azi ko adashobora gutorwa ndetse no kuri 30%. Bikaba ari na yo mpamvu buri gihe yitsitsa ku gutorwa kwe, mujye mumwumva iyo avuga ngo Abanyarwanda bamuhaye inshingano zo kubayobora no kubahanganira. Igituma abisubiramo kenshi ni uko na we atabyemera, bityo bikamuha agatotsi ko kumva ko ubwo abitsindagira mu bantu bizageraho bigafata, ariko ni nka ya ntanga yo ku rutare n'isazi.
Natangiye mvuga ko iby'uyu munyagitugu byo bikomeye cyane, ariko reka turebe uko bizoroha.
Tubanze dusuzume igituma bikomeye: mbere na mbere ni umunyagitugu wica ku mugaragaro akanabyigamba, aha nta munyarwanda utazi ingero nyinshi mu banyapolitiki, duhereye ku bo batangiranye mu ishyamba, tukageza ku bo yasanze mu Gihugu ariko bari bamwibeshyeho bagashaka gufatanya na we. Abagize Imana muri bo bakamuhonoka ubu barabarizwa mu buhunzi ku Isi yose. Ubu bwicanyi bwe bufite umwihariko wabwo ujyana n'inzika no gushaka kuzimya imiryango, ibi rero bikaba biri mi bintu bitera ubwoba Abanyarwanda.
Ikindi gikomeza uyu munyagitugu ni ubugome yihariye bwo gukoresha inzego za Leta mu mabi yose aba yateguye. Inzego z'iperereza, iz'igipolisi, iza gisirikari zose ni we zikorera. Zikora nk'umutwe umwe ariko ufite ibice byinshi bitaziranye kandi byishishanya, byose bigamije kuzisopanya no kuzicamo ibice ngo ntihagire urwakwizera urundi, maze ngo zunge ubumwe zifatanye. Ni yo mpamvu yihanukira akanavuga ko ntawashobora gukora Coup d'Etat iwe, kubera ko nyine nta n'umwe muri ziriya nzego uzi icyo undi akora, bose baba batinyana umwe umwe.
Icya gatatu gikomeza uyu munyagitugu ni inkunga z'amahanga haba mu by'ubukungu, mu bya gisirikari no muri "diplomacy". Ibi byose akaba abigeraho yitwaje amaraso y'abana b'Abanyarwanda bishwe muri jenoside na nyuma amaze gufata ubutegetsi, kuko kuri bamwe abakangisha ko jenoside yabaye barebera ntibatabare bityo akabagira abafatanyacyaha, bagombye gutanga impozamarira; abandi akabagira abashyigikiye abicanyi, na bo bakaba bagomba kubibazwa. Ariko mu by'ukuri hari abamushyigikiye kuko bafatanyije umugambi wo kurimbura abanyarwanda ugitangira, bityo bakaba batinya ko igihe nikigera azabavamo bikabagiraho ingaruka, abo murabazi; hari n'abamushyigikiye kuko bamwambukiraho bagasahura muri Congo, cyangwa bakagira ubutaka bifashisha bahangana n'abo badahuje politiki ya Mpatsibihugu.
Icya kane gikomeza uyu munyagitugu, ariko by'agahe gato, ni uko akeka ko afite amaboko mu rubyiruko. Akaba ari yo mpamvu hacuzwe umugambi wo gutangiza urwego rukora nk'Interahamwe rwitwa Intore. Nk'uko bigaragara uru rwego rushinzwe kuzamurwanirira igihe nikigera, bityo ibikorwa byarwo byose bikubiye mu kurwoza ubwonko no kurutoza ubugizi bwa nabi. Bikaba ari na yo mpamvu yarushinze umuntu wihebye nta kindi kintu atekereza usibye kugaragara neza imbere ya shebuja, amurata anamusingiza kurusha uko yabikorera Imana ye. Ibi bituma bucya kabiri kuri we, kandi bigaha na shebuja agatotsi ugakeneye muri iyi minsi ya nyuma ye. Umwihariko w'uyu mutoza w'intore ni uko ari n'umuhutu, bityo abahutu badasesengura bakumva bamwisanzemo kandi akaba anafite uburambe muri politiki ya kinyarwanda yo kubeshya no guhakirizwa.
Tukivuga ku ngufu z'uyu munyagitugu. hari ubwo yibwira ko igisirikari cye kikiri mu bimutera akanyabugabo, ariko namubwira ko yibeshya cyane, kuko urugero rumwe aherutse kubonera mu Burasirazuba bwa Congo rwabaye kumugaragaza ingufu akangisha za gisirikari, aho yabonye ko ya misazirwa ya za blindés n'utundi tubunda yari yarafashe muri Congo byahindutse imiyonga imbere y'umuriro wa Tanzania na Afurika y'Epfo. Icyavuyemo M23 YASOHOTSE KU MURONGO W'UMUSURURU nk'abana bagiye gukingizwa. Aha tuvuga M23 muhasimbuze ingabo z'u Rwanda. Si M23 yatsinzwe ni Kagame na RDF batsinzwe, ibi kandi na we arabizi arabizirikana, ni byo arara arota agakanguka yitotomba ngo azakindura Perezida Kikwete bigaherera mu magambo bitaretse no kumukurira abanzi ubu amaze kugwiza.
Izi mpamvu twavuze haruguru aha zigaragaza imikomerere y'uyu munyagitugu uyobora u Rwanda ni zo shingiro ry'uko byanze bikunze azagundira ubutegetsi kugeza abuguyeho cyangwa anyuze muri Pariki y'Akagera ahunga nk'uko mugenzi we Blaise Compaoré yagiye gutegereza Kajugujugu Ouattara yamwoherereje ikamusanga mu gisambu ngo hato abari bamutegereje Pô batamushwanyaguza. Kandi ibi si umwihariko wa Compaoré. Mobutu byamubayeho, ba Kaddafi, ba Saddam babasanze mu myobo, ba Causescu bariyahuye, reka rero ba Hitler n'abandi. Inzira y'umunyagitugu ni iyo kandi aba ayikwiye kuko na we aba yarishe benshi. Gusa aho abanyagitugu babera abaswa bahebuje ni uko badatekereza ku rubyaro rwabo n'umuryango wabo muri rusange. Urugero ubu abana ba Kagame ntibashobora kubana na we , ni ngombwa ko abanyanyagiza mu mahanga yizeyemo umutekano, ariko akiyibagiza ko ibyo yita ingufu yikikiza abo bana batazifite, ko barinzwe n'amategeko y'ibyo bihugu babamo kuko byo biyoborwa na demokarasi. Ukibaza impamvu we adatekereza aha hantu ngo na we ahindukire ahe abaturage be umutekano, kwishyira bakizana, uburenganzira bw'ibanze bwa kiremwamuntu; ahubwo agashimishwa no kwirirw akoronga bidakwiye Umukuru w'Igihugu atuka abantu ibitutsi n'umushumba w'ihene atasubiramo. Bambe ngo nta mateka bagira ngo ni we wenyine ufite amateka ko yahagaritse jenoside! Byahe byo kajya ko ahubwo amahanga amaza kumutahura, ahubwo nabe ategura ingingo zo kwiregura nabona akize Rwandan Spring iri imbere aha.
Reka rero tuyivuge uko izagenda: Nubwo mu Rwanda nta mashyaka ahari, nubwo nta societe civile ihari ngo bitegure abaturage, nubwo akaradiyo kajya kabajijura bagafungiye imiyoboro, nubwo abidishyi baririmba ngo ni we ni we wenyine, nubwo Rwanda day zakorwa buri munsi na buri joro ngo zerekane ko Kagame akunzwe n'Abanyarwanda, nubwo…. nubwo…igihe kirageze kandi Burkina Faso yahaye Abanyarwanda isomo.
Banyarwanda, Banyarwandakazi nimukanguke, mutekereze maze mwiyumvishe ko mutazakomeza gutega ijosi cyangwa gusiga icyuho ngo Kagame n'abamotsi be batware uwo bashaka n'igihe babishakiye, nimukanguke mutekereze ko ibyo bikangisho by'abasirikari, DMI, Local Defense, amabunda, amagereza, akandoyi, amabi yose abari ku mutwe, ko ibi byose Kagame azabinyuramo akiruka biturutse kuri mwebwe ubwanyu , nta wundi mukeneye ko abatera inkunga. Kandi tuzabishobora. Mukomeze mubitekereze mu mitima yanyu, mumukomere amashyi kuko ni yo agusha neza abanyagitugu, ariko mukomeze mushishoze, mukurikire amakuru musoma, mwumva amaradiyo ababishoboye, mukurikira cyane aya maradiyo y'amashyaka akorera hanze kuko ni yo ababwiza ukuri igipimo cy'umutekano wanyu, kugira ngo igihe nikigera muzabe mwiteguye mu mitima yanyu, mudatinya gutanga ibitambo kuko ibyo mutanga buri munsi ni byinshi, maze muzarebe ngo imbarutso mugomba gutegereza yo guhindura Itegeko Nshinga nigera muzabe mwiteguye mukore nka Burkina Faso. Hari benshi barimo kubisesengura,hari benshi barimo gushaka uburyo ariko namwe mube maso kuko Impuruza ya nyuma ni ugushaka guhindura Itegeko Nshinga.
Nta manda ya gatatu kuri Kagame, aha ni ho u Rwanda ruhagaze ntimutinde ku byo ba Fazili, ba Rucagu n'abandi bamotsi bose birirwa bavuga ngo barifuza ko yakongera akoreka u Rwanda indi myaka, ntimurangazwe n'abo batekeramo amagambo yo kumusaba kongera gutaba u Rwanda indi myaka, mubyumve mwinumiye kuko imbaraga n'ubutwari muzitabaza mubizigamye ku mutima.
Ku rubyiruko rurimo gushukwa gushyigikira ingoma mpotozi iri mu marembere, nimurebe uko byagendekeye interahamwe, maze mwibaze ibyo murimo, abasirikari muri inyuma y'igoma imara Abanyarwanda mwibuke na mwe uko mwabonye bagenzi banyu batsinzwe biruka muri Kongo, maze mwibaze muti ejo yari we none ni jye. banyabwenge mwabusimbuje guhakirizwa mukoma mu mashyi, ndabumva ni ukugira ngo bucye kabiri, ariko rero na mwe nimukanure dore ko munafite ubushobozi bwo gusoma no gusesengura, mureke abagwatirije roho zabo n'imibiri yabo kuri Kagame bazamugwe inyuma, musabwe namwe gushyigikira abaturage igihe nikigera mutangiye guhatirwa guhindura Itegeko Nshinga , muzibuke Burkina Faso.
Ariko niba tugize Imana Kagame akabonekerwa, ntahore atinya Urukiko Mpuzamahanga, agacisha mu kuri agakora igikwiye na we tuzamufasha kumusubiza mu nzira nziza, akubitwe icyuhagiro, agarure imitungo yibye maze yemera asubizwe mu muryango nyarwanda amaze kwezwa. Nkaba nasabaga na Nyiramongi kubimufashamo aho gufatanya n'abo yifashisha kwicukurira imva. Na we narebere ku bandi bahoze ari ba First Ladies b'ingoma z'ibitugu, natekereze uko yazarera atuje ba Cyomoro, Ange n'abandi.
Harakabaho u Rwanda rwiteguye impinduka nziza idashakiwe mu Guhindura Itegeko Nshinga.
Emmanuel Senga





Envoyé de mon iPhone
Innocent TWAGIRAMUNGU

Envoyé par : Innocent TWAGIRAMU <innocent_twagiramungu@yahoo.fr>
Répondre en mode Web • Répondre à expéditeur • Répondre à groupe • Nouvelle discussion • Toute la discussion (1)

__._,_.___
Posted by: Samuel Desire <sam4des@yahoo.com>
Reply via web post • Reply to sender • Reply to group • Start a New Topic • Messages in this topic (1)
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=--=-=-=-=-=-=-=-=-=-=-
.To post a message: RwandaLibre@yahoogroups.com; .To join: RwandaLibre-subscribe@yahoogroups.com; .To unsubscribe from this group,send an email to:
RwandaLibre-unsubscribe@yahoogroups.com
_____________________________________________________

More news:  http://www.amakurunamateka.com
--------------------------------------------------------------------------------------
-SVP, considérer  environnement   avant toute  impression de  cet e-mail ou les pièces jointes.
======
-Please consider the environment before printing this email or any attachments.
--------------------------------------------------------------------------------------

.

__,_._,___
- No comments:

[RwandaLibre] KAGAME yabishaka atabishaka azakurikira Compaoré mbere cyangwa muri 2017

 



----- Forwarded Message -----
From: "Innocent TWAGIRAMUNGU itwagira71@gmail.com [Democracy_Human_Rights]" <Democracy_Human_Rights@yahoogroupes.fr>
To: "Democracy_Human_Rights@yahoogroupes.fr" <Democracy_Human_Rights@yahoogroupes.fr>
Sent: Monday, 3 November 2014, 15:15
Subject: *DHR* KAGAME yabishaka atabishaka azakurikira Compaoré mbere cyangwa muri 2017

 
KAGAME yabishaka atabishaka azakurikira Compaoré mbere cyangwa muri 2017
Par SENGA Emmanuel, North Carolina, USA
 

 
UT UNUM SINT

Maître Innocent TWAGIRAMUNGU, DHR FOUNDER&OWNER
http://fr.groups.yahoo.com/group/democracy_human_rights

 
" BE NICE TO PEOPLE ON YOUR WAY UP, BECAUSE YOU MIGHT MEET THEM ON YOUR WAY DOWN." Jimmy DURANTE.

COMBATTONS la haine SANS complaisance, PARTOUT et avec Toute ENERGIE!!!!!!
Let's  rather prefer P.L.H.L ,Peace, Love , Hope and Life, and get together as one!!!
Inno TWAGIRA
Envoyé par : Innocent TWAGIRAMUNGU <itwagira71@gmail.com>
Répondre en mode Web • Répondre à expéditeur • Répondre à groupe • Nouvelle discussion • Toute la discussion (1)

__._,_.___
Posted by: Samuel Desire <sam4des@yahoo.com>
Reply via web post • Reply to sender • Reply to group • Start a New Topic • Messages in this topic (1)
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=--=-=-=-=-=-=-=-=-=-=-
.To post a message: RwandaLibre@yahoogroups.com; .To join: RwandaLibre-subscribe@yahoogroups.com; .To unsubscribe from this group,send an email to:
RwandaLibre-unsubscribe@yahoogroups.com
_____________________________________________________

More news:  http://www.amakurunamateka.com
--------------------------------------------------------------------------------------
-SVP, considérer  environnement   avant toute  impression de  cet e-mail ou les pièces jointes.
======
-Please consider the environment before printing this email or any attachments.
--------------------------------------------------------------------------------------

.

__,_._,___
- No comments:

[RwandaLibre] New International Scholarships Opportunities:

 

New International Scholarships Opportunities:
 
 

__._,_.___
Posted by: Afrika Watch <afrikawatch@yahoo.com>
Reply via web post • Reply to sender • Reply to group • Start a New Topic • Messages in this topic (1)
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=--=-=-=-=-=-=-=-=-=-=-
.To post a message: RwandaLibre@yahoogroups.com; .To join: RwandaLibre-subscribe@yahoogroups.com; .To unsubscribe from this group,send an email to:
RwandaLibre-unsubscribe@yahoogroups.com
_____________________________________________________

More news:  http://www.amakurunamateka.com
--------------------------------------------------------------------------------------
-SVP, considérer  environnement   avant toute  impression de  cet e-mail ou les pièces jointes.
======
-Please consider the environment before printing this email or any attachments.
--------------------------------------------------------------------------------------

.

__,_._,___
- No comments:

Sunday, 2 November 2014

[RwandaLibre] Re: *DHR* 62% by’abakozi mu Rwanda bahembwa umushahara bobona nk’intica ntikize

 

Ntimukajye mukubya n'imisharahara. Mur Afrika hose ni uko bimeze.

From: "nyangurubike gérard nyangurubike@yahoo.fr [Democracy_Human_Rights]" <Democracy_Human_Rights@yahoogroupes.fr>
To: Democracy_Human_Rights@yahoogroupes.fr
Sent: Sunday, 2 November 2014, 15:36
Subject: *DHR* 62% by'abakozi mu Rwanda bahembwa umushahara bobona nk'intica ntikize

 

62% by'abakozi mu Rwanda bahembwa umushahara bobona nk'intica ntikize


Yanditswe kuya 2-11-2014 - Saa 15:26' na Richard Irakoze

Ubushakashatsi bwakozwe n'Impuzamasendika y'Abakozi (COTRAF) bwagaragaje ko umushahara uhabwa abakozi benshi mu Rwanda utajyanye n'igihe, aho abarenga 62% bahembwa atageze ku bihumbi 50 ku kwezi.
Muri iyi nyigo yakozwe n'imiryango ine na sendika z'abakozi hagaragazwa ko u Rwanda rukigendera ku mushaharafatizo washyizweho n'itegeko ryo 1974, nyamara ibiciro ku isoko birushaho kuzamuka.
Perezida wa COTRAF, Bicamumpaka Dominiko, yavuze ko leta yari ikwiye kugira icyo ikora vuba, ati "Twifuza ko leta yahindura itegeko ku buryo bwihutirwa kuko irigenderwaho ari iryo mu 1974".
Ubu bushakashatsi bwashyizwe ahagaragara kuwa 30 Ukwakira 2014, herekanywe ko uyu mushahara muto utuma abakozi 97.3% bahora mu ruhuri rw'ibibazo byo kubaho ku nkeke z'amadeni batabonera ubwishyu, abakozi 62.9% bo bakagaragaza imikorere mibi mu kazi, naho 66.6% bo akazi bagakora bakabangikanya n'akandi.
Indi ngaruka ikomeye iterwa n'uyu mushahara muto ni uko 81.9% batabasha kubona ubuvuzi, abandi bakaba batabasha gukora ibintu nkenerwa by'ibanze mu miryango yabo birimo nko kugura ibikoresho, kugira icumbi ryiza, kubona uburyo bwo gutumatumanaho, ibijyanye n'iminsi mikuru, kwishimisha, kuruhuka n'bindi.
Impuzamasendika y'abakozi COTRAF ivuga ko bamwe mu bakozi by'umwihariko mu bigo by'igenga badahabwa uburenganzira bwabo nk'uko buteganywa n'amategeko y'u Rwanda.
Mu myanzuro batanze muri ubu bushakashatsi bwabo basabye ko mu bufatanye n'izindi nzego bireba Leta y'u Rwanda yashyiraho umushahara fatizo ujyanye n'igihe, hagendewe ku biciro biri ku isoko n'agaciro k'ifaranga.
Perezida wa COTRAF, Bicamumpaka Dominiko
Kugira akazi gahemba make ni kimwe, kutakagira ni ikindi…
Nubwo abafite akazi bugarijwe n'uko ayo bahembwa ari make, nibura aba bo baragafite; hari abandi benshi mu Rwanda bataka ubushomeri, nabo kandi umubare wabo ugenda wiyongera umwaka ku wundi.
Igiteye impungenge kurushaho ni uko mu baturage miliyoni 10.5 bose bari mu Rwanda, 12.1% babo barangije amashuri yisumbuye na za kaminuza n'ubu zigishyira ku isoko abandi benshi buri mwaka, abashomeri bo bakabarirwa kuri 3.4%. Ikindi kandi 67% by'abashomeri ni urubyiruko ruri hagati y'imyaka 15 na 34 y'amavuko.
Nk'uko bigaragazwa n'uru rwego rw'Impuzamasendika, hakenewe ko Leta n'inzego zifata ibyemezo zishyireho ingamba zindi kugira ngo nk'uko byitezwe mu 2017, hazabe koko hagabanyije 50% ku mubare w'abashomeri, n'abakora bagahembwa ajyanye n'igihe.
richardirakoze@igihe.rw

Envoyé par : =?utf-8?B?bnlhbmd1cnViaWtlIGfDqXJhcmQ=?= <nyangurubike@yahoo.fr>

__._,_.___
Posted by: Samuel Desire <sam4des@yahoo.com>
Reply via web post • Reply to sender • Reply to group • Start a New Topic • Messages in this topic (1)
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=--=-=-=-=-=-=-=-=-=-=-
.To post a message: RwandaLibre@yahoogroups.com; .To join: RwandaLibre-subscribe@yahoogroups.com; .To unsubscribe from this group,send an email to:
RwandaLibre-unsubscribe@yahoogroups.com
_____________________________________________________

More news:  http://www.amakurunamateka.com
--------------------------------------------------------------------------------------
-SVP, considérer  environnement   avant toute  impression de  cet e-mail ou les pièces jointes.
======
-Please consider the environment before printing this email or any attachments.
--------------------------------------------------------------------------------------

.

__,_._,___
- No comments:
Subscribe to: Posts (Atom)

“Uwigize agatebo ayora ivi”. Ubutegetsi bukugira agatebo ukariyora uko bukeye n’uko bwije.

"Ce dont j’ai le plus peur, c’est des gens qui croient que, du jour au lendemain, on peut prendre une société, lui tordre le cou et en faire une autre."

“The price good men pay for indifference to public affairs is to be ruled by evil men.”

“The hate of men will pass, and dictators die, and the power they took from the people will return to the people. And so long as men die, liberty will never perish.”

“I have loved justice and hated iniquity: therefore I die in exile."

KOMEZA USOME AMAKURU N'IBITEKEREZO BYA VUBA BYAGUCITSE:

RECOMMENCE

RECOMMENCE

1.Kumenya Amakuru n’amateka atabogamye ndetse n’Ibishobora Kukugiraho Ingaruka ni Uburenganzira Bwawe.

2.Kwisanzura mu Gutanga Ibitekerezo, Kurwanya Ubusumbane, Akarengane n’Ibindi Byose Bikubangamiye ni Uburenganzira Bwawe.