http://www.umuvugizi.com/?p=7853

Ukuri kose ku ntambara iherutse guhanganisha inyeshyamba za M23

Minisitiri Mende yadutangarije ko iby'isubiranamo hagati ya Gen Ntaganda na Col Makenga abibona kimwe kubera ko bombi ari inyeshamba zashyizweho na Kagame zigamije gusa gusahura umutungo kamere wa Kongo

Minisitiri Lambert Mende asanga nta kindi iyo ntambara yari igamije uretse kuburizamo ishyirwa mu bikorwa ry'ingabo z'amahanga muri Kongo Kinshasa.

Umuvugizi umaza iminsi ukora iperereza ku ntambara iherutse kuvugwa hagati y'abayobozi ba M23, aho igice cya Gen Ntaganda cyasubiranyemo n'icya Col Makenga n'ibyari biyihishe inyuma, ari na yo mpamvu twavuganye n'abantu batandukanye kugirango batubwize ukuri ku by'iyo mirwano.

Mu bo twavuganye harimo minisitiri wa Kongo ushinzwe itumanaho, akaba n'umuvugizi wa guverinoma, Lambert Mende, ubwo yadutangarizaga ko isubiranamo hagati y'igice cya Gen Ntaganda na Col Makenga, nta kindi byari bigamije uretse gukoma mu nkokora ingabo z'amahanga "International Intervention Brigade" zigomba gushyirwa muri Kivu y'amajyaruguru, dore ko aho barwaniraga ari ho ibirindiro by'izo ngabo z'amahanga zigomba kujya.

Bwana Lambert Mende yabidutangarije muri aya magambo : "Ni byo koko habaye gusubiranamo hagati ya M23 igice cya Gen Ntaganda n'icya Col Makenga ahitwa i Kibumba hafi y'umupaka wa Kongo, abasirikare babiri bo mu rwego rwa Colonel bishyira mu maboko ya Monusco, naho Gen Ntaganda n'ingabo ze bahungira mu Rwanda; kuri twebwe iryo subiranamo rikaba ntacyo ritumariye uretse kwica inzira karengane z'abaturage bacu no kwangiza imitungo ya rubanda hamwe n'ibikorwa remezo by'igihugu cyacu muri rusange".

Minisitiri w'Itangazamakuru akaba n'umuvuguzi wa Leta ya Kongo yakomeje avuga ko «iby'isubiranamo hagati ya Gen Ntaganda na Col Makenga Leta ye ibibona kimwe kubera ko bombi ari inyeshamba zashyizweho na Perezida Kagame, zikaba zinakorera mu nyungu ze gusa, dore ko bombi bahurira ku mugambi umwe wo guhungabanya umutekano wa Kongo no kuvogera ubusugire bw'igihugu cya Kongo, bagamije gusa gusahurira perezida Kagame umutungo kamere w'igihugu cyacu".

Minisitiri Lambert Mende yanaduhaye za gihamya zerekana ko imirwano yari hagati y'ibice bibiri bya M23 nta kindi yari igamije uretse kudindiza ukugera kw'ingabo z'amahanga muri Kongo, akaba yaranerekanye ko iyo mirwano yabaye iminsi micye mbere yuko abayobozi ba gisirikare cya Afurika yo hepfo ndetse n'icya Tanzaniya bagera kuri Goma kugirango bategure aho ingabo zabo zigomba kujya.

Uburyo igisirikare cya Uganda kibona iyo mirwano iherutse kuba hagati y'inyeshyamba za M23.

Umwe mu basirikare bakuru ba Uganda wavuganye n'Umuvugizi, ariko utarashatse ko dutangaza amazina ye kubera impamvu z'umutekano we, yadutangarije muri aya magambo uko abona isubiranamo ry'inyeshyamba za M23 : "Iri subiranamo nta kindi ryari rigamije, uretse perezida Kagame washatse gutinza ishyirwa mu bikorwa ry'amasezerano yari hafi kurangira hagati ya M23 na Leta ya Kongo; perezida Museveni akaba yari amaze kumvikanisha impande zombi ariko kubera umutima mubi wa Kagame, akaba yaraje gutanga amabwiriza yo kugirango ibice byombi byari bimaze kwiyunga bisubiranemo, narangiza aze abihoshe, na none agire uruhare mu kubyumvikanisha na Kabila; aya macenga ya Kagame akaba nta kindi yari agamije uretse gusenya no gutesha agaciro ibyo perezida wa Uganda, Yoweri Kaguta Museveni, na Jakaya Kikwete wa Tanzaniya, bari bamaze kugeraho".

Uburyo ba maneko ba Kagame na bo babona imirwano iherutse kuba hagati ya Gen Ntaganda na Col Makenga.

Nyuma yo kuvugana n'igisirikare cya Uganda, twanyarukiye mu Rwanda, tuvugana na zimwe muri maneko za Kagame, zitubwira akari i murore, dore ko zatubwije ukuri kose ko ari Perezida Kagame wategetse Lt Gen Karenzi Karake, nyuma y'inama y'abakuru b'ibihugu yabereye muri Ethiopiya, ko ibice byombi bisubiranamo, ibi na byo bikaba nta kindi byari bigamije uretse gushakira Gen Ntaganda Bosco inzira, dore ko nta kuntu yari gushyirwa inyuma y'amasezerano yari arimo kuba hagati ya M23 na Leta ya Kongo kubera ibirego aregwa n'urukiko mpuzamahanga mpanabyaha, ibi bikaba na none mu gihe perezida Kagame atari yiteguye kumushyikiriza urukiko mpuzamahanga cyangwa Leta ya Kabila, kubera ko yatinyaga ko yazavuga amabanga ye nkuko Rubanga yayavuze ageze imbere y'urukiko mpuzamahanga mpanabyaha, ku buryo bitinde bitebuke perezida Kagame agomba gusubiza ibirego by'ubwicanyi no gufara abagore n'abakobwa ku ngufu byakozwe n'inyeshyamba zitandukanye yagiye arema muri Kongo.

Izo maneko za Kagame zakomeje zidutangariza ko gutegeka Col Makenga kurwana n'igice cya Ntaganda Bosco intambara ikaza kurangira, byerekana ko ari we wamwirukanye ku butaka bwa Kongo kubera manda ya ICC, ibi na byo bikaba nta kindi byari bigamije uretse guhesha agaciro igice cya Gen Makenga, yaba mu karere cyangwa mu rubuga mpuzamahanga kugirango abonwe nk'inyange, bityo ibyaha inyeshyamba ze zakoreye abanyekongo zifatanyije n'igisirikare cya Kagame, bisibangane.

Izi maneko za perezida Kagame zanadutangarije ko zemeza ko iyi mirwano yo gusubiranamo hagati ya Gen Ntaganda na Col Makenga, aho Col Makenga yasaga nk'aho yigumuye ku butegetsi bwa perezida Kagame, akirukana igice cya Gen Ntaganda, nta kindi na byo bigamije uretse guhesha isura nziza perezida Kagame, aho we n'igisirikare cye mu minsi itaha bazaba bihakana ibikorwa bya M23 iyobowe na Col Makenga, dore ko banamaze gutegeka Gen Ntaganda kwishyira mu maboko ya ambasade ya Leta ya Leta Zunze Ubumwe za Amerika mu Rwanda, ibi bikaba nta kindi bigamije uretse kwerekana ko perezida Kagame ari umuntu ushaka ko amahoro yongera kuboneka mu karere, bityo akaba yanasaba ibihugu byamufatiye ibihano kubera ubwicanyi simusiga bwagiye bukorwa n'inyeshyamba za M23 zifatanyije n'igisirikare cye , bityo akabishingiraho yihakana ko atagikorana n'igice cya Col Makenga kandi ko yanarangije gukemura ikibazo cya Gen Ntaganda burundu kugirango ibihugu bitandukanye bimusubize inkunga byari byaramuhagarikiye.

Umwe muri izo za maneko za Kagame twavuganye yabidutangarije muri aya magambo : "Mu mirwano iherutse hagati ya Gen Ntaganda na Col Makenga, Lt Gen Karenzi Karake yavuganaga na Col Makenga hamwe na Gen Ntaganda umunota ku wundi, kugeza ku wa gatanu mu masaha ya saa 5:30 zo mu gitondo, aho yahamagaye Col Makenga akamutegeka ko bahagarika imirwano, akanamuha amabwiriza yo guhumuriza Gen Ntaganda n'abasirikare bari kumwe, ko baza mu Rwanda, ko ntacyo bari bubatware, kandi ko bazabakoresha mu minsi iri mbere, ari na bwo Gen Ntaganda yahise yambukira mu Rwanda ari kumwe n'abasirikare be barimo umu generali umwe hamwe n'aba Colonel bagera kuri batanu ndetse n'izindi ngabo bari bashinzwe kuyobora".

Uyu musirikare na none, n'agahinda kenshi, yibajije impamvu perezida Kagame na Gen Karenzi Karake bagaragaje imyitwarire nk'iriya yo kudakunda abanyarwanda kimwe n'abasore b'abanyekongo, aho barinze kumena amaraso y'abantu bagera kuri magana abiri kugirango babone gukemura ikibazo cyari hagati y'inyeshyamba za M23, nkuko bishakiye, mu gihe perezida Museveni na Kikwete bari barangije kugikemura nta maraso y'abagize M23 amanetse kariya kageni. Yabivuze muri aya magambo : "Turibaza ko nubwo Gen Kabarebe James hamwe na Gen Kayonga bari bamaze iminsi batumvikana kuri kiriya kibazo cya M23 hamwe no gutinya ko amahanga yakomeza kubatahura ko ari bo bayoboye iriya mirwano ya M23, batari kugira ubugome bugeze hariya kimwe nka ba Perezida Kagame na Lt Gen Karenzi Karake bategetse ko abavandimwe bamarana kariya kageni kubera gusa inyungu zabo za politiki, bakaza kubakiza ari uko itangazamakuru ryabitahuye, iki gikorwa gitindi kikaba cyaramaze inzira karengane nyinshi z'abagogwe hamwe n'abanyejomba nk'aho batagira ababo".

Gasasira, Sweden.

Byashyizweho na editor on Mar 18 2013. Filed underAhabanza, Amakuru Ashyushye, Politiki. You can follow any responses to this entry through the RSS 2.0. You can leave a response or trackback to this entry

FDU ITEGANYA IKI KUBYEREKEYE POLITIKI Y'UBUHINZI MU RWANDA

http://www.blogtalkradio.com/radioitahuka/2013/03/19/fdu-iteganya-iki-kubyerekeye-yubuhinzi-mu-rwanda

02:17

FDU ITEGANYA IKI KUBYEREKEYE POLITIKI Y'UBUHINZI MU RWANDA

FDU ITEGANYA IKI KIZASIMBURA POLITIKI Y"UBUHINZI YA FPR YICISHA ABATURAGE INZARA?Bwana Charles Ndereyehe ,impuguke mu byubuhinzi akaba numujyanama ushinzwe igenamigambi ningamba za FDU-INKINGi. CALL... more

• by RadioItahuka
• in Politics Progressive
• on Mon, March 18, 2013

RDC – Rwanda: Mende, « Pinocchio déguisé en ministre »

http://www.jambonews.net/actualites/20130318-rdc-rwanda-mende-pinochio-deguise-en-ministre/

RDC – Rwanda: Mende, « Pinocchio déguisé en ministre »

mar 18th, 2013 @ 06:08 › Jambonews

↓ Aller directement aux commentaires

Ntaganda est-il ou n'est-il pas au Rwanda? C'est la question qui était au centre des discussions durant ce week-end sur le réseau social Twitter après que le porte-parole du gouvernement congolais Lambert Mende ait affirmé à l'AFP que Bosco Ntaganda, qui est surnommé « Terminator », avait traversé la frontière Rwando-congolaise.  

Aucun démenti officiel

Bien qu'elles laissent sous-entendre par différents canaux que les propos de Lambert Mende sont mensongers, les autorités rwandaises se refusent jusqu'à présent tout démenti officiel de cette information.  

Néanmoins, sur les réseaux sociaux, certains diplomates rwandais se livrent. C'est ainsi que le numéro deux de la Mission du Rwanda auprès des Nations Unies, Olivier Nduhungirehe, commentant les propos de Lambert Mende, a qualifié sur son compte Twitter, le porte-parole du gouvernement congolais de « Pinocchio déguisé en Ministre »

Pour sa part, la chef de la diplomatie rwandaise Louise Mushikiwabo, interrogée par Jambonews via son compte Twitter, s'est contentée d'une réponse évasive « Mende a menti? Il ne ment jamais » avant d'ajouter sur notre insistance « je n'ai pas l'habitude de me répéter« , refusant ainsi de se livrer à tout commentaire officiel.

Plus tôt dans cette journée du 17 mars, lors d'échanges sur Twitter avec Kenneth Roth, directeur exécutif de l'ONG Human Rights Watch, la Ministre des Affaires étrangères, était également restée évasive quant à la question de Kenneth Roth de savoir si le Rwanda enverrait Bosco Ntaganda à la CPI s'il s'avérait qu'il était effectivement au Rwanda. « Ken, sur cette question, je réponds: cherchez de l'aide » . « Je conclus tristement de cette réponse évasive que le Rwanda souhaite que personne ne poursuive Ntaganda » avait alors réagir Kenneth Roth amenant ainsi Mushikiwabo à rétorquer « Ken, depuis (tout ce temps, NDLR) vous devriez maintenant savoir que le Rwanda est tout sauf évasif. Et au fait: Qui vous poursuivra pour les torts que vous causez à mon pays? »

Bosco Ntaganda, recherché par la CPI 

Bosco Ntaganda, Rwandais qui à l'âge de 17 ans a rejoint le Front Patriotique Rwandais(FPR) et a combattu en 1994 sous le commandement du chef de file du FPR -aujourd'hui président du Rwanda – Paul Kagame, est dans le collimateur de la justice pénale internationale depuis 2006. Son implication aux côtés de Thomas Lubanga dans l'enrôlement d'enfants soldats en Ituri lui est reprochée. En juillet 2012, la Cour pénale internationale a lancé un deuxième mandat d'arrêt à son encontre, cette fois-ci pour des exactions, notamment des massacres ethniques, des meurtres, des viols et le recrutement d'enfants soldats au Nord-Kivu.

Laure Uwase et Ruhumuza Mbonyumutwa

Jambonews.net 

Profitez et partagez avec vos amis:

Gen Ntaganda ari i Kigali-UMUSEKE.COM

http://umuseke.com/gen-ntaganda-ari-i-kigali/

Gen Ntaganda ari i Kigali

Hashize 36 mins Iyi nkuru yanditswe. Yashyizweho kuwa 18/03/2013 . Yashyizwe ku rubuga na INKINDI   ·   Ibitekerezo 6

Yari amaze igihe ntawuzi irengerero rye, ndetse mu mpera z'icyumweru gishize abayobozi b'i Kinshasa bavuze ko Rwanda rwaba rwakiriye uyu mujenerali ariko rurabikana, gusa ubu, amakuru amaze gutangazwa na Minisitiri w'Ububanyi n'amahanga w'u Rwanda Louise Mushikiwabo aremeza ko Ntaganda ari i Kigali.

Gen Ntaganda wishyize mu maboko y'Abanyamerika Photo: Nytimes.com

Abinyujije ku rubuga rwe rwa twitter Minisitiri w'Ububanyi n'Amahanga w'u Rwanda Louise Mushikiwabo yanditse ko uyu munsi aribwo bamenye ko Gen Bosco Ntaganda yinjiye mu Rwanda agahita yishyira mu maboko y'Ambasade ya Leta Zunze Ubumwe z'Amerika i Kigali.

Mushikiwabo yagize ati "Twamenye ko Gen Ntaganda yishyize mu maboko y'Ambasade ya Leta Zunze Ubumwe z'Amerika mu gitondo"

Ubutumwa Minisitiri Mushikiwabo yanyujije ku rubuga rwe rwa twitter

Aya makuru amaze no gutangazwa ku rubuga rwa Guverinoma y'u Rwanda aravuga ko Minisitiri Mushikiwabo yavuze ko byinshi kuri iki kibazo bigisuzumwa.

Gen Bosco Ntaganda wishyize mu maboko y'Abanyamerika akurikinwawe ibyaha byibasiye inyokomuntu n'ibyaha by'intambara yaba yarakoreye muri Repubulika Iharanira Demokarasi ya Congo, ndetse yashyiriwe impapuro zimuta muri yombi n'Urukiko Mpuzamahanga Mpanabyaha (ICC).

Turakomeza kubakurikiranira iyi nkuru.

UBWANDITSI 
UMUSEKE.COM

   

Rwanda: Leta ya Kagame ikomeje kurundanya ibitwaro by’intambara...

http://rwanda-in-liberation.blogvie.com/

Leta ya Kagame ikomeje kurundanya ibitwaro by'intambara inatumiza ibishya nk'aho yaba yitegura urugamba

mars 18th, 2013 by rwanda-in-liberation

Nyuma y'uko tubagezaho inkuru y'imbunda yateretswe hejuru ya CND ireba mu Kiyovu kwa Kagame ubu noneho ngo leta yatumije ibibunda bya rutura birimo n'ibimodoka by'intambara byo kwifashisha mu kurasa kure no kurasa abantu benshi icyarimwe. Ibi bimodoka ngo bikaba bikiri mu nzira ku buryo bitazageza mu kwezi kwa gatandatu 2013 bitageze i Kigali.

Aya ni amakuru aturuka mu nzego z'umutekano za Kigali aho bamwe mu bakorera muri izo nzego badutangarije ko leta yatumije ibyo bitwaro bya rutura n'ibimodoka by'intambara ngo bikaba byitezwe ko bizaba byageze i Kigali mu minsi ya vuba kuko n'abagomba kuzabikoresha barangije imyitozo ubu bakaba bategereje ibyo bitwaro ngo bagomba kuzakoresha mu gihe bashobora guhangana n'uwo ariwe wese wabagabaho igitero ndetse ngo byanakoreshwa mu gushwiragiza abigaragambya dore ko Kigali ngo yaba yiteguye guhangana n'imyigaragambyo ikaze.

Muri ibyo bitwaro byatumijwe ngo harimo n'ibimodoka bitera imyuka iryana mu maso ngo bigomba kuza vuba kuko ngo Kigali yaba inukamo imyigaragambyo nk'iyabereye mu bihugu bya Misiri na Tuniziya ngo leta ikaba ifite ubwoba ko iyo myigaragambyo iramutse ibaye itashobora guhangana n'abayikora idafite ibyo bimodoka kabuhariwe mu gutera imyuka iryana mu maso.

Impamvu ngo ibi bimodoka byatumijwe muri ibi bihe ngo ni uko kera leta yateraga ikiyikiriza none ngo yaba yarabonye ko ibintu bishobora kuyikomerana ihitamo gusha uko yabona ibyo bimodoka yabonaga mbere ko nta kamaro byari kugira mu gihe nta muntu watinyukaga kuvuga ikintu na kimwe cyo guhangana none ngo basigaye banababwira ko imyigaragambyo yaba iri mu nzira ndetse ngo yaba iri mu marembo ya Kigali niba itaranayigezemo.

Reka dutege amaso iby'aya makuru ariko burya ngo ntakabura imvano n'aya makuru y'aba bashinzwe umutekano ntawayakerensa ahubwo dutege amaso iby'ejo hazaza bigaragara ko bishobora kutazoroha na busa.

Nkunda L.
Kigali City

Rwanda: Mu Karere ka Gasabo haracyagaragara bwaki

http://www.izuba.org.rw/i-838-a-37519.izuba

Mu Karere ka Gasabo haracyagaragara bwaki

• Samuel Ngendahimana
• 17/03/2013
• 
  
  
• 
  
  

Umuryango wa Emmanuel na Gratia (Ifoto/Ngendahimana S.)

Mu Mudugudu wa Gatobotobo; Akagali ka Muremure; Umurenge wa Nduba;  Akarere ka Gasabo; hari umuryango ukennye cyane aho abawugize baba mu nzu ya 2m kuri 3m; abagize uyu muryango bakavuga ko imibereho mibi babayemo yanagize ingaruka ku bana babiri b'impanga bafite; kuko bibasiwe na bwaki.

Ikinyamakuru Izuba Rirashe kibasura; nyina w'abo bana;  Mwiseneza Gratia yagitangarije ko ubuyobozi buzi ikibazo ariko ntibugire icyo bubikoraho.

Yagize ati «Nagiye gusaba ko bampa mituwele banyandika mu cyiciro cy'abishyurirwa; ariko amalisiti asohotse nsanga bankuyemo; mbabajije bavuga ko mfite umugabo bityo nkaba ngomba kwishyura.» Uyu mubyeyi agira ati «Ubu nabaye uwo mu rugo; ntiwasiga impanga ebyiri z'amezi 10 ngo ujye guhingira amafaranga. Kuba rero barwaye batya; rwose ntitwakwirenganya ntako tuba tutagize.»

Umugabo we akaba na se w'izo mpanga; Mwemerankiko Emmanuel we ati «Rwose naragerageje kuko ubundi mpingira abandi cyangwa ngatwara imizigo. Mbere nakodeshaga aho nabaga;nyuma nza kubura ubushobozi; nibwo rero nubakaga aka kazu ngo tuve mu bukode; ubu kose kantwaye 50000Frw. Imibereho mibi rero yo twarayakiriye nta bushobozi dufite. Iyo imvura iguye iratunyagira; imbeho nayo nijoro ni uko.»

Ku kibazo cy'ubuzima bw'abana; uyu mugabo yasubije agira ati «Kuko nta mituwele kandi nta bushobozi bundi dufite; aba bana tubasabikira umuravumba n'umubirizi nibyo bamwa iyo barwaye. S ngibiriya se? Nta kindi twakora; none se ubu urabona nahingira 700Frw nkabonamo ibitunga urugo na mituwele y'abantu bane?! Bwaki ibamereye nabi; none se twagira dute?»

Umunyamabanga mpuzabikorwa w'Akagali ka Muremure uyu muryango ubarizwamo; Valentin Rutarindwa yabwiye ikinyamakuru Izuba Rirashe ko atunguwe no kumva ko mu Kagari ayobora harimo abana barwaye bwaki! Ati «Ntitwari tubizi; ariko turabihagurukira.»

Umuyobozi w'Umudugudu wa Gatobotobo; Muhigirwa Charles we azi ko icyo kibazo gihari; ati «Uwo muryango ubayeho nabi rwose; ariko ku kigo nderabuzima haje ibiryo byo gufashisha abana bafite imirire mibi.»

Uwo muryango usaba ko byibuze wabona abagiraneza bo gukamira abo bana b'impanga kuko bakomeje kuzahara; bati «Byaba byiza wenda natwe baduhaye inka muri Girinka.»

• 
  

M23: Runiga yahungiye mu Rwanda ahita atabwa muri yombi !

http://www.veritasinfo.fr/m/article-116241684.html

M23: Runiga yahungiye mu Rwanda ahita atabwa muri yombi !

         Izi ni ingabo za M23 zo kuruhande rwa Runiga zahungiye ku Gisenyi mu Rwanda

 

Amakuru aturuka muri M23 igice kiyoborwa na Gen Sultani Makenga aremeza ko Jean Marie Runiga Lugerero wayoboraga umutwe wa M23 utaracikamo ibice 2 yahungiye mu gihugu cy'u Rwanda agahita atabwa muri yombi. Aho yafatiwe naho afungiwe muri icyo gihugu ntiharamenyekana.

 

Gen. Baudoin Ngaruye kimwe na Col Muhire bari bashinzwe ingabo zo mu gice cya Runiga bambuwe intwaro n'ingabo z'u Rwanda ku Gisenyi ubwo bahungiraga muri icyo gihugu, naho Gen Bosco Ntaganda yahungiye mu ishyamba rya pariki y'Ibirunga ku mupaka w'u Rwanda ari kumwe n'inyeshyamba 30 za M23 zimurindiye umutekano. Niba aya makuru atangazwa n'igice cya Makenga ari impamo,inyeshyamba za M23 zahungiye mu Rwanda zizahabwa ubuhungiro mu Rwanda nk'uko byakorewe Gen Laurent Nkunda.

 

Biragaragara ko mu gihe Nkunda yafatwaga n'u Rwanda taliki ya 22 mutarama 2009, inshuti n'abavandimwe be ba hafi bishwe urw'agashinyaguro na Paul Kagame wahise umusimbuza Bosco Ntaganda. Kagame Paul yahise asaba Col Sultani Makenga ubu wigize jenerali kimwe na Bertrand Bisimwa ubu wigize umuvugizi wa M23 gutegura igikorwa cyo kuvanga ingabo zitwaga iza CNDP kandi mubyukuri ari ingabo z'u Rwanda n'ingabo za Congo. Leta ya Congo ntako itagize ngo u Rwanda rwohereze Nkunda muri icyo gihugu kugira ngo aburanishwe ariko u Rwanda ruranga, n'aba rero baruhungiyemo ntabwo u Rwanda ruzabaha Congo kuko ruvuga ko ari abaturage barwo!

 

Amacakubiri ari muri M23 yihishemo amakimbirane y'Abega n'Abanyiginya!

 

  Bishop Runiga ageze mu Rwanda akaba yemera ko yatsinzwe ubu akaba ari gusaba ubuhunzi

 

Byari bisanzwe bizwi ko muri M23 hari amakimbirane ashingiye ku turere n'uburyo abacongomani bavuga ururimi rw'ikinyarwanda bo mu bwoko bw'abatutsi basuzugurana biturutse mu buryo baje gutura muri kivu y'amajyaruguru. Igice cya Sultani Makenga kivuga ko ari abajomba akaba aribo bacongomani buzuye bo mu bwoko bw'abatutsi bavuga ikinyarwanda kandi bakaba ari ba kavukire ba Rutshuru. Naho igice gishyigikiye Bosco Ntaganda na Jean Marie Runiga bakavuga ko ari abacongomani bo mu bwoko bw'abatutsi bakomotse mu Rwanda bagatura mu gice cya Masisi., igice cya Makenga rero kikaba gishinja igice cya Runiga na Ntaganda kuba ari abimukira baturutse mu Rwanda bakaba bagomba gusubira iwabo mu Rwanda, none nibyo bibaye!

 

Amakuru veritasinfo.fr ikesha bamwe mubasilikare b'inyeshyamba za M23, avuga ko amacakubiri ari hagati y'ibice byombi bihanganye muri M23 yarushijeho kugira ubukana bitewe n'ikibazo cy'amoko abiri y'abatutsi:abanyiginya n'abega.Ayo moko yombi akaba arwanira ubuyobozi kuva ku ntambara yo ku Rucunshu mu Rwanda.Gen.Sultani Makenga kimwe na Gen Laurent Nkunda akaba ari abatutsi bo mu bwoko bw'abanyiginya, naho Bosco Ntaganda, Gen Baudouin Ngaruye akaba ari abatutsi bo mu bwoko bw'abega.

 

Igihugu cy'u Rwanda cyaremye kandi kigafasha umutwe wa M23 cyagerageje gukemura ayo makimbirane ari muri M23 birananirana, abega bo kwa Bosco Ntaganda ntabwo bemeraga ubuyobozi bw'abanyiginya aribo ba Sultani Makenga. Abanyiginya ba Makenga nabo ntibemere ubuyobozi bw'abega bo kwa Bosco Ntaganda. Mu ntangiriro igihugu cy'u Rwanda cyakoranye cyane n'uruhande rwa Sultani Makenga , ariko basanga Bosco Ntaganda atishimiye cyane ubwo bufatanye , biba ngombwa ko u Rwanda rufasha n'igice cya Bosco Ntaganda. Nyirabayazana y'imirwano hagati y'ibyo bice byombi yatewe n'amasezerano ibihugu 11 harimo n'u Rwanda byashyiriyeho umukono Addis Abeba ku italiki ya 24 gashyantare 2013 bihagarariwe n'umunyamabanga mukuru wa ONU; ayo masezerano akaba yari ayo kurwanya imitwe yose yitwaje intwaro iri muburasirazuba bwa Congo ariko cyane cyane M23. Uruhande rwa Runiga na Bosco Ntaganda ntirwashyigikiye ayo masezerano kuko rwabonaga nta nyungu ruzakuramo, urwo ruhande rwifuzaga ko rwakubura imirwano rukongera kwigarurira umujyi wa Goma bityo rukabona gutanga ibindi byifuzo rwabona ko rufitemo inyungu. Uruhande rwa Sultani Makenga rwo rukaba rwari rushyigikiye ayo masezerano kugira ngo rubashe kumvikana na leta ya Congo mu mishyikirano irimo ibera i Kampala bityo intambara ikarangira!

 

Kubera uko kudahuza hagati y'ibyo bice byombi , byakuruye urwikekwe, Bosco Ntaganda abona ko Makenga ashaka kumutanga ngo acibwe urubanza bitewe ni uko ashakishwa n'urukiko mpuzamahanga, ubwo Bosco Ntaganda yahise afata icyemezo cyo kwica Makenga maze amutega igico i Rutshuru. Sultani Makenga yagize amahirwe ntiyagwa muri uwo mutego ahubwo hagwamo umusilikare ufite ipeti rya Majoro ariwe Musana; kuva icyo gihe ibice byombi byarahanganye mu mirwano; Sultani makenga yiyemeza gufata Bosco Ntaganda akamushyikiriza urukiko mpuzamahanga.

 

Igihugu cy'u Rwanda cyagerageje kunga ibice byombi birananirana , u Rwanda rwiyemeza kohereza ingabo zo kurwana kuruhande rwa Bosco Ntaganda kuko ariwe wari ufite intege nke bityo uruhande rwe rwaba ruhagaze neza kurugamba bigatuma Sultani Makenga acisha make! Uruhande rwa Sultani Makenga rwahise rufata u Rwanda nk'umwanzi, rwiyemeza kwirukana igice Bosco Ntaganda na Runiga!

 

Aho ibintu bigeze rero ni uko uruhande rwa Sultani Makenga na Laurent Nkunda bitwa ko ari abanyiginya ruri gutsintsura igice cya Bosco Ntaganda cyitwa ko ari abega; niba ayo makimbirane yo muri M23 u Rwanda ruyitwayemo nabi ,intambara ya Sultani Makenga na Bosco Ntaganda ishobora kwambuka umupaka ikajya mu Rwanda maze ibyo Gen Kayumba Nyamwasa yavuze by'uko guha intwaro imitwe irwanira muri Congo ari ikosa rikomeye kuko iyo mitwe ishobora guhindukira ikarasa abanyarwanda ,bikaba bibaye impamo!

 

Ubwo igisigaye ni ugukurikiranira hafi uko iyi ntambara ya M23 izagenda n'uko u Rwanda ruzabyitwaramo.

 

 

Veritasinfo.fr