http://www.umuvugizi.com/?p=8264

Amahoteli afite ibyumba biberamo amanama mu Bwongereza akomeje guha akato Perezida Kagame na ambasade y'u Rwanda mu Bwongereza

Amahotel mu Bwongereza bakomeje guha akato ambasade y'uRwanda nyuma yo kumenya ko iyo mihango yiswe "Rwanda Day" izaba igamije gucyeza umuperezida nka Kagame ufite amaraso mu biganza

Amakuru agera ku Umuvugizi, aturuka mu bakozi ba ambasade y'u Rwanda mu Bwongereza, yemeza ko ambasade yabo ikomeje kugira ikibazo gikomeye nyuma y'aho ba nyiri amahoteri afite ibyumba byagenewe gukoreramo amanama bari bari bemereye ambasade y'u Rwanda mu Bwongereza ko bazabyakiriramo perezida Kagame n'abambari be igihe azaba ageze mu Bwongereza mu gikorwa yise "Rwanda Day", nyamara bakomeje kwisubiraho no guha akato iyo ambasade nyuma yo kumenya ko iyo mihango izaba igamije gucyeza umuperezida nka Kagame ufite amaraso mu biganza, bityo akaba ari yo mpamvu nyirizina bakomeje kumuha akato no kwanga ko we n'abamuherekeje bazateranira mu mahoteri yabo.

Amwe muri ayo mahoteri Umuvugizi twashoboye kumenya ko amaze gufata icyemezo cyo guha perezida Kagame n'abambari be akato, ni iyitwa «Business Design Center», ibarizwa mu mugi rwagati wa London, hakaba hari n'iyindi yitwa «Angel London» na yo imaze guha akato ambasade y'u Rwanda mu Bwongereza. Indi hoteli imaze guha akato Kagame n'abambari be ni iyitwa «02 Arena», na yo ibarizwa mu mugi wa London .

Tukaba tumaze no ukumenyako abantu benshi bagizwe n'abanyarwanda, abarundi n'abanyekongo, bazaba babucyereye kugirango bamagane ubwicanyi perezida Kagame akomeje gukorera imbaga y'abasiviri b'abanyekongo, yihishe inyuma y'umutwe yashinze w'inyeshyamba za M23, n'ibindi bikorwa by'igitugu akomeje gukorera abanyarwanda imbere mu gihugu, ibikorwa byiganjemo ubwicanyi, ishimutwa ry'abaturage baburirwa irengero, ifungwa ridasobanutse no gusahura umutungo igihugu nkaho kitagira ba nyira cyo.

Gasasira, Sweden.

Byashyizweho na editor on May 15 2013. Filed underAhabanza, Amakuru Ashyushye, Politiki. You can follow any responses to this entry through the RSS 2.0. You can leave a response or trackback to this entry

http://www.umuvugizi.com/?p=8246

Uburyo Jeannette Kagame yasabye umugabo we Igihanga cya Major John Sengati wiciwe i Gitarama

Jeannette Kagame acuye umuhigo doreko yaba mu Rwanda cyangwa muri Afurika nta mumfasha w'umuperezida wigeze agira amatwara nkaya Jeannette Kagame yuzuye ubwicanyi ndegakamere .

Amakuru agera ku Umuvugizi yemeza ko mu ijoro rishyira ejo ku wa gatandatu, ku mabwiriza ya perezida Kagame, abisabwe n'umugore we Jeannette Kagame, abasirikare barinda umukuru w'igihugu bazwi ku izina rya "Presidential Protection Guards", bafashe Major John Sengati, bamukuye i Kigali, bamujyana i Gitarama hafi y'aho yari afite ikirombe cya Coltan, ari naho bamwiciye urw'agashinyaguro, umurambo we bawujugunya mu modoka ye yari yuzuye amaraso, ari naho baje kuwusanga mu gitondo.

Ubundi ibikorwa nk'ibyo byo kwica abasirikare bafashije perezida Kagame kugera ku butegetsi, byakorerwaga muri Nyungwe cyangwa i Kami kubera ko ariho hari ibagiro rya «Directorate of Military Intelligence-DMI»ribarizwa ariko kubera ko icyo gikorwa cyakozwe n'abasirikare barinda umukuru w'igihugu kandi batashaga ko iryo banga rimenyekana, byabaye ngombwa ko bamwicira mu cyahoze ari Gitarama mu rwego rwo kugirango icyo gikorwa cy'ubwicanyi cya bunyamaswa bakigereke ku bagizi ba nabi.

Umuvugizi washoboye kumenya ko Major Sengati John, yahoze ari umuyobozi w'umutwe wa gisirikare wari ushinzwe kurinda abasirikare bakuru bo mu rwego rwa generali, uzwi ku izina rya Garson, aza no kujya mu ngabo za Loni zishinzwe kurinda amahoro muri Sudani "UNAMID", akaba yaratangiye kwibasirwa Gen Kayumba atarahunga, kugeza n'aho bategetse umurenge wa Muhima mu Karere ka Nyarugenge aho yari atuye, gukora raporo imubeshyera ko yari umusinzi, inzego z'ubutasi za Kagame zikaba ari zo zari zihishe inyuma y'iri totezwa rye kugirango babone urwitwazo rwo kumufunga, bakaba baraje kumufunga mu kwezi kwa kabiri 2010, ibi byose bikaba byarakorwaga na Gen Jack Nziza, ku mabwiriza y'umugore wa perezida Kagame, Jeannette Kagame Nyiramongi.

Mbere yuko Major Sengati yicwa, habayeho andi mabwiriza na none yari yatanzwe na perezida Kagame kugirango bamwambure hegitari ze z'ubutaka yari afite iwabo ahitwa i Karama, icyo gihe bakaba baramwambuye hegitari zigera kuri mirongo itanu, ibi byose bikaba byarakorwaga n'inzego z'ubutasi za Kagame, zimuhora gusa ko yari inshuti ya Gen Kayumba Nyamwasa, nuko yarashatse umwana wa mukuru w'umufasha wa Gen Kayumba Nyamwasa, Rosette Kayumba. Umuvugizi ukaba warashoboye kumenya ko uwo mwana wa mukuru wa Rosette Kayumba, umufasha wa Major John Sengati, yitwa Umurerwa.

Nyakwigendera Major Sengati John, mbere yuko ahitanywe n'inkoramaraso za Kagame, yagiye afungwa agafungurwa nk'inzugi, bamubaza ikibazo kimwe rukumbi cy'icyo yari ahuriyeho n'umuryango wa Gen Kayumba Nyamwasa. Major John Sengati akaba yarabasubizaga ko ntacyo ahuriyeho n'uwo muryango kindi, uretse ko Gen Kayumba Nyamwasa yigeze kumubera umuyobozi nuko umufasha we ari umwana wa mukuru wa Rosette Kayumba , ibyo bikaba bitarigeze binyura inkoramaraso za Jeannette Kagame, dore ko we na Gen Jack Nziza ari bo bafite uruhare rukomeye mu gukongeza umuriro, mbere yuko perezida Kagame atanga uburenganzira busesuye bwo kwica major John Sengati.

Mbere yuko Major Sengati yicwa , na none yari yarigeze gufungwa mu kwezi kwa cyenda 2011, ubwo yari ageze ku kibuga cy'indege i Kanombe, avuye mu butumwa bw'akazi ka Loni i Darfur muri Sudani. Yaje gufungurwa ubwo Umuvugizi wamutabarizaga mu nkuru yawo yo ku wa 28 nzeli, mu mwaka wa 2011, n'ubwo yakomeje gutotetezwa n'inzego z'ubutasi za Perezida Kagame, zimuhora na none ko yigeze kuba umwe mu basirikare ba hafi ba Gen Kayumba Nyamwasa, no kuba yarashatse umwana wa mukuru wa Rosette Kayumba.

Amakuru akomeje kutugeraho, akaba yemeza ko icyemezo cyo kwica Major John Sengati cyafashwe ku itariki ya 09/5/2013, ubwo Jeannette Kagame yameraga nka wa mugaragukazi wo muri Bibiliya witwaga Salome, wabyiniraga umwami Herodi, yamara kumunezeza akamusaba icyo yamugororera n'iyo cyaba kirimo n'ubwami bwe, ariko Salome umuntu yakwita shitani igenda, akaba yarasabye umwami Herodi ko yamugororera igihanga cy'umukozi w'Imana Yohani Umubatiza "John the Baptist", bityo n'ibya Major Sengati John bikaba ariko byagenze, dore ko nyuma yo kugaraguzwa agati mu magereza, ari na ko yanamburwaga utwe ngo bamukeneshe, Jeannette Kagame kubera urwango rudasanzwe afitiye Rosette Kayumba, dore ko yanamwambuye imigabane ye bari bafatanyije mu ishuri ryigirwamo abana b'abayobozi «Green Hills Academy», yumvise ko ibyo gukenesha no kugaraguza agati umuntu washatse umwana wa mukuru wa Rosette Kayumba bidahagije, bityo we n'umugabo we, bageze mu buriri, amaze kumunezeza, amusaba igihanga cya Major Sengati John, ari na bwo nyamugabo yabimwemereraga, dore ko na we anezezwa no kumena amaraso.

Mu gushyira mu bikorwa icyifuzo cya nyamugore we, Perezida Kagame yahise ategeka abasirikare bamurinda «Presidential Protection Guard» kujya kurangiza ako kazi ka bunyamaswa ko kwica Major Sengati John, nyuma yo gufashwa n'izindi nzego z'ubutasi zirimo «National Security Services-NSS», ziyobowe na Gen Karenzi Karake Emmanuel hamwe na «Special Intelligence» yakunze kwitwa kwa Gacinya, ubu ikaba iyobowe n'umwicanyi ruharwa Commissioner Kalisa Faustin, izi nzego zombi zikaba zarafashije abicanyi ba Jeannette Nyiramongi mu gikorwa cyo kureshya no gucunga Nyakwigendera kugirango agane aho bagombaga kumwicira, ari na bwo baje kuhamutsinda mu ijoro ryo ku wa gatanu tariki ya 10/05/2013, rishyira ku wa gatandatu, taliki ya 11/05/2013.

Gasasira, Sweden.

Byashyizweho na editor on May 12 2013. Filed under Ahabanza, Amakuru Ashyushye,Politiki. You can follow any responses to this entry through the RSS 2.0. You can leave a response or trackback to this entry

You must be logged in to post a comment Login

__._,_.___

R

Rwanda – Nyagatare : Bamwe mu batuye muri aka kerere bamaze guhindurwa ibimuga n’abashaka kubambura utwabo

http://www.fdu-rwanda.com/RW/kinyarwanda-rwanda-nyagatare-bamwe-mu-batuye-muri-aka-kerere-bamaze-guhindurwa-ibimuga-nabashaka-kubambura-utwabo/#more-2728

Rwanda – Nyagatare : Bamwe mu batuye muri aka kerere bamaze guhindurwa ibimuga n'abashaka kubambura utwabo.

GICURANSI 14, 2013  

Kigalikuwa 14 Gicurasi 2013

Abaturage bo mu karere ka Nyagatare,umurenge wa Rwimiyaga bamaze igihe kirekire bugarijwe n'intakorwaho ziri muri uyu murenge zihaye uburenganzira bwo kubambura amasambu yabo ku ngufu,kubasenyera amazu,kubirukana aho bari batuye,kubakubita iz'akabwana, kuragira imyaka yabo ndetse ko kubabuza gukora imirimo isanzwe ibatunze irimo n'ubuhinzi[1]. Ibi bikomerezwa bituye muri uyu murenge ngo bijujubya aba baturage kugirango birukanwe aho bari batuye maze  byibonere amasambu yo kororemo inka bititaye kukumenya aho  izi nzirakarengane zakwerekeza.

Uru rugomo rukorerwa aba baturage nkuko babyemeza bikorwa mu ivangura rikomeye ku buryo banibaza impamvu yiri vangura bakorerwa kandi ubuyobozi burebera kuburyo banemeza ko iri hohoterwa rimaze guhindura benshi muri  bo ibimuga by'inkoni,abandi ubu bakaba birirwa bihishahisha mu bihuru kubera gutinya kugirirwa nabi n'abashaka amasambu yabo.

Aba baturage bakaba barimo guhoterwa abakabarengeye barebera kugeza ubwo kuwa 29 Mata 2013 bafashe icyemezo cyo kwandikira  inzego zo hejuru harimo na minisiteri y'intebe nyamara nubwo ubu izo nzego zose zimaze kumenyeshwa aka karengane nubu ako karengane karacyakomeje kuburyo nubu abaturage baracyihishahisha mu bihuru,baranahigwa umunsi ku wundi!

Iri hohoterwa ry'abaturage rimaze kuba umuco mu Rwanda hafi ya hose kuburyo usibye no kumugariramo, abaturage batangiye  no kuburiramo ubuzima kandi ugasanga bamwe mu bayobozi bakuru baba babigizemo uruhare. Urugero ni urw' umuturage witwa Jean Claude Safari uherutse gukubitwa kugeza ubuze ubuzima[2].

Ibi bikorwa byo kwigabiza imitungo y'abaturage biranavugwa no mu karere ka Kayonza,umurenge wa Kabare[3],akagari ka Gitara aho ubu imyaka yobo (ikawa,imyumbati,urutoki,amasaka,ibijumba…) yigabijwe n'umushinga w'akarere ukora amatarasi maze imyaka yabo ikaba irimo kurandagurwa hatitawe ku kizabatunga nta n'ingurane bahawe. Mu minsi yashize kandi muri aka karere hanavuzwe ifungwa rya bamwe mu baturage bari bagerageje kwanga ko imyaka yabo irandurwa maze leta ibashinja icyaha ubu kigezweho cyo kwangisha abaturage ubuyobozi no kurwanya gahunda za Leta. Ubu abo baturage bararira ayo kwarika ariko bandikiye inzego zose harimo na Perezidanse ya Repuburika basaba kurenganurwa ariko ngo icyizere cyo kurenganurwa  ni gike cyane .

Ishyaka FDU –Inkingi  nkuko ridahwema kwamagana imigirire nkiyi igayitse yo guhohotera abo ushinzwe kureberera no kurengera kandi nyamara ubutegetsi bwa FPR-Inkotanyi ntibuhwema kuririmbira abaturage imiyoborere myiza,izira ivangura…

Turasaba Leta kwikubita agashyi igahagarika iri hohoterwa ryo kwica,kumenesha abaturage,kubarandurira imyaka,kubambura imitungo yabo  ku ngufu kandi umutungo w'umuntu ari ntavogerwa nkuko Itegeko-Nshinga ribyemeza. Turasaba kandi ko Leta itakomeza gukingira ikibaba uwo ariwe wese uhohotera abaturage yitwaje icyo aricyo cyose kuko ihame ryo kureshya imbere y'amategeko rigomba kubahirizwa ku benegihugu bose.

 

 

FDU-Inkingi

Boniface Twagirimana

Visi- Perezida w'agateganyo.

 

---

[1] https://docs.google.com/file/d/0B_h-ufXdGib-SkM4YVpnUEZXQ3M/edit?usp=sharing

[2] http://www.ireme.net/yahondaguwe-ninkeragutabara-ahuhurwa-nushinzwe-iperereza-bimuviramo-gupfa/

 

[3]https://docs.google.com/document/d/1GA128OYLDRBEu6ot6dTcBGQaKjmx2dogXdG4MYMS3Jk/edit?usp=sharing

Fw: *DHR* Nyandwi Salathiel yasubiye mu buhungiro

Subject: Re: *DHR* Nyandwi Salathiel yasubiye mu buhungiro

 

Wibagiwe abatashye FPR igifata ubutegetsi ngo barasubizwa mu myanya yabo, bamwe bari Directeurs Generaux mbere yuko yuko FPR ifata ubutegetsi. Kagame yabasimbuje abagande kugira ngo icyongereza gikoreshwe muri administration.   None ubu baragendesha kamambili, bibera mu giturage. Abandi ba cadres bakomeje gukora nk'abaja muri za Ministeres.Abandibakozi bo murwego rwo hasi  basabwe gukora ibizamini bya nyirarureshwa kugira ngo basubire mu milimo yabo. Abarimu benshi barasezerewe.Ibyo byose byari bigamije kurandura igifaransa. Abo bose nibo batora Kagame akagira amajwi 95% ?

---

From: Patrick Bahizi <bahizi.patrick@yahoo.fr>
To: "Democracy_Human_Rights@yahoogroupes.fr" <Democracy_Human_Rights@yahoogroupes.fr>
Sent: Tuesday, 14 May 2013, 10:33
Subject: Re: *DHR* Nyandwi Salathiel yasubiye mu buhungiro

 

Merci M. le Modérateur. Ibihe tugezemo biza kugaragaza benshi: abasakuza ko batashye nk'aho bahunze babanje kutugisha inama, kimwe n'abadatinya kutwubikaho urusyo bahamya ko bari baraheze mu mahanga kubera kubeshywa.

---

De : Twagiramungu Innocent <itwagira@yahoo.fr>
À : democracy_human_rights@yahoogroupes.fr
Envoyé le : Mardi 14 mai 2013 10h32
Objet : *DHR* Nyandwi Salathiel yasubiye mu buhungiro

 

Envoyé de mon iPhone

Innocent Twagiramungu

Début du message transféré :

Expéditeur: "Rnc Johannesburg" <notification+zrdozr1gp661@facebookmail.com>
Date: 14 mai 2013 09:43:13 UTC+02:00
Destinataire: Rwanda National Congress Johannesburg Forum <rncjohannesburgforum@groups.facebook.com>
Objet: [Rwanda National Congress Johannesburg Forum] Nouvelle photo
Répondre à: Répondre au commentaire <g+40stu1ip000zg3qn1fl10064xs25u6j3000zg4pw86672cg46@groups.facebook.com>

Rnc Johannesburg a publié dans Rwanda National Congress Johannesburg Forum Rnc Johannesburg 14 mai 09:43 Photos du journal IGIHURU CYABYAYE IGIHUNYIRA: NYANDWI SALATHIEL WAVUZEKO YABESHYWE NA RNC YASUBIYE MU BUHUNGIRO KWIBA... Voir la publication sur Facebook · Modifier les paramètres de courrier électronique · Vous pouvez répondre à ce message pour commenter.

Rwanda: La nouvelle loi sur les partis politiques, pour sceller irrémédiablement l’espace politique

http://www.fdu-rwanda.com/

Rwanda: La nouvelle loi sur les partis politiques, pour sceller irrémédiablement l'espace politique.

MAI 13, 2013  

Kigali, en prévision des élections législatives d'août-septembre 2013, vient de modifier la loi sur les partis politiques, pour sceller irrémédiablement l'espace politique.

On croyait qu'au Rwanda, les institutions et les lois liberticides avaient atteint le fond et qu'il était inimaginable que le régime rwandais plombe encore l'espace politique. Eh bien, non, la dictature rwandaise ne connaît pas de fond. En effet, une nouvelle institution, l'Office rwandais de la gouvernance, créée en 2011, ainsi que la nouvelle loi sur les partis politiques nouvellement adoptée parla Chambredu Sénat, vont se charger de continuer à enfoncer le régime dans un abîme abyssal.

S'agissant de l'enregistrement et de l'agréation des partis, les compétences ont été transférées à une nébuleuse, appelée Office de la gouvernance citée plus haut dont l'indépendance est très contestable et douteuse puisque son mode de désignation ainsi que son contrat de performance relève du pouvoir discrétionnaire du Gouvernement.

Alors que selon l'ancienne loi, les partis politiques annonçaient seulement leur participation aux élections, selon la nouvelle loi, afin de barrer la route aux partis politiques d'opposition, il est question maintenant de demander à l'autorité politique l'autorisation de pouvoir participer aux élections et tenir des réunions publiques. On croit tout simplement rêver.

Les interdictions faites aux partis politiques (articles 20 à 39) reposent sur des critères aussi imprécis que flous tels que : actes divisionnistes, informations pouvant inciter à la division, actes prêtant main forte à l'ennemi, dire la vérité pendant la campagne électorale, éviter des faux contentieux, ternir l'image du Rwanda, déclarations pouvant entraîner toute sorte de discrimination et de division, actes pouvant provoquer la guerre, avoir l'idéologie génocidaire, et cætera. C'est dire que pour n'importe quoi, une formation politique peut se trouver injustement sanctionnée, suspendue ou tout simplement interdite.

Alors que les conditions d'enregistrement des articles 9, 10 et 11 de la loi peuvent être remplies, un parti peut se voir refuser l'agréation de manière arbitraire sans qu'il puisse recourir contre la décision de l'Office de la gouvernance. Ajouter à cela que ce dernier n'a pas l'obligation de justifier sa décision.

Il y a lieu aussi de constater une propension large du pouvoir judiciaire à se mêler des affaires qui relèvent de la gestion interne des partis politiques.

Enfin, s'il faut saluer la participation volontaire au forum des partis politiques, la reconnaissance des partis politiques d'opposition n'est pas non plus acquise.

Pour qui doutait encore de la volonté du pouvoir en place à monopoliser seul la vie publique, et à occuper avec ses partis satellites, tout l'espace politique, la preuve est faite et que les yeux se dessillent.

En conclusion, le parti FDU-Inkingi condamne une loi scélérate adoptée sans consultation dans le seul dessein d'empêcher aux partis politiques d'opposition l'agréation et la compétition pour le suffrage des citoyens.

Empêché déjà à tenir son congrès constitutif pour son enregistrement en tant que parti politique légalement constitué, avec une loi sur les partis en si net recul démocratique et un office de la gouvernance à la botte du régime rwandais, le parti FDU-Inkingi voit se fermer le dernier rideau du pluralisme démocratique au Rwanda. Il continuera à exiger cette ouverture de l'espace politique avec tous les moyens légaux et appelle tous les Rwandais à rester mobilisés pour réclamer leurs droits fondamentaux.

 

Fait à Paris, le 13 mai 2013

Dr Emmanuel MWISENEZA

Commissaire à l'Information et àla Communication

http://www.umuvugizi.com/?p=8223

Impamvu ingabo zigize «UN Intervention Combat Brigade» zizanesha inyeshyamba za M23 n'abazishyigikiye

Indege zitagira umudereva zinyagira Umwanzi

Hashize iminsi inzego z'ubutasi za perezida Kagame zikoresha abagize umutwe w'inyeshyamba za M23 mu gutesha agaciro ibihugu bya Afurika byari byaremeye gutanga ingabo mu rwego rwo gufata mu mugongo izindi ngabo zari zisanzwe zihari zibarizwa mu mutwe wa Monusco hamwe n'iza FARDC kugirango bahashye ingabo za M23 zikomeje kuyogoza igihugu cya Kongo, zibishyigikiwemo na perezida Kagame.

Izo ngabo zikaba zarakunze, mu minsi ishize, kwandikira inteko zishinzwe amategeko za Tanzania hamwe na Afurika y'Epfo, ari na ko bandika inzandiko zigamije guharabika no kugumura abaturage b'ibyo bihugu kugirango barwanye igikorwa cy'ubutwari abaperezida b'ibyo bihugu na bagenzi babo bo muri Malawi na Mozambique bemeje ko ingabo zabo zijya muri Congo kugirango zitabare abaturage bo muri Kongo bakomeje gupfa, bazira amaherere.

Indege zitagira Umudereva zazobereye mu guhashya umwanzi aho yaba yihishe hose cyane mumashamba nkaya Kongo

Politiki yo gukoresha ibitangazamakuru kugirango biteshe agaciro ingabo za «UN Combat Intervention Brigade».

Inzego z'ubutasi za Kagame na none zimaze iminsi zikwirakwiza ibihuha ku mbuga za interineti, ibihuha bigamije gutesha agaciro no kwangisha abaturage ingabo z'umutwe wa «UN Combat Intervention Brigade», bikaba bitangaje kubona inzego z'ubutasi z'u Rwanda, igihugu kivuga ko ari kimwe mu bihugu bigize Akanama ka Loni gashinzwe amahoro ku isi, nyamara ibikorwa by'izo za maneko za Kagame bikaba bihabanye n'amahame agenga uwo muryango, dore ko nta kindi washyiriweho uretse gutabara abaturage bazahajwe n'intambara n'imitwe yitwaye gisirikare.

Kuba u Rwanda rugenda rwigamba hirya no hino mu bitangazamakuru cyangwa ku mbuga zihurirwaho n'abantu benshi nka facebook, izi mbuga zikaba zigenda zikwirakwiza ko umutwe wa M23 ushyigikiwe n'igisirikare cya Kagame, ko uzanarasa wivuye inyuma ingabo za Loni zizwi ku izina rya «UN Combat Intervention Brigade», aho maneko za Kagame zivuga ko ibihugu bigize uwo mutwe ari byo Tanzanya, Afurika y'Epfo, Malawi na Mozambique, ko bidafite ubushobozi bwo kurwanya inyeshyamba za M23, ni nko guta ibitabapfu, dore ko bitunvikana ukuntu M23 n'igisirikare cya Kagame bazanesha uwo mutwe wa Loni ugizwe n'igisirikare giturutse mu bihugu bya Afurika, birangajwe imbere na Loni kugirango batabare abaturage ba Kongo. Bikaba bitumvikana impanvu zituma M23 ibifashijwemo n'igisirikare cya Kagame, bumva ko bazanesha igisirikare cya Loni kinafite ingabo zituruka muri Afurika na zo zamenyereye kurwana no kwitoreza kuri «terrain» imeze nk'iya Kongo.

Ikindi nuko bamaze iminsi bakwirakwiza ibihuha bivuga ko za ndege za Loni zitagira abadereva zitazashobora kurwanira kuri «terrain» ya Kongo kubera imisozi iyigize no kugira ubumenyi bucye cyangwa kwitiranya izo ndege na za helicopter za Monusco na Kongo, dore ko mu bushakashatsi bwakozwe n'Umuvugizi, bugizwe n'amagambo ya Dennis Blair. uwahoze ari maneko mukuru muri Leta Zunze Ubumwe za Amerika, "Former Director of US National Intelligence", yerekanye ubushobozi bw'izi ndege zitagira abadereva "Drones", uburyo zafashije mu kwica inyeshyamba zitwaje intwaro z'aba kardish muri Iraq, izi ndege na none zikaba zarakoreshejwe mu kurwanya imitwe y'intagondwa z'abayisilamu yitwaje intwaro, yabarizwaga mu misozi y'ubutayu bwa Afghanistan.

Na none umwe mu basirikare bakuru b'abafaransa, Adm Edouard Guillaud, uyoboye imirwano yo guhashya imitwe y'intagondwa z'abayisilamu ibarizwa mu misozi y'amajyaruguru ya Mali, afatanyije n'igisirikare cyo muri Chad n'icya Leta ya Mali, yashimye ibikorwa by'indege zitagira abadereva zafashije cyane igisirikare cy'Ubufaransa na Chad kugirango zihashye inyeshyamba z'intagondwa z'abayisilamu zari zarigaruriye ibice binini bya Mali bikungahaye ku bituruka kuri peteroli, ubu kubera uruhare runini rw'igisirikare cy'abafaransa cyagize mu guhashya uwo mwanzi, umutekano uragenda ugaruka muri Mali ari na ko abaturage bari barazahajwe n'iyo ntambara bagenda basubira mu byabo.

Naho ku bijyanye n'imbunda, nkuko M23 imaze iminsi igaragaza imbunda itunze zirasira indege hafi kandi yaba yo cyangwa igisirikare cya Kagame ntabwo twibaza baba bafite imbunda nka AC- 130 gunship cyangwa ibikoresho nka «Long Range Surveillance» bishobora gukengera ibikorwa by'umwanzi aho ari, akaba yanagwa aho ari ataranasatira ku birindiro by'ingabo za «UN Combat Intervention Brigade».

Gusa abahanga mu by'umutekano twavuganye ku byerekeye ko igisirikare cya Kagame kihishe inyuma ya M23 kivuga ko kizahashya igisirikare kiyobowe na Loni harimo n'igisirikare cy'ibindi bihugu bya Afurika, baratubwiye ngo tuzabaze Gen James Kabarebe uko byamugendekeye i Kitona ubwo yanyagirwaga n'ingabo za Angola, akaza gutabarwa na Savimbi. Ikindi nuko yadutangarije ko bibabaje kubona ko perezida Kagame atigishwa n'amateka, dore ko iteka ingoma zishaka guhirima mu karere zikoma igisirikare cya Tanzania, akaba yibaza impamvu perezida Kagame aka kanya yiyibagije ibyabaye kuri Perezida Idi Amin Dada, dore ko icyo gihe yabarizwaga muri maneko z'igisirikare cye cyitwaga "State Research". ubwo Tanzania nanone yanyagiraga umunyagitugu Idis Amin Dada arinabyo byavuyeho ihirima y'ingoma ye .

Gasasira, Sweden.

Byashyizweho na editor on May 9 2013. Filed under Ahabanza, Amakuru Ashyushye,Politiki. You can follow any responses to this entry through the RSS 2.0. You can leave a response or trackback to this entry

Rwanda: Amategeko agenga amatora ashobora kubangamira amashyaka atavuga rumwe n’ubutegetsi

http://igihe.com/amakuru/u-rwanda/article/amategeko-agenga-amatora-ashobora

Amategeko agenga amatora ashobora kubangamira amashyaka atavuga rumwe n'ubutegetsi

Yanditswe kuya 13-05-2013 - Saa 09:05' na Ange de la Victoire Dusabemungu

Mu gihe hasigaye igihe kitarenze amezi ane ngo mu Rwanda habe amatora y'abagize Inteko Ishinga Amategeko, abafite amashyaka atavuga rumwe n'ubutegetsi bakomeje gusaba ko amategeko agenga amatora mu Rwanda yavugururwa kugira ngo hazabeho amatora anyuze mu mucyo.

Muri Nzeri u Rwanda rurinjira mu matora hari itegeko risaba amashyaka ya politiki kwandika asaba uruhushya iminsi itanu mbere yo gukora igikorwa cyo kwiyamamaza cyangwa se kugirana inama n'abanyamuryango bayo.

Itegeko rigenga amashyaka ya politiki ryatowe na Sena muri uku kwezi kwa gatanu 2013 ribuza kandi abanyapolitiki bamaze imyaka irenga itanu bafunzwe kutiyamamariza gutorerwa ubuyobozi runaka mu nzego za Leta.

Frank Habineza, umuyobozi w'Ishyaka ryo kurengera ibidukikije "Democratic Green Party" avuga ko amategeko ariho ubu arusha ubukana ayari asanzweho.

Yagize ati "Amashyaka mbere yasabwaga gutangaza niba agiye gukoresha inama n'abayoboke bayo, ariko ubu ni ukwandikira Guverinoma uyisaba uruhushya rwo kubonana cyangwa kugirana inama n'abanyamuryango."

Aya matora aje mu gihe hakomeje kwibaza uzasimbura Perezida Paul Kagame ubwo manda ye izaba irangiye mu mwaka wa 2017.

Ikinyamakuru The East African kivuga ko impuguke mu bya politiki zisanga aya matora agomba gusiga hari abantu bashoboye batorewe kujya mu Nteko ishinga amategeko bazabasha gushyira mu bikorwa isimburana ry'ubuyobozi mu mwaka wa 2017.

Muri Gashyantare 2013 ni bwo abantu batangiye kwibaza uzasimbura Paul Kagame, ubwo yasabaga abanyamuryango ba FPR Inkotanyi gutangira gutekereza ku matora azaba mu mwaka wa 2017.

Abakurikiranira hafi ibya politiki bavuga ko Perezida Kagame yakwiyamamaza cyangwa atakwiyamamaza byanze bikunze hazabaho ihindurwa ry'itegeko nshinga, ibi bikaba bitazakorwa n'Ishyaka rya FPR ahubwo bikazakorwa n'Inteko ishinga amategeko.

Impuguke zivuga ko ibi bizagerwaho ari uko abagize Inteko nshinga mategeko bazaba bashoboye kandi badafite uruhande runaka babogamiyeho. Amatora y'Abadepite agiye kuba ku nshuro ya gatatu mu myaka 19, FPR Inkotanyi iri ku butegetsi.

Abagize Inteko ishinga mategeko mu Rwanda bashyirwaho n'amashyaka ya Politiki barimo, bitewe n'imyanya ishyaka runaka ryabonye binyuze mu matora. Mu Rwanda hari amashyaka 10 yamaze kwemerwa nk'akorera mu Rwanda, ariko impuguke zikaba zikomeza kuvuga ko yose agendera kuri FPR.

Kuri ubu amashyaka akunze kuvugwa mu bitangazamakuru ko atavuga rumwe n'ubutegetsi ni Ishyaka rya FDU-Inkingi rya Victoire Ingabire Umuhoza, Ishyaka ryo kurengera ibidukikije "Democratic Green Party" rya Frank Habineza, na PS Imberakuri ya Bernard Ntaganda.

Perezida wa Komisiyo y'igihugu y'amatora Prof. Kalisa Mbanda