Kigali ngo ishobora kuba igiye kwibasirwa n’imyigaragambyo simusiga

http://rwanda-in-liberation.blogvie.com/

Kigali ngo ishobora kuba igiye kwibasirwa n'imyigaragambyo simusiga ari nayo ngo izaba intandaro y'irangizwa ry'ubutegetsi bw'igitugu bwa Kagame

janvier 27th, 2013 by rwanda-in-liberation

Hari amakuru amaze iminsi avugwa ko Kigali yaba igiye guhura n'imyigaragambyo simusiga isa n'iyabereye mu bihugu by'Afurika y'Abarabu mu Majyaruguru y'Afurika mu myaka ibiri ishize aho abaturage bo mu bihugu nka Tuniziya, Misiri na Libiya bahagurutse bakirukana abari abayobozi b'ibyo bihugu babashinja cyane cyane gutegekesha igitugu no guhonyanga uburenganzira bw'ikiremwa muntu.

Ibi birego abaturage ba biriya bigihu baregaga abayobozi babo babisangiye n'ubutegetsi bwa leta ya Kagame gusa aho bisa n'aho bitandukanye gato ni uko muri ibyo bihugu ibintu bisa n'ibyatunguranye ubwo abaturage bari barambiwe itotezwa n'ikandamizwa ryabo hakoreshejwe igisirikari bagahaguruka rimwe gusa bagakuraho ubwo butegetsi, mu gihe mu Rwanda ho ibintu byabanje kuvugwa, Kagame akaregwa ibyaha ndetse bikageza n'aho abari bamushyigikiye bamwikuraho.

Muti byaba byaciye mu yihe nzira: iya demokarasi se, iy'intambara se, iyihe?

Aya ni amagambo Kagame yigeze kuvugira I Buruseli mu Bubiligi ubwo yahuraga na diaspora y'u Rwanda agakurira ku murima impunzi zivuga ko ngo zizataha ari uko Kagame atakiri ku butegetsi. Ibyo rero (niba ari byo koko) byatumye Kagame abishongoraho ko ntacyo bazamushoboza kandi koko ikizwi ni uko icyo gihe yati ashygikiwe n'ibihugu bikomeye by'amahanga birimo Ubwongereza na Leta Zunze Ubumwe z'Amerika. Bikaba byaramuhaga icyizere ko ntawe ushobora kumunyeganyeza dore ko n'ubundi ngo uhagarikiwe n'ingwe aravoma.

Nyamara Kagame nyuma y'icyo gihe nta mahoro yigeze agira ku buryo ibintu byagiye bimuhindukana buhoro buhoro kugeza n'ubwo za ngwe yari yishingikirije zitangiye kumwasamira ngo zimumire. Ni nabwo yatangiye imvugo z'ubwihebe kuko nta muperezida ukwiye kujya imbere y'abaturage ngo ababwire ko yiteguye gusubira mu ndaki kandi nta ntambara bigaragara ko arimwo. Aha ni naho abantu bahera bavuga bati Kagame aragiye koko !

I Kigali ngo ibintu biragenda birushaho gushyuha mu butita bw'ubwoba

Amakuru avugwa muri iyi minsi ni uko ngo haba hari imyiteguro y'imyigaragambyo ikaze ku buryo abantu batangiye kwemera ko Kagame ashobora koko kuva ku butegetsi. Ibi ngo biraturuka mu batuye Kigali ndetse no muri zimwe mu nkoramautima (zimwe ni inkoramaraso n'inkoramahano) z'ubutegetsi bw'igitugu bwa Kagame. Ku bw'ubwoba bw'ubutegetsi kandi ngo hatangiye ibikorwa by'ierabwoba ku batavuga rumwe n'ubutegetsi n'abo bakeka ko bashobora gukorana nabo ku buryo bworoshye.

Ayo makuru kandi akomeza avuga impamvu iyo myigaragambyo ishoboka, abazayitabira ndetse n'uburyo izakorwamo kugeza agatsiko kari ku butegetsi kabutaye kakiruka aka Ben Ali wa Tuniziya, kakarekura ubutegetsi aka Hosni Mubarack wa Misiri cyangwa kakameneshwa aka Muammar Kadhafi. Ababikurikirana bemeza ko ibintu bitazaba byoroshye na busa nk'uko FPR ibikeka kuko ngo bizitabirwa n'abantu benshi b'ingeri zose z'ubuzima ku buryo ngo bishobora kuzatungura Kagame atabikekaga nk'uko yirirwa avuga ko abaturage bamukunda n'ubwo azi neza ko banga kumutora abambari bakamushiraho ku ngufu (bamwibira amajwi) ndetse akitabaza n'inzego z'ubutegetsi bwe kugirango zibashe kumvisha abaturage bamusabire ngo guhindura itegeko nshinga ngo akomeze gutegeka ubuzira herezo.

Muti ese ibyo bintu bizagenda bite ? Bizashoboka bite ?

Amakuru avugwa ni uko kugeza ubu gahunda zo gutangiza imyigaragambyo ngo zaba zaratunganijwe ku buryo izego nyinshi z'abantu batuye umujyi wa Kigali bashobora kuzayitabira, emwe n'abatarayikanguriwe ngo bashobora kuzibona bayirimo nk'uko bitangazwa na bamwe mu bari ku isonga muri iyo gahunda. Aha havugwa ko abari mu mashyaka atavuga rumwe n'ubutegetsi bwa Kagame (ni benshi mu buryo leta idashobora kubyibaza) afatanyije n'abakora imirimo yo gutwara abantu n'ibintu, abakora ubucuruzi buciriritse, bamwe mu basezerewe mu ngabo, bamwe mu bakiri mu gisirikari n'abandi bari mu gipolisi hamwe n'abandi bantu bake tutabasha kumenya inzego z'imirimo barimwo, nibo bashobora kuba ngo bazaba bari ku isonga muri iyo myigaragambo.

Amakuru tubona avuga ko iyi myigaragambyo ishobora kuzafata umujyi wose wa Kigali ndetse ngo ishobora no kubera na hamwe mu ntara. Intara ivugwa ko iyo myigaragambyo ishobora kutaba ni Amajyaruguru bitewe ngo n'amateka ya vuba yaharanzwe y'ubwicanyi ndengakamere bwakorewe abahatuye bityo baka ubu basa n'abahahamutse ku buryo na Rucagu ubwe yemera agahamiriza umutima waramezeho urubobi. Mu zindi ntara ngo iyi myigaragambyo ishobora kuzazisatira.

Ngo mu gihe abo twavuze haruguru (twibuke ko hari abapolisi n'abasirikari batagira ingano bamaze kwiyunga kuri opposition ariko rwihishwa kugirango baticwa impanda itaravuga) bazaba bamaze kwigabiza imihanda ya Kigali ngo ubuzima busa n'ubuzahagarara kuko nta bakozi bazaba bakibashije kujya mu mirimo. Ngo Kagame azabanza kubareka ngo adakoma rutenderi ariko nabona ibintu bimurangiriyeho azabashoramo intozo zen go zibamire bunguri kuko azaba yamaze gucika intege nta kundi afite abigenza, icyo gihe ngo nibwo amahanga azahaguruka afatanyije n'ingabo zizaturuka hanze y'igihugu zizaba ziryamiye amajanja maze bavuge ko batabaye kugirango mu Rwanda hatongera kuba jenoside. Icyo gihe abari abasirikari bakuru ba Kagame bazahita batangaza ko bamuvanye ku butegetsi hatangire inzira z'ibiganiro byo gushyiraho ubutegetsi bushya buzaba bufite imbaraga zidasanzwe mu kurangiza burundu ibibazo u Rwanda rufite ubu.

Cyakora aho Kagame azajya ho ntimuhambaze simpazi ndetse n'abazagwa muri ibyo bikorwa nabo ntimubambaze kuko ntazi iminsi bizamara n'imbaraga zizakoreshwa na buri ruhande. Gusa aya makuru niyo twabashije kubona bituma tuyageza ku basomyi bacu kugirango babshe kuba maso ejo batazagubwa gitumo ariko nanone tubibabwiye kugirango buri wese abashe kumva uruhande akwiye kujyamo ubu n'uko akwiye kuzifata muri ibyo bihe. Gusa kujya ku ruhande rwa Kagame abantu babona neza kugeza ubu ko ntaho ahagaze ni nko kwishora mu ruzi urwita ikiziba. Aha turahamagarira abiyita intore ngo birinde ibikorwa by'ubutore-ubuterahamwe byatangiye kubagaragaraho kuko iminsi ishobora kuba isigaye ari mike bakerekezwa mu nkiko kubazwa ibyo barimo gukorera abaturage. Abigize abahimbabinyoma b'ingoma ya Kagame mwibuke ko ejo ari mwe kandi ntaho muzabikwepera kuko mwabikoze mubyemera kandi mubishaka ntimuzitakane Kagame ko ari we wabashutse dore ko abo biyobeye bose ariwe bashyira mu majwi. Muve ibuzimu mujye ibuntu inzira zikigendwa.

Kagame na we afite amahirwe yo kwisubiraho agasubiza agatima impembero naho ubundi nakomeza kunangira umutima azicuza aka Pharaon cyangwa aka mucuti w Kadhaffi yihakanye izuba riva kandi ntawe utazi ko yari yaramushatseho ubucuti ariko nka bwa bundi bw'ingwe ihora igendagenda mu cyanya cy'intare kubera gushaka uko yabona imisigarizwa kuko intare itungwa n'umuhigo (guhiiga mu ishyamba) ifashe ako kanya. Ibisigaye ibita aho ikigendera ingwe nayo ikaba ibonye uwayo muhiigo.

Agapfa kaburiwe ni impongo

Ubwanditsi

Bwana Faustin Twagiramungu yaganiriye na Radio Itahuka | Umunyarwanda

http://www.therwandan.com/ki/bwana-faustin-twagiramungu-yaganiriye-na-radio-itahuka/

Bwana Faustin Twagiramungu yaganiriye na Radio Itahuka

27/01/2013 02:18   Politiki

Kuri uyu wa gatandatu tariki ya 26 Mutarama 2013, Radio Itahuka Ijwi ry'Ihuriro Nyarwanda RNC yagiranye ikiganiro na Bwana Faustin Twagiramungu, wahoze ari Perezida w'ishyaka MDR, Ministre w'intebe hagati ya 1994 na 1995, inararibonye muri politiki akaba na Perezida w'ishyaka RDI Rwanda Rwiza.

Muri iki kiganiro yagiranye n'umunyamakuru w'iyo Radio habajijwe n'ibibazo byinshi bijyanye na politiki ndetse n'inzira yaciye mu bikorwa bye bya politiki n'ibyo ateganya gukora mu minsi iri imbere ariko icyagarutsweho cyane n'uburyo abanyarwanda baharanira ko ibintu byahinduka mu Rwanda bashyira hamwe bakareka gukomeza gutandukanya ingufu zabo.

Ese amagambo yavugiwe muri iki kiganiro yaba ari intambwe ku banyapolitiki ba opposition mu nzira yo kwishyira hamwe?

Tubitege amaso

Mushobora kumva icyo kiganiro hasi hano

00:00

00:00

Urugendo rwo kwifatanya na Madame Ingabire i Buruseli (mu mafoto) | Umunyarwanda

http://www.therwandan.com/ki/urugendo-rwo-kwifatanya-na-madame-ingabire-i-buruseli-mu-mafoto/

Urugendo rwo kwifatanya na Madame Ingabire i Buruseli (mu mafoto)

27/01/2013 01:12   Amakuru

Kuri uyu wa gatandatu tariki ya 26 Mutarama 2013 i Buruseli habaye urugendo rwo kwifatanya na Madame Victoire Ingabire Umuhoza ufungiye mu Rwanda.

Urwo rugendo rwabaye ahagana nyuma ya saa sita rutangirira kuri rond-point Montgomery kugera kuri ambassade y'u Rwanda. Abari mu myigaragambyo basabye ko Madame Ingabire yarekurwa nta mananiza kimwe n'izindi mfungwa za politiki kandi basabye ibihugu ndetse n'imiryango mpuzamahanga kureka gutera inkunga ubutegetsi bwa Perezida Kagame.

Source: ikonderaInfos

Perezida Kagame mu mishyikirano ya rwihishwa na perezida Kabila

http://rwanda-in-liberation.blogvie.com/

Perezida Kagame mu mishyikirano ya rwihishwa na perezida Kabila

janvier 26th, 2013 by rwanda-in-liberation

by Jb Gasasira on Saturday, January 26, 2013 at 1:47pm ·

Amakuru agera ku Umuvugizi aturutse mu nzego z'ubutasi za perezida Kagame, yemeza ko perezida Kagame aherutse kohereza intumwa ye idasanzwe ari yo ambasaderi Gasana Eugene, kujya guhura na perezida Kabila imbona nkubone, amutwariye ubutumwa bwihariye buturutse kuri Kagame ubwe. 

Nkuko maneko za Kagame zibyemeza, ambasaderi Gasana Eugene yavuye muri Amerika igitaraganya ajyanye ubutumwa bwihariye bwa perezida Kagame kw'itariki ya 18 mutarama 2013, aho yaje kwakirwa i Kishansa na perezida wa Kongo, Joseph Kabila.

Ubu butumwa ambasaderi Gasana yari ashyiriye perezida Kabila nta kindi cyari kirimo uretse ko perezida Kagame yashakaga kwihererana Perezida Kabila, nkuko yakunze kubigenza kuva cyera kugirango amushuke yemere gukorana n'inyeshyamba ze za M23, ibi bikaba biri mu rwego rwo kugabanya igitutu ibihugu by'amahanga bikomeje kotsa perezida Kagame, bimusaba guhagarika gufasha izi nyeshyamba za M23, inyeshyamba zikomeje koreka imbaga y'inzirakarengane, zigasiga n'abandi iheruheru, abandi  bakaba bangara hirya no hino mu bihugu bituranye na Kongo-Kinshasa.

Nkuko bamwe muri ba maneko ba Kagame babyemeza, perezida Kabila naramuka yongeye gushukwa na Kagame, akemera ko igihugu kivogerwa n'inyeshyamba za Kagame uko zishakiye, azaba agambaniye igihugu cye, dore ko n'amahanga yose yari amaze kumva ikibazo cy'igihugu cye kijyanye n'umutekano muke uterwa n'umutwe w'inyeshyamba perezida Kagame yishyiriyeho kugirango akomeze awugire ikiraro yambukiraho mu gusahura umutungo kamere wa Kongo-Kinshasa. 

Iyi mishyikirano ya rwihishwa perezida Kagame aherutse koherezamo intumwa ye idasanzwe, ikaba iherutse kuba na none nyuma y'indi yakunze kubera ku mugaragaro i Kampala muri Uganda, aho hari hemejwe ko hashyirwaho umutwe w'ingabo udafite aho uhuriye n'ikibazo cya Kongo, ibihugu bituruka mu muryango wa SADC hamwe na Tanzaniya bikaba byari birimo kwitegura kohereza ingabo zagombaga kunga mu rya Loni, mu rwego rwo gukemura burundu ikibazo cy'umutekano mucye urangwa muri Repubulika Iharanira Demukarasi ya Kongo, uyu mutekano muke ukaba uterwa n'inyeshyamba za perezida Kagame, ziyise M23.

Abakurikiranira hafi ibya politiki bakaba bakomeje kwemeza ko iyi mishyikirano hagati ya perezida Kagame na Kabila nta kindi igamije uretse kumusaba ko yemera ko inyeshyamba ze za M23 zakwemererwa kuvangwa mu ngabo za Kongo (FARDC) cyangwa akemera kumvikana na zo zikagira igice kinini cya Kongo zigenzura, mu rwego rwo kugirango perezida Kagame akomeze kubona icyanzu asesereramo mu gusahura umutungo kamere wa Kongo, nta we umukomye mu nkokora.

Perezida Kabila akaba arimo kurohwa na Perezida Kagame mu gihe Akanama ka Loni gashinzwe umutekano kari kamaze kumva neza ikibazo cy'umutekano mucye urangwa muri Kongo, ku buryo ibihugu by'ibihagange kw'isi byari bimaze kwemeza ko hoherezwa indege zitagira abaderevu, zagombaga kugenzura imipaka ya Kongo hamwe no kubona amakuru ku birindiro by'umwanzi utera Kongo muri iki gihe.

Minisitiri wa Suwede ushinzwe Iterambere n'Ubutwererane, Gunilla Carlsson, akaba na we yari aherutse kugirana ibiganiro byihariye n'abayobozi ba Uganda, Kongo ndetse n'u Rwanda, urwo rugendo rukaba nta kindi rwari rugamije uretse gushakira hamwe umuti wacyemura burundu ikibazo cy'umutekano mucye ukomeje kurangwa muri Kongo-Kinshasa. Nyuma y'ibi biganiro, madamu Carlsson akaba yarashyikirije ubutumwa bwihariye ku Rwanda, asaba abayobozi barwo kurekeraho gutera inkunga umutwe w'inyeshyamba za M23, umutwe ukomeje koreka imbaga y'inzirakarengane z'abasiviri, abandi bagakwirwa imishwaro mu bihugu bituranye na Repubulika Iharanira Demukarasi ya Kongo.

Gasasira, Sweden. 

Rwanda in Liberation Process

Ubwanditsi

 

Posted in Politique | Réagir »

Leta y’u Rwanda irimo irakoresha uko ishoboye ngo ibangamire iperereza ku ihanurwa ry’indege ya Perezida Habyalimana | Umunyarwanda

http://www.therwandan.com/ki/leta-yu-rwanda-irimo-irakoresha-uko-ishoboye-ngo-ibangamire-iperereza-ku-ihanurwa-ryindege-ya-perezida-habyalimana/

Leta y'u Rwanda irimo irakoresha uko ishoboye ngo ibangamire iperereza ku ihanurwa ry'indege ya Perezida Habyalimana

25/01/2013 00:25   Amakuru

Leta y'u Rwanda imaze iminsi ikoresha uburyo bwose bushoboka ngo ibangamire iperereza ku ihanurwa ry'indege yari itwaye Perezida Habyalimana, amayeri ikoresha cyane ni ugukwiza ibihuha ikoresheje abanyamakuru cyane cyane b'abafaransa iha akayabo ikoresheje abayiburanira, ibyo bikorwa bigamije kuyobya iperereza ndetse no gushyira igitutu ku bategetsi b'abafaransa babashinja uruhare muri jenoside yo mu 1994 kugira ngo babe baburizamo iperereza ririmo gukorwa batinya gukomeza gushyirwa mu majwi.

Muti byifashe bite?

Nyuma y'aho mu ntangiriro za 2012 ababuranira Leta y'u Rwanda, Me Bernard Maingain na bagenzi be bafatanije n'ibitangazamakuru byo mu Bufaransa baciriye igikuba bagamije kwerekana ko iperereza ry'uwahanuye indege yari itwaye Perezida Habyalimana ryarangiye ryemeje ko yahanuwe na bamwe bo mu ngabo ze, ibyo bakaba barabivuze bitwaje imwe mu myanzuro y'agateganyo y'umucamanza Marc Trévidic yavugaga ko agasozi ka Kanombe kubatseho ikigo cya gisirikare kari mu hantu 6 hakekwa kuba hararasiwe iyo ndege, abantu benshi bamaganye iyo myanzuro ihutiyeho ababuranira Leta y'u Rwanda bashakaga gukoresha ngo bakubirane basabe ko abo baburanira bareka gukomeza gukurikiranwa, ndetse n'ababuranira imiryango y'abaguye muri iyo ndege basabye ko bimwe mu iperereza bitakozwe neza byasubirwamo, ibyo byose byatumye ibyo Leta y'u Rwanda yibwiraga ko iyo dosiye ibaye igiye ku ruhande biba impfa busa.

Ubu Leta y'u Rwanda ikoresheje abayiburanira nka Me Bernard Maingain, Me Léon-Lef Forster n'abandi ubu barimo gukoresha abanyamakuru b'ibitangazamakuru bikomeye byo mu bufaransa mu kugerageza guca igikuba no gushyira igitutu kuri Leta y'u Bufaransa bavangitiranya ikintu cyose gifite aho gihuriye n'ubutegetsi bwa Habyalimana,  ibihuha, impapuro mpimbano, jenoside n'ibindi byose bishobora gutuma ari abasoma ibinyamakuru, ari abacamanza, ari Leta y'u Bufaransa n'abandi bose barebwa n'icyo kibazo babe barangazwa n'ibyo bikabyo bivanze n'ibihuha tutaretse n'icyokere bigamije ahanini kubangamira imigendekere myiza y'iperereza rikorwa n'umucamanza Marc Trévidic.

Umuntu akaba yakwibaza igitera Leta y'u Rwanda gutanga akayabo k'amafaranga mu kugura abanyamakuru b'ibinyamakuru byo mu Bufaransa niba abayobozi bayo bazi neza ko ari abere nta ruhare bagize mu ihanurwa ry'iriya ndege.

Nta munsi w'ubusa ushira ibinyamakuru nka Libération, Le Parisien, Jeune Afrique n'ibindi bidatangaje inyandiko akenshi uba ubona ko zigamije gushyira igitutu kuri Leta y'u Bufaransa, no ku bacamanza bakora iperereza aho kubareka ngo bakore akazi kabo.

Dushobora gufata ingero 3 zimaze iminsi zigaragaye muri ibyo binyamakuru, aho usanga hakoreshwa ingufu nyinshi mu kwibasira igihugu cy'u Bufaransa ku buryo nta gushidikanya haba hagamijwe gutera imbabazi hitwajwe jenoside hagamijwe gukingira ikiba Leta ya FPR iri ku butegetsi mu Rwanda.

1. Urugero rwa mbere n'inyandiko yasohotse mu Kinyamakuru Libération mu mpera z'ukwezi kwa Gicurasi 2012, umunyamakuru Maria Malagardis bizwi ko ari mu kwaha kwa Leta ya Kigali mu nyandiko atangira asa nkaho arimo avugira FPR, yemeje ko hari inyandiko umunyamakuru w'umwongerezakazi Linda Melvern yabonye mu bubiko bw'umuryango w'abibumbye ngo "ku buryo atari yiteze" (hasard) yerekana ko Leta y'u Rwanda ya mbere ya 1994 yari itunze ibisasu byo mu bwoko bwa missiles Mistral 15 byakorewe mu Bufaransa bitari byemewe gucuruzwa. Iyo nyandiko yashyuhije benshi imitwe n'ubwo bwose abacamanza b'abafaransa bo bemeje ko indege yarashwe n'ibisasu bya Missiles SA 16 byakorewe mu gihugu cy'Uburusiya ndetse iyo nyandiko urukiko rw'Arusha n'abahoze ari abakuru ba MINUAR bayiteye utwatsi.

2. Urugero rwa kabiri n'ibyatangajwe ku ya 10 Mutarama 2013 na none n'umunyamakuru w'ikinyamakuru Libération, Maria Malagardis ku bijyanye n'urupfu rw'abasirikare 2 b'abafaransa René Maier, Alain Didot n'umugore we Gilda bishwe muri Mata 1994. Aho yemeza ko abo basirikare b'abafaransa bishwe kuko bari bazi amabanga y'ihanurwa ry'indege ya Perezida Habyalimana bitewe n'uko bagishaga ingabo za kera z'u Rwanda ibijyanye n'itumanaho bityo ngo bakaba bashobora kuba barumvise amakuru ajyanye n'ihanurwa ry'indege. Uyu munyamakuru abivuga ngo yisunze inyandiko mvugo yashoboye gusoma i Kigali n'urwandiko rwemeza ko abo bafaransa bapfuye rwanditseho ko bapfuye tariki ya 6 mata 1994 bivugwa ko ari uruhimbano kuko bishwe tariki ya 8 Mata 1994 n'uvugwa ko yarushyizeho umukono akaba abihakana. Kuba hari ibintu bimwe bidasobanutse mu rupfu rw'aba bafaransa byatumye uyu munyamakuru Malagardis abyuririraho ashaka kwemeza ko Leta y'u Bufaransa n'ingabo zahoze ari iz'u Rwanda aribo bishe aba bafaransa ariko akirengagiza ko igihe bicwaga agace bari batuyemo kari mu maboko y'ingabo za FPR ndetse ko hari n'abari bahungiye mu rugo rw'aba bafaransa bahagaze kuri ubwo bwicanyi baba mu gihugu cy'u Bufaransa.

3. Urugero rwa gatatu n'inyandiko ngo zitwa ko "zihambaye" ngo zabonywe n'ikinyamakuru Le Parisien ngo zerekana ko umugabo witwa Paul Barril wahoze akuriye urwego rwa jandarumori rwitwa Groupe d'intervention de la gendarmerie nationale (GIGN) afite aho ahuriye na jenoside ndetse n'ihanurwa ry'indege ya Perezida Habyalimana. Igisekeje n'uko muri izo nyandiko ngo simusiga harimo inyandiko yo mu 1989 y'imbanzirizabuguzi (factures pro-forma) isosiyete y'uwo mugabo yari yoherereje Colonel BEM Athanase Gasake wo mu ngabo za kera hakaba muri iyo nyandiko hagaragaramo ibikoresho bishinzwe gusaka ibirwanisho n'ibindi bijyanye n'umutekano, umuntu akibaza niba Leta ya Nyakwigendera Perezida Habyalimana kuba yarifuzaga kugura ibikoresho byo gusaka abitwaje ibirwanisho hari aho bihuriye n'ihanurwa ry'indege cyangwa na jenoside. Ikindi kibazwaho na benshi ni agaciro gakomeye gahabwa izo mpapuro n'uyu munyamakuru mu gihe bigaragara ko ibyavugwagamo byari ibyifuzo bitigeze bijya mu bikorwa kandi bikaba ntaho bihuriye n'ihanurwa ry'indege ya Perezida Habyalimana umucamanza Trévidic akoraho iperereza.

Izo nyandiko ngo zitwa ko ari simusiga zigaragaramo amakosa menshi y'imyandikire ndetse n'ibiciro ngo by'ibikoresho bya gisirikare byagombaga kugurwa usanga ntaho bihuriye n'ukuri ku buryo umuntu atabura gukemanga umwimerere w'izo nyandiko.

Uko bigaragara Leta y'u Rwanda irimo kurwana inkundura aho akantu kose iguyeho gashobora kuyobya abacamanza cyangwa abantu muri rusange igasimbukiraho ikakagira ikimenyetso simusiga idasize no kwibasira igihugu cy'u Bufaransa kugira ngo irebe ko iminsi yakwicuma. Ikibabaje n'uko ibi byose bitwara akayabo Leta y'u Rwanda mu gihe tuzi ko iri mu bibazo by'ubukungu bitayoroheye bijyanye n'intambara yishoyemo muri Congo.

Ese abanyarwanda n'abanyarwandakazi basabwa gushyira amafaranga mu kigega agaciro batitangiriye itama, baba bazi ko atagamije iterambere ahubwo ari ayo guhemba ba Andrew Mwenda, Maria Malagardis, n'ibinyamakuru nka Jeune Afrique bizwi ko bifite uburambe mu kurya ruswa y'abanyagitugu bo muri Afrika?

Marc Matabaro

Olivier Nduhungirehe na we arivuguruje...

http://rwanda-in-liberation.blogvie.com/2013/01/26/leta-ya-kagame-mbere-yo-guhwera-irasambagurika-uwungirije-uhagarariye-iyo-leta-muri-loni-olivier-nduhungirehe-na-we-arivuguruje/

Leta ya Kagame mbere yo guhwera irasambagurika: Uwungirije uhagarariye iyo leta muri Loni Olivier Nduhungirehe na we arivuguruje

Posted by rwanda-in-liberation on janvier 26th, 2013

Nk'uko twabibabwiye mu nkuru duherutse kubagezaho yagiraga iti: Hagati y'u Rwanda n'Ubufaransa haranuka urunturuntu: Paul Kagame na leta ye bongeye kwikoma leta y'Ubufaransa mu gihe Loni yafashe icyemezo cyo kohereza indege z'ubutasi mu burasirazuba bwa Kongo aho Kagame aregwa kongera gucengeza ingabo mu nyeshyamba za M23. Mu gace twavuze ko "Leta ya Kagame yananiwe guhangana na Loni itangira guhuzagurika no kwivuguruza" twagize tuti: Igihe uhagarariye ingabo za Loni ziri muri Kongo MonuscoRoger Meece yandikiraga akanama ka Loni gashinjwe amahoro ku isi asaba indege eshatu kabuhariwe mu gutara amakuru zidatwarwa n'abaderevu bikanashimangirwa n'umunyamabanga wa Loni wungirije ushinzwe ibyo kubungabunga amahoro Hervé Ladsous, leta ya Kagame mu ijwi ry'uwungirije uhagarariye u Rwanda muri Loni Olivier Nduhungirehe, yatangaje ko uwo mugambi leta ya Kagame itawemera kandi ko, nk'igihugu gihagarariye ibindi bihugu bya Afurika mu kanama ka Loni gashinzwe umutekano ku isi mu buryo budahoraho, izabangamira uwo mugambi kuko ngo batemera ko Loni iza kugeragereza muri Afurika intwaro zayo ngo kuko Afurika atari labotatwari ubonetse wese aza kugeragerezamo ibyo yishakiye. Bwarakeye minisitiri w'ububanyi n'amahanga Louise Mushikiwabo na we abitangariza mugenzi we minisitiri w'ububanyi n'amahanga wa Koreya y'Epfo Kim Sung Hwan.

Twanaberetse uko leta ya Kagame irimo guhuzagurika muri iyi minsi binagaragaza ko abitwa ko bayivugira bose bamaze guta umutwe ku buryo batakimenya n'ibyo babeshya umwe akaba asigaye avuga ibimujemo  bwacya undi bikaba uko nk'aho twagize tuti: Nk'uko bisanzwe bigenda ariko iyo leta ya Kagame igeze mu bibazo by'isobe umwe avuga iki undi bugacya akivuguruza, Kagame mu kiganiro n'abanyamakuru kuri 21 Mutarama 2013 avuga ko nta kibazo leta ye ifite kuri Loni ku ikoreshwa ry'indege z'ubutasi mu burasirazuba bwa Kongo …

Nyuma y'iyi nkuru radiyo BBC Gahuza ku italiki 25 Mutarama mu makuru y'umugoroba yabajije Olivier Nduhungirehe impamvu leta ya Kigali yivuguruje ariko ibyo yashubije ni agahomamunwa kuri iyi leta. Yagize ati: Twebwe nk'u Rwanda ntabwo twigeze twanga ikoreshwa rya drone muri Monusco. Icyo twavugaga ni uko icyo cyemezo cyakwitonderwa, hakabanza hagakorwa inyigo igaragaza ingaruka z'ikoreshwa rya drone mu byerekeye amategeko, mu byerekeye tekinike n'ibyerekeye ingengo y'imari. Rero icyo twavuze mu nama twagize kuwa gatanu ushize ku italiki ya 18 nyuma y'imishyikirano twagize n'abari bashyigikiye ko drone zihita zikoreshwa muri Monusco, twaravuze turi kumwe naaa n'ibindi bihugu nk'Uburusiya, Ubushinwa, y'uko izo drone niba koko Monusco ishaka kuzikoresha muri Kongo babikora mu rwego rw'agateganyo. Mu cyongereza on trying basis.

Umunyamakuru amubajije niba impungenge z'imikoreshereze z'izo drones bari bafite zashize cyangwa niba hari icyo babijeje, Nduhungirehe yagize ati: Iki kibazo uko cyatangiye nta n'ubwo ari n'u Rwanda rwari rwakanagiye muri aka kanama k'Umuryango w'Abibumbye, kuko Uburusiya nibwooo butabyishimiye bushyigikiwe n'Afrika y'Epfo yaje gusimburwa n'u Rwanda n'ibindi bihugu navuze kare. Rero twagiranye inama nyinshi na department y'Umuryango w'Abibumbye ishinzwe peacekeeping operation tubaza ibibazo baradusibza, ibyo twaje kumvikanaho na biriya bihugu bishyigikiye ikoreshwa rya drone ni uko babikoresha mu rwego rw'agateganyo niba koko bumva ari cyo cyagarura amahoro muri Kongo. Kuko ikibazo cy'u Rwanda ntabwo ari ikibazo cya Kongo. Ni ikibazo cya drone ubwazo kuzikoresha muri peacekeeping operation.

Umunyamakuru amubwiye ko ikoreshwa rya drones byagirira akamaro u Rwanda kuko ruhakana ko nta basirikari rwohereza muri Kongo ngo byakwerekana neza ko ibyo u Rwanda ruvuga ari byo Nduhungirehe yagize ati: Nk'uko nabivuze kare, twebwe rwose ntabwo dushobora guhindura igitekerezo cyacu kuri ziriya drone ngo ni uko byatubangamira cyangwa byatugirira akamaro. Ni icyemezo de principe kandi dusangiye n'ibindi bihugu non alined movement.

Umunyamakuru yashoje amubaza impamvu icyo cyemezo abategetsi b'u Rwanda batakivugaho rumwe nk'aho perezida aherutse kubwira abanyamakuru ko icyo cyemezo ntacyo gitwaye u Rwanda Nduhungirehe yagize ati : Kuvugako abayobozi b'u Rwanda batabivugaho rumwe ibyo ntabwo ari byooo, kuko nk'uko twabivuze mu kanama k'umutekano k'Umuryango w'Abibumbye, ibyo twavuze byasubiwemo na nyakubahwa minisitiri w'intebe, bisubirwamo na nyakubahwa minisitiri w'ububanyi n'amahanga ; rero icyo tuvuga twese ni kimwe. Ntabwo tudashyigikiye ko izo drone zikoreshwa muri Monusco. Ntabwo ikibazo ari icyo ngicyo. Nta n'ahantu bihuriye na Kongo. Ikibazo ni cya kibazo de principe navuze. Niba Monusco yumva ko izo drone arizo zagarura amahoro muri Kongo nta kibazo dufite bazikoreshe.

Mu by'ukuri ibi Nduhungirehe avuga ni ibitabapfu. Kuvuga ngo ni Uburusiya na Afrika y'Epfo byanze icyo cyemezo ni ibitwenge ku muntu wiyumviye Nduhungirehe ubwe avuga ko icyo cyemezo batazacyemera ko bazakibangamira. Ngo ntabwo badashyigikiye ko drones zikoreshwa na Monusco kandi twese tuzi uburyo ba minisitiri bombi na Nduhungirehe ubwe bamaganye bivuye inyuma ikoreshwa rya drones ariko nyuma Kagame akaza kwemeza ko ntacyo bitwaye. Nonese Nduhungirehe aravuga ko ibyo yavuze ari nabyo ba minisitiri basubiyemo noneho Kagame akaba ariwe wavuze ibindi ? Aha rwose biragaragara ko ibi ari ibitabapfu niba Nduhungirehe ashaka kuvuga ko we na ba minisitiri bavuze bimwe naho shebuja Kagame akaba yaravuze ibindi kuko tuzi ibyo abo bose bavuze.

Mwumvise kandi ko noneho bahinduye tekiniki bakabwira M23 i Kampala ngo batangire umukino wo kuvuga ko ibiganiro bigenda neza kandi twese tuzi ko byananiranye birirwa baharira bukira bugacya kugeza n'ubwo bashaka guhagarika ibiganiro ngo umuhuza arabogamye. Mbese ubundi ibyo biganiro barabihagarika ngo bajye he ko ariho basigaye nk'uko twabibabwiye ?  Ubu nta yandi mahitamo bafite uretse gukomeza bagata igihe i Kampala ngo bari mu mishyikirano ya nyirarureshwa nka ya yindi y'i Arusha nk'uko twabibabwiye. Kagame yibeshye aho agomba kunyura kuko ubwaho harazwi : nahamagaze abatavuga rumwe n'ubutegetsi bwe baganire inzira zikigendwa naho ubundi karamudereranye. Kagame rero ntazanyitakane ngo sinamubwiye ngo anture agahinda naramuhannye akanaga ijosi aka Nyiramaliza n'Impala.

Nguko rero uko leta ya Kagame isigaye yarataye umutwe ikaba isigaye ivuga ibiterekeranye. Ibi nibyo bibanziriza irangira ryayo nk'uko twabibabwiye kuva na kera na kare ko iyi leta igeze mu mayirabiri ikaba ishigaje kwihirika kumuteremuko. Ibindi birimo kwerekeza ku irangira ry'iyi ngoma tuzabibagezaho mu minsi ya vuba turacyakusanya andi makuru ajyanye nabyo tuzayabaramburira mu minsi itarambiranye naho ubundi uwapfuye yarihuse atabonye aho leta ya Kagame ita ibitabapfu.

Ubwanditsi

Bruxelles 26 Janvier 2013: Marche de soutien à Mme Victoire Ingabire

http://www.facebook.com/notes/victoire-ingabire-umuhoza/bruxelles-26-janvier-2013-marche-de-soutien-%C3%A0-mme-victoire-ingabire-3-ans-apr%C3%A8s-/10151259148103423 Bruxelles 26 Janvier 2013: Marche de soutien à Mme Victoire Ingabire, 3 ans après son retour au Rwanda. BRUXELLES LE 26 JANVIER 2013 Marche de soutien à Mme Victoire INGABIRE Présidente des FDU-INKINGI,3 ans après son retour au Rwanda.   Heure:  De 13h00 à 17h00   Adresse:   Rassemblement au Rond Point / Metro Montgomery - Marche jusqu'à l'Ambassade du Rwanda, Avenue des Fleurs nr 1, à 1150 Bruxelles.   Objet: Marquer le 3ème anniversaire de l'arrivée au Rwanda de Mme Victoire INGABIRE UMUHOZA. S'associer à son combat politique et judiciaire après sa condamnation à 8 ans de prison par le pouvoir de Kigali. Exiger la libération sans condition de tous les autres prisonniers Politiques. Venez nombreux, arborant vos foulards pour participer à cet événement et réclamer vos DROITS.   Organisateur responsable :   FDU-INKINGI - Contact : J. Bukeye +32478973762     Marche de soutien à Mme Victoire INGABIRE