CLIIR: ITANGAZO KU BIHERUTSE KUVUGWA MU NAMA YO KUWA 30 KAMENA 2013 YAHUJE PAUL KAGAME N’URUBYIRUKO RW’U RWANDA

http://www.cliir.org/detail/itangazo-ku-biherutse-kuvugwa-mu-nama-yo-kuwa-30-kamena-2013-yahuje-paul-kagame-nurubyiruko-rwu-rw.html

ITANGAZO KU BIHERUTSE KUVUGWA MU NAMA YO KUWA 30 KAMENA 2013 YAHUJE Paul Kagame N'URUBYIRUKO RW'U RWANDA

04.07.2013

Umuryango CLIIR (Ikigo kirwanya umuco wo kudahana no kurenganya mu Rwanda) wamaganye byimazeyo, ibyavugiwe mu Inama  yateguwe na Minisiteri y'urubyiruko ifatanije n'umuryango Imbuto Foundation uyoborwa na Jeanette Kagame, umufasha w'umukuru w'iguhugu cy'u Rwanda.

Umuryango CLIIR, ntabwo wishimiye namba, ibyavugiwe muri iyo nama yahuje urubyiruko n'umukuru w'igihugu nyakubahwa Paul Kagame. Kuko ibyayivugiwemo byari bigizwe n'amagambo akarishye yuzuye ikinyoma, ubushotoranyi n'agasuzuguro ku banyarwanda b'ingeri zose bumva igihugu cyabo cyayoborwa mu buryo bwa Demokarasi isesuye, izira igitugu n'akarengane, urugomo n'ikinyoma.

Muri iyo nama umukuru w'igihugu, Paul Kagame, yongeye kwihanukira ahimbira ibyaha abatavuga rumwe n'ubutegetsi bwa Leta ayoboye, ataretse no kongera kwikoma mu magambo akarishye abo aribo bose bashaka kwimakaza UKURI, UBUTABERA, amahoro ; ubumwe n'ubwiyunge ku banyarwanda no mu karere k'ibiyaga bigari muri rusange.

Byumwihariko umuryango CLIIR wamaganye igikorwa kigayitse cyakozwe  nk'umuhango wo kwihana ibyaha, ibyo bikozwe n'abana bamwe bo mu rubyiruko rw'Abahutu batoranijwe bakemezwa ko bagomba kwihana bakanasaba imbabazi kandi bakabikora mu izina ry'ubwoko bw'Abahutu, nkuko mw'ijambo rye, Perezida Kagame nk'umukuru w'igihugu, yaramaze kubibakangurira. Nabo nk'urubyiruko rw'Abahutu bakabikora batabanje kureba ingaruka za hafi cyagwa za kure zuwo muhango. Twibutse ko Leta ya Perezida Kagame itahwemye kwibasira abanyeshuri b'abahutu ibashinja kurangwa no gukwirakwiza « ingengabitekerezo ya jenoside » mu bigo byinshi by'amashuri. Guhera muri 2004, hafunzwe abanyeshuri n'abarimu benshi bakomoka mu bwoko bw'abahutu bazira icyo cyuka cy'uko abana n'abarezi b'abahutu batozwa kandi bakwirakwiza iyo ingengabitekerezo mu mashuli no mu gihugu. Bityo, umwana w'umuhutu akazajya ahohoterwa, igihe icyo aricyo cyose, ashinjwa kuba yaravukanye cyangwa yaratojwe n'abarezi be cyangwa ababyeyi be « ingengabitekerezo ya jenoside ». Iryo honyorabahutu rigashimangirwa mu gihe abaregwa ubwicanyi mu ngabo n'abakada ba FPR-Inkotanyi badahwema kongererwa AMAPETI mu gisirikare no kuzamurwa mu ntera mu butegetsi bwa Leta ya Perezida Paul Kagame.

Aha twakwibutsa ko umukuru w'igihugu Paul Kagame we ubwe, muri iyo nama, yari yaciriye urubyiruko amarenga avuga ko we hagize umwitakana ko yishe abantu ahawe amategeko na Perezida Kagame, ko we ubwe atazuyaza kumwihakana. Birababaje kuba we cyangwa abamwungirije barahatiye urubyiruko kwirega no kwihana ibyaha mu izina ry'Abahutu. Biragaragara ko nta mahoro yifuriza urwo Rubyiruko, mu gihe arutegeka gukora ibyo we atakwihanganira gukora. Ni ukuvuga ko yateguye kandi yategetse urwo rubyiruko kwikorera UMUSARABA w'icyaha cya GENOCIDE kandi ubwo bwicanyi bwarabaye bamwe muri urwo Rubyiruko bakiri bato cyangwa bataravuka.

Umuryango CLIIR wongeye kwibutsa ko icyaha ari gatozi, uwakoze ibyaha agomba kubisabira imbabazi ku giti cye byaba ngombwa ko abihanirwa akabihanirwa ku giti cye kandi ibyo bigakorwa mu butabera busesuye ntawe urenganijwe nkuko byagiye bibaragara mu manza z'ikinamico zaciwe n'inkiko gacaca. Twibutse ko za gacaca zagizwe igikoresho cyo guhonyora abahutu b'inzirakarengane bari bararokotse ubwicanyi bw'ingabo z'inkotanyi no gufungirwa ubusa bagapfira cyangwa bakaborera muri za gereza.

Umuryango CLIIR wongeye kwibutsa abayobozi n'abanyarwanda muri rusange, ko bakwitondera kuyobya urubyiruko barushora mu (bitabafitiye akamaro) bitabahaye rwamugambi no mu bikorwa by'ubugizi bwa nabi, CLIIR iboneyeho no gukangurira nanone urubyiruko, kudakurikira ababayobya kuko aribo rwanda rw'ejo, akaba ntawundi mugabane (Munani) urubyiruko rufite atari u Rwanda rwabo bagomba kubungabunga barushakira amahoro, ubumwe, amajyambere n'ubwiyunge birambye. Ibyo kubigeraho bakaba bagomba kugendera ku mateka y'u Rwanda mazima ; atagoramye ;kandi bakirinda abashaka kubafatirana bayagoreka ari nako bashaka kubahanaguramo amateka  nyayo y'ukuri.

 

Bikorewe i Buruseli kuwa 4 Nyakanga 2013

 

Joseph MATATA, umuhuzabikorwa wa CLIIR 

- See more at: http://www.cliir.org/detail/itangazo-ku-biherutse-kuvugwa-mu-nama-yo-kuwa-30-kamena-2013-yahuje-paul-kagame-nurubyiruko-rwu-rw.html#sthash.8G3al0At.dpuf

Fw: *DHR* Uruhare rwa Paul KAGAME muri génocide (par Radio Itahuka)

 

http://www.blogtalkradio.com/radioitahuka/2013/04/20/paul-kagame-agomba-kwemera-ko-yagize-uruhare-muri-genocide

HOST: SERGE NDAYIZEYE

GUESS: JACKSON MUNYERAGWE

TOPIC: PRESIDENT PAUL KAGAME AGOMBA KWEMERERA ABACITSE KWICUMU RYA GENOCIDE YAKOREWE ABATUSTI KO NAWE YABIGIZEMO URUHARE.

IBI BYOSE TURABISANGA MW'ITANGAZO IHURIRO RY'INYABUTATU NYARWANDA "RPRK"RIHARANIRA GUSUBIZAHO UBWAMI BUGENDERA KW'ITEGEKONSHA MU RWANDA RYASHYIZE AHAGARAGARA MURI IKI GIHE TWIBUKA KUNSHURO YA 19 GENOCIDE YAKOREWE ABATUTSI

 

 

Paul Kagame yatangaje ko ateganya kwica na Perezida KIKWETE wa Tanzaniya !

http://leprophete.fr/news.php?id=220

DISIKURU Y'URUKOZASONI : Paul Kagame yatangaje ko ateganya kwica na Perezida KIKWETE wa Tanzaniya !

Parution: Tuesday 2 July 2013, 20:51 

Par:Padiri Thomas Nahimana 

Taliki ya 30/6/2013, aho kwizihiza isabukuru y'ubwigenge bw'u Rwanda, Perezida Paul Kagame yavuze ijambo rikwiye kwitabwaho, rigasesengurwa, rikamaganwa n'abantu bose bashyira mu gaciro. Iryo jambo yaribwiye urubyiruko rwari mu Ihuriro ryiswe « Youth Konnect » ryateguwe  mu buryo bw'igitaraganya, ku bufatanye bw'ishyirahamwe Imbuto Foundation ya Madame Jeannette Kagame na Ministeri y'urubyiruko. Ngo ryitabiriwe n'urubyiruko rubarirwa hagati ya 800 n'1000.

 

Ni ubuhe butumwa Kagame yashakaga gutambutsa ?

 

Nk'uko bisanzwe, iyo Perezida Kagame ateruye  Disikuru, umenya aho atangiririra ariko na we ubwe ntaba azi aho aza gusozereza ! Gusa, n'iyo yabanza kuzenguruka bigatinda, amaherezo agusha ku ntego ! Niyo mpamvu muri iyi nyandiko ngufi tugiye kugerageza guhandura muri menshi yahavugiye,« message » y'ingenzi yashakaga gutanga, twerekane  n'abo yari igenewe !

 

1. « Muri ubu bwenge bw'urubyiruko turashyiramo iki ? »

 

Iki ni ikibazo Kagame ubwe yibajije ku munota wa 7 wa disikuru ye ! Nk'uko yakomeje abisobanura, iri huriro ryari ryateguriwe KOZA UMUTWE w 'urubyiruko no kubacengezamo ingengabitekerezo ijyanye n'ibihe bikomeye ubutegetsi bw'Agatsiko  burimo !

 

Agatsiko kamaze kubona ko urubyiruko « rufite inzara, ku mubiri no mu bwonko », bityo kakaba kiteze ko ibikorwa by'uru rubyiruko rushonje  bishobora kuba bigiye kwigaragaza. Kagame n'abe baratinya ko urubyiruko rumaze imyaka 20 ruvangurwa kandi rukorerwa akarengane gakabije (kwimwa akazi, kwicishwa inzara, kuvutswa kwiga kubera kwimwa buruse- inguzanyo n'imfashanyo) rushobora kwivumbura, rugatangira ya Revolisiyo imaze iminsi ivugwa. Niyo mpamvu Agatsiko kahisemo kurutumira hagamijwe KURUTERA UBWOBA, hifashishijwe kurugerekaho umuzigo w'amateka rutagizemo uruhare !

 

2. Amateka y'u Rwanda atangirira kandi akagarukira kuri jenoside yakorewe Abatutsi ?

 

Mu isomo Paul Kagame yahaye urubyiruko, yari agamije  kurwumvisha ko amateka y'u Rwanda  ahiniye muri iyi « formule » :

 

Abahutu  BOSE ni  Interahamwe z'abicanyi ; Repubulika ya mbere n'iya kabiri(1959-1994) ntizabayeho, icyo gihe u rwanda ntirwari ruriho ; kuva babaho Abahutu nta kindi bakoze uretse gutsemba Abatutsi ; niyo mpamvu umwana uvuka ku bajenosideri na we aba ari umujenosideri ! Bityo rero n'utarakoze icyaha ku giti cye akaba agomba kugenda yubitse umutwe nk'igihwagari,  agahora abundabunda,ntacogore gukoma amashyi, gusaba imbabazi z'ibyaha byakozwe n'abasokuruza be ! « Kuba twemera Umuhutu nk'umunyarwanda, abikesha gusa IMPUHWE tumugirira » !

 

Ku rundi ruhande, Abatutsi nka Kagame nibo Rwanda, nibo baremye u Rwanda  kandi ni  ABAMALAYIKA nta muhutu n'umwe bigeze kugirira nabi ; ntibigeze kwihorera kuko nyine ari abatagatifu !  Nta n'umwe muri bo ukwiye gusaba Abahutu imbabazi !

 

Twibaze kandi twisubize :

 

Ese ko urubyiruko rwari rumaze imyaka itari mike rwigishwa ko bose ari Abanyarwanda, ko nta moko abaho , aya moko y'Abahutu ,Abatutsi n'Abatwa , Perezida Kagame yayavuze ayakuye he ? Ni irihe somo yashakaga gutanga ?

 

Abashaka kumva, nibamenye ko ubutegetsi bwa Kagame bwemeza ko nta moko abaho iyo bushaka KWIKUBIRA ibyiza by'igihugu ! Icyo gihe hasigara ubwoko bumwe gusa bw'ABATUTSI bwanditse mu Itegeko Nshinga, ingingo ya 14. Andi moko ntaho azwi mu mategeko y'u Rwanda !

 

Abahutu bongera kuvugwa no gushyirwa kuri« Parade »iyo bagomba kwitwa abicanyi, iyo bagomba kwemera ko bafite ipfunwe n'ikimwaro cyo kwitwa ABAHUTU ! Mbese nk'uko byagenze mu ihuriro « Youth Konnect » !

 

3. Ngo Jenoside  yakorewe Abatutsi ni« icyaha rusange cy'Abahutu »

 

Iki gitekerezo cy'umwimerere wa FPR kinyuranye n'amategeko mpanabyaha yo mu bihugu byose byo ku isi,  ateganyako icyaha ari gatozi !  Nta handi umuntu abazwa  icyaha cy'undi kereka Umuhutu gusa wo mu Rwanda ruyobowe na Kagame ! Kagame arashaka ko Abahutu bose bakomeza gufatwa nk'abicanyi,  ntibahabwe agahenge, arifuza rwose  ko Abahutu bahererekanya icyo cyaha kuva mu gisekuru kugera mu kindi !

 

Ariko Kagame ntabigarukaho mu mbwirwahume ku busa, afite icyo agambiriye gusobanura : ntashaka ko hari uwatinyuka KUVUGIRA ABAHUTU, yaba umunyamahanga, yaba umunyarwanda ! Nibyo yita ngo « icyaha cyahindutse politiki » ! Mu yandi magambo iyo hagize utobora ukavuga ko, muri iki gihe,  Abahutu bo mu Rwanda bavangurwa, ko barengana, aba aciye inka amabere, aba ari guhindura icyaha(Abahutu) politiki ! Aha niho ahera yikoma abantu bose bagerageza gutunga agatoki akarengane kagirirwa Abahutu  mu Rwanda, Kagame yita INTERAHAMWE, n'ABAJENOSIDERI ! 

 

Ijambo nk'iri rivuzwe n'umukuru w'igihugu risobanuye ko igihugu cy'u Rwanda kiri mu kaga gakomeye, by'umwihariko abo mu bwoko bw'Abahutu bagomba kumva neza ko bicaye ku kirunga cyaka, nibatimenya ejo cyangwa ejobundi Kagame azabarimbagura abarangize !

 

Igitangaje kurushaho  ni uko iki gitegerezo cyo guhindura jenoside yakorewe Abatutsi « icyaha rusange ku bahutu bose » atari Kagame wenyine ucyemera akanacyigisha ! Tumaze iminsi twumva umugore ngo wabonekewe( na Shitani ?) witwa ESTHERA yisararanga  avuga amagambo nk'ayo, ko Abahutu bose ari abanyacyaha, ko bose bagomba gusaba imbabazi ! Ibi kandi ntibitandukanye n'ibyo bamwe mu banyapolitiki ba Opozisiyo  baherutse gutangaza bavuga ko mu Bahutu nta badafite amaraso ku biganza babarimo, ko ibihumbi byinshi by'Abahutu b'abasivili biciwe n'ingabo za FPR mu Ruhengeri na Gisenyi bicwaga mu rwego rwa « stratégie militaire » kuko bacumbikiraga umwanzi bakamuha n'ibyo kurya, bityo akaba ntawe ukwiye kubaririra cyangwa KUBAVUGANIRA !

 

Padiri Ubald Rugirangoga , Umupfumu n'Umucurabwenge w'Agatsiko

 

Biragaragara ko akarasisi urubyiruko ruri gukoreshwa mu Rwanda, n'abakuru baragakoreshwa mu Rwanda (Rucagu, Rwarakabije, Bazivamo, Bamporiki…) no mu mahanga !

 

Muri Kiliziya gatolika, umucurabwengew'ICYAHA RUSANGE CY'ABAHUTUn'Ubumalayika bw'Abatutsi bose (na Kagame arimo !) yitwa Padiri Ubald Rugirangoga ! Si ku busa asigaye ari ku ibere ibukuru, aho asigaye yarahindutse nk'Umupfumu w'ubutegetsi bw'Agatsiko ! Twibuke ko Padiri Ubald ubwe yivuganye umukirisitu w'i Mwezi witwa Yohani Sindayiheba, tutakaba tutarahwemye kumwamagana ku mugaragaro nyamara nta wigeze anamubaza niba abeshyerwa ! Nta yindi Vanjiri acyigisha uretse kuvuga ko Abahutu bose ari abicanyi, ko bagomba gusaba imbabazi, bagagafatanya guheka (reba ku ifoto imyitozo akoresha urubyiruko)  icyaha cya jenoside!

 

Aba « Barimu » ba « Jenoside nk'icyaha rusange cy'Abahutu » bahuriye kuki ? Bapfana iki ? Abanyarwanda nibataba maso, baracyicwa !

 

4. Icyo iri huriro ry'urubyiruko ryari rigamije ni iki ?

 

Reka tuvuge muri make impamvu z'ingenzi z'iri huriro :

 

(1)Kagame yashakaga kwifatira abana bakiri bato kugira ngo ababwire ibyo yishakiye, ariko mu by'ukuri kwari ukubagira ikiraro kugira ngo asohore umujinya, ikimwaro n'ipfunwe  bimurimo nyuma yo kubona ko abanyarwanda baciye akenge kimwe n'amahanga barangije gutahura ibinyoma yubakiyeho ubutegetsi bwe !

 

(2) « Frustration » ikomeye Paul Kagame  arayiterwa n'ibyo Perezida wa Tanzaniya yatangaje ko igihe cyo gukomeza kwitwaza FDLR kirangiye, ko Kagame n'Agatsiko ke bagomba kwemera kuganira n'abo batavuga rumwe aho gukomeza kwigira Nyamukubitwa(victime) hagamijwe KWIKUBIRA ibyiza byose by'igihugu no guteza akavuyo mu bihugu bituranye n'u Rwanda.

 

(3)Kagame afite ipfunwe rikomeye atewe n'uko yarangije gutahurwa nk'Uwagize uruhare rukomeye mu iyicwa ry'Abatutsi (Kagame a sacrifié les Tutsi), ko jenoside bakorewe yayibereye Nyirabayazana ubwo  yatobaga imishyikirano ya Arusha, agahitamo gutezaga intambara yarimbuye benshi mu Bahutu n'Abatutsi  agamije kwifatira ubutegetsi BWOSEwenyine !

 

(4)Kagame afite ikintu cy'umujinya w'umuranduranzuzi aterwa n'uko hari Abataripfana barimo n'Abatutsi batangiye guhaguruka bakavugira imbere y'amahanga ko  Abahutu bo mu Rwanda bavangurwa, bakaba barigijwe kure y'ubutegetsi bwikubiwe n'Agatsiko k'Abatutsi b'Abasilikare babyirukiye Uganda, bakaba bayobora igihugu mu nyungu zabo n'imiryango yabo gusa, mu kinyoma gikabije n'iterabwoba riteye inkeke.

 

(5)Nyuma y'imyaka 20 amaze ku butegetsi, Kagame yatangiye kumva ubutaka busukumwa munsi y'ibirenge bye none aritabaza urubyiruko nk'akabingo uwarohamye yizirikaho ! Nyamara si aho igisubizo kiri !

 

(6) Kagame yeruye atangaza ko nibimukomerana « abicanye mu izina rye »azabigurutsa cyangwa we « ubwe akabiyicira », kandi mu by'ukuri kubarimbura yabitangiye kera . Murabe mwumva ba mutimamuke wo murutiba !

 

5. Iyi disikuru ya Kagame igenewe nde ?

 

Iyo ubisesenguye neza usanga :

 

*Iyi disikuru ya Kagame ntiyari igenewe Abanyamahanga, n'ubwo yabashotoyeho gato ariko yavuze byose mu kinyarwanda !

 

*Kagame ntabwo yari azinduwe no kubwira  Abahutu ; kwitwa abicanyi si bishya kuri bo, kuvangurwa byahindutse umuco  wakiriwe na benshi; mu by'ukuri Kagame ntacyo afite cyo kubwira Abahutu uretse kubabwira ngo "Muri imbwa, nimujye mukomeza mumoke, ntakindi kibakwiye!" Maze ba Rucagu (umujeune!)  na Bamporiki Edouard (umucukuzi w'imisarani !)  si ukurushanwa kumoka,  biva inyuma, bibwira ko ahari aribyo bituma barebwa neza ! Iby'imbwa z'i bwami ntawabyivangamo !

 

*Mu by'ukuri iyi Disikuru ya Kagame yari igenewe ABATUTSI bo mu Rwanda:

 

Kagame akeneye ko Abatutsi BOSE bo mu Rwanda bakomeza kumwibonamo nk'UMUCUNGUZI wabo! Yabigaragaje mu buryo 2 :

 

(1)Kugira ngo yumvishe Abatutsi ko ari umwe muri bo, yavuze inkuru mpimbano ya mushiki we ngo wigaga i Butare muri za 73, ngo bakajya bamushyira imbere y'abandi (parade), bakabwira abandi banyeshuri  ngo nibaze barebe uko izuru ry'umututsi rimera, ngo nta gufa ribamo ! Mu kuvuga iyi nkuru, Kagame aragerageza guhembera umujinya w'Abatutsi ngo abibutse ko barenganye cyane mu mateka ! Ariko mu by'ukuri icyo ashaka kubereka ni uko yarenganye nka bo !

 

(2) Kugira ngo yumvishe Abatutsi ko abitayeho, ko ari we ubagize, yahimbye inkuru (abeshya) y'umwana w'i Murambi ngo warokowe n'ingabo za FPR, nyuma bahurira i Murambi Kagame "akamubaza" ngo « uriho ute ? », umwana akamusubiza  ngo « turiho kubera ko utubwira ngo tubeho », bishatse kuvuga ngo Kagame atariho Abatutsi ntibabaho !  Le point est là !

 

Kagame azi neza ko urugogwe rwenda kumugwa hejuru ; amaze kumenya neza ko adashobora kuguma ku butegetsi Abatutsi baramutse bamwigaritse, babitewe ahanini n'uko barangije gusobanukirwa n'uruhare Kagame yagize mu irimburwa ryabo ! Ikindi gituma Abatutsi bagomba kumwigarika ni uko babona neza ko ubutegetsi bw'Agatsiko budakorera mu by'ukuri inyungu z'Abatutsi barokotse, ko ahubwo Agatsiko kabahinduye IGIKORESHO! Nabo baricwa, bagatorongezwa, ntibitabweho ! Uretse impumyi, Abatutsi bashishoza barangije kubona ko akarengane ubu butegetsi bukorera Abahutu katazatinda kubagaruka bityo bakaba bakongera kuhagirira ingorane. Bakeneye ko hajyaho ubutegetsi bushyira mu gaciro, butarenganya igice kimwe cy'Abanyarwanda, kugira ngo bizere ko ejo hazaza batazongera kwicwa bazira akamama. Abatutsi bazi ubwenge bamaze kubona ko AMAHANGA yarangije gukura Kagame ho amaboko, politiki ye y'ivangura (Apartheid) ikaba idashobora gukomeza kubakirwa kuri jenoside yakorewe Abatutsi : Icyo gipindi garantie yacyo yararangiye, mu maso y'amahanga.

 

Kagame na we ku ruhande rwe, afite UBWOBA bwinshi ko ejo cyangwa ejobundi azasigara wenyine, akabazwa UBWICANYI yakoze, WENYINE, dore ko n'abo babufatanyije batangiye kumwigurutsa no kumushinja imbere y'inkiko mpuzamahanga ! Niyo mpamvu ashaka kongera kwitwaza Abatutsi, akabagira nk'ingabo yikingira…ariko ubanza bitagishobotse kuko iminsi y'igisambo ari 40 gusa ! 

 

Umwanzuro

 

Muri make twavuga ko iyi disikuru ya Kagame  igamije ibintu bitatu by'ingenzi :

 

(1)Iyi disikuru y'iterabwoba igamije kurindagiza urubyiruko rw'u Rwanda ibibagiza uruhare Abatutsi b'Abahezanguni bagize mu mateka mabi y'u Rwanda guhera ku kwikubira ubutegetsi ku ngoma ya Cyami, gutsindwa amatora yo mu 1960 bakitabaza kugaba ibitero bisesa amaraso, (Abiyitaga Inyenzi) ; guteza intambara yo 1990 ari nayo NYIRABAYAZANA y'aka kaga kose kagwiriye u Rwanda ; kurasa indege y'uwahoze ari umukuru w'igihugu, Perezida Yuvenali Habyarimana , icyo gikorwa cy'iterabwoba akaba aricyo Loni yafashe nk'imbarutso ya jenoside yarimbuye Abatutsi …..

 

(2)Iri terabwoba rya Kagame rigamije kwibagiza urubyiruko AKARENGANE bo ubwabo bariho bakorerwa, bavangurwa mu ishuri, mu kazi : hari umukobwa watinyutse avuga uko yashatse kwinjira mu ngabo z'igihugu no muri polisi, hose bakamuvudukana ! Kagame yamushubije ko« hari ikibazo » : ubwoko bwe ! Kuba umuhutu ni IKIBAZO mu Rwanda ruyobowe na Kagame ! Umwana wimwe buruse waje muri ririya huriro acyuye iki kindi uretse inzara yazanye ? Ahawe buruse se ngo bigire inzira ?

 

 (3) Iyi disikuru iracira amarenga  abanyarwanda n'amahanga ko ubutegetsi bw'Agatsiko bugeze mu marembera. Uzi gushishoza yatangira akabwitaza ngo hato adahirimana nabwo. Uw'Intwari yakwegera abiyemeje kuburwanya kugira ngo ejo bitazagaragara ko nta muganda yatanze mu gukiza ishyano mu Rwanda bityo akaba yazaryozwa kuba yaragize uruhare rutindi mu gushyigikira ingoma ngome.

 

(4)Iyi disikuru ishyize hanze INKOMAMASHYI zisohotse  kaminuza , zidaterwa ipfunwe no gukomera amashyi umwicanyi uvuze ku mugaragaro ko yiteguye kumena amaraso y'umukuru w'ikindi gihugu ! U Rwanda ruragana he bagenzi ?

 

(5)Iyi disikuru yerekanye ko Kagame yibwira ko ari SUPERMAN, aribwira ko uko yishe abaperezida Melchior Ndadaye, Habyarimana, Ntaryamira, Kabila, ari nako azica Perezida Kikwete wa Tanzaniya; kurya atagira isoni akanabitangaza  mu ruhame : « I will wait for him at the right place and hit him ! ».  Ba Gashozantambara baragwira ! Harya Kagame we ntava amaraso ? Perezida wa Tanzaniya azatugirire ubuntu adusubize iki kibazo !

 

Kagame yashoje disikuru ye yibaza ikibazo nanjye nibaza : Abakora ibibi (nka Kagame) batsinda bate abakora ibyiza ?

 

Mbifurije mwese kuzirikana cyane iri jambo.

 

Padiri Thomas Nahimana

Umutaripfana wo mu  Ishema Party.

 

Iyumvire nawe iryo jambo rutwitsi :

 

http://http://www.youtube.com/watch?v=_WMtl1fSEks

http://www.umuvugizi.com/?p=8595

Bamwe mu mpunzi z'abanyarwanda barashimira ibihugu byabakiriye ko bitabacyuye ku ngufu

Impunzi z"abanyarwanda zirashimira Ibihugu bahungiyemo ko kugeza ubu bitarabasubiza mu Rwanda ku ngufu nkukwo leta ya Kagame yabishakaga ikoresheje ba maneko bazo babarizwa muri ibyo bihugu

Nyuma y'umunsi nyirizina wateganyijwe mu masezerano yabaye hagati ya Leta y'u Rwanda na UNHCR, amasezerano yiswe "Cessation Clause", yateganyaga ko kuva ku itariki ya 30/06/2013 impunzi z'abanyarwanda zahunze kuva mu mwaka wa 1959 kugera muri 1998, zizaba zatakaje uburenganzira bwazo bwo kwitwa impunzi.

Kubera iki kibazo, Umuvugizi wavuganye na zimwe mu mpunzi z'abanyarwanda zibarizwa mu nkambi y'ahitwa Nyakivare muri Uganda, zikaba zaradutangarije ko uretse abiyandikishije ku bushake , abandi batabishatse babongereye igihe cyo ukuguma muri Uganda .

Nyuma yo kuvugana n'izi mpunzi z'abanyarwanda zibarizwa muri Uganda, twanavuganye n'izindi mpunzi z'abanyarwanda ziba muri Tanzaniya zidutangarizako nta n'umwe mu bashinzwe impunzi muri Tanzania wigeze ubahatira gutaha ku ngufu mu Rwanda cyeretse ababishatse ku giti cyabo.

Twananyarukiye muri Afurika y'epfo, aho bamwe mu mpunzi zaho na bo badutangarije ko kugeza ubu nta gahato barashyirwaho, ariko bamwe mubo twavuganye babarizwa muri Cape Town na Johannesberg badutangarije ko bakoze inyandiko ijyanye n'amashusho ndetse n'amafoto hamwe na video, babinyujije mu ishyaka RNC ribarizwa muri Afurika y'epfo kugirango basabe Leta y'icyo gihugu kudacyura izo mpunzi ku ngufu, berekana impamvu zikomeye zatuma izo mpunzi ziramutse zicyuwe ku ngufu mu Rwanda zahagirira ibibazo bikomeye.

Ibihugu bya Malawi, Mozambique, Congo Brazaville na Zambiya, byabaye isibaniro rya FDLR na Leta ya Kagame mu kurwanira abayoboke.

Mu iperereza rimaze iminsi rikorwa n'Umuvugizi, aho twagiye tuvugana na zimwe mu mpunzi zituye muri ibyo bihugu, zagiye zidutangariza ko kugeza ubu ama Leta yabyo atarafata icyemezo cyo kubacyura ku ngufu, bityo bakaba bafite icyizere ko ibi bihugu bahungiyemo bitazapfa kubashushubikanya ku ngufu, cyokora banadutangarije ko abashaka gutaha ku bushake bwabo nta n'umwe babuza gutaha, dore ko bamwe muri bo batangiye kwitabira cya gikorwa cya Leta ya Kagame cyiswe "Come and See'.

Bamwe mu mpunzi twavuganye babarizwa muri Congo Brazzaville, badutangarije ko Leta ya Kagame yahateye cyera amatako, ikangurira izo mpunzi gutaha , bakaba bafite ubwoba kubera ukuntu perezida wa Kongo Brazzaville afitanye umubano udasanzwe na perezida Kagame, bityo bakaba bafite impungenge z'uko bamwe mu mpunzi z'abanyarwanda zahatuye kuva cyera, zanahawe ubwenegihugu bwaho, zishobora na zo gucyurwa ku ngufu.

Umuvugizi wanashoboye kuvugana n'abanyarwanda batandukanye, tubabaza ibibavugwaho ko bamwe muri bo baba ari abayoboke ba FPR na Leta ya Kagame, abandi bakaba bakorana n'umutwe witwaje intwaro wa FDLR.

Bamwe mu bayoboke ba Leta ya Kagame barabitwemereye, batubwira ko bakorera mu mutaka wa Diaspora ibarizwa muri Zambiya, Malawi, Mozambique, Tanzaniya na Kongo Brazzaville. Uwo mutaka wa Diaspora akaba ari na wo Leta ya Kagame yitwikira ikabahatira gutaha, abawuyoboye bakaba bakorana na ambasade za Kagame muri ibyo bihugu.

Twanavuganye na bamwe mu bavugwaho kuba abayoboke ba FDLR, tubabaza nimba koko FDLR irimo gukorera ibikorwa by'ubukangura mbaga muri ibyo bihugu, niba koko irwanira abayoboke na Leta ya Kagame; bamwe muri bo barabiduhakaniye ariko abandi barabitwemereye, bemeza ko ari abayoboke ba FDLR.

Umwe muri bo yabidutangarije muri aya magambo : "Jye ndi umwe mu bayobozi ba FDLR ubarizwa muri aka gace; navuye mu Rwanda ndi lieutenant, ubu nkaba ndi Colonel; nyuma yo guhunga u Rwanda nanyuze mu bihugu birukikije, mpaka ngeze hano".

Tumubajije niba yaba azi irengero rya mugenzi wabo uherutse gushimutwa n'inzego z'ubutasi z'u Rwanda zimukuye muri Tanzaniya, yabidutangarije muri aya magambo : "Kugeza ubu nta rengero rye turashobora kumenya; twibazaga ko afungiwe muri Tanzaniya ariko tuza kumenya ko afungiwe mu Rwanda tubisomye mu Umuvugizi, cyokora ni byo afungiwe mu Rwanda ukurikije amakuru yandikwa n'itangazamakuru rya Kagame, nubwo ibyo bandika biba atari byo ijana ku ijana, ariko bigaragara ko baba bafite ubaha amakuru yo muri FDLR, iyo ikaba ari imwe muri gihamya ko bashobora kuba bakimufite cyangwa yarayobotse kimwe na ba afande be Gen Rwarakabije na Lt Gen Jerome Ngendahimana".

Twanamubajije nimba yaba yarakoranye na Gen Rwarakabije bakimara guhunga, maze adutangariza ko "Gen Rwarakabije ari we wari umuyobozi we, ko n'ipeti rya gisirikare rya colonel afite ubu yarihawe na Gen Rwarakabije, amukuye ku ipeti rya lieutenant, ari na bwo nyuma yaho Gen Rwarakabije akimara kuyoboka Gen James Kabarebe yahavuye agana mu bindi bihugu byo muri Afurika akoreramo akazi ke ko kunekera FDLR n'ubukangura mbaga ".

Gasasira, Sweden.

Byashyizweho na editor on Jul 2 2013. Filed under Ahabanza, Amakuru Ashyushye,Politiki. You can follow any responses to this entry through the RSS 2.0. You can leave a response or trackback to this entry

http://www.inyenyerinews.org/amahanga-2/m23-ngo-yaba-yasatiriye-goma-mu-rwego-rwo-gushaka-kongera-kuyigarurira/

M23 ngo yaba yasatiriye Goma mu rwego rwo gushaka kongera kuyigarurira

July 3, 2013 by Rwema IT Webmaster Leave a Comment

Nk'uko tubikesha urubuga africareview.com, umutwe wa M23 waba wongeye gusatira Umujyi wa Goma mu rwego rwo gushaka kongera kuwigarurira.

Africareview.com ikomeza ivuga ko ibi ikinyamakuru Xinhua cyabitangarijwe kuri uyu wa Kabiri n'umusirikare w'umuoffocier wo ku rwego rwo hejuru mu mutwe wa M23 ariko akaba atashatse ko izina rye rimenyekena.

Uyu musirikare kaba yagize ati : « Tugiye kongera gufata Goma kubera ko Leta ya Kinshasa idashaka kumva ibyo tuyisaba ».

Yakomeje agaragaza ko aho kumva no gusubiza ibyo uyu mutwe wa M23 usaba, Leta ya Kinshasa yiyemeje gushyigikira igitekerezo cya Brigade d'intervention igizwe n'ingabo za Onu aha ngo Leta ikaba yumva ko iyi Brigade ariyo izakemura ibibazo by'abatuye Kongo Kinshasa

Uyu musirikare kandi yagize ati : Kuva Brigade d'intervention yagera i Goma, Kinshasa yatangiye kutwumvisha ko tugomba gushyira intwaro hasi dusinya amasezerano tutaganiriyeho ngo tuyemeranyweho.

Umuvugizi wa sosiyeti sivile muri Kivu y'Amajyaruguru, Omar Kavota, yatangaje ko afite amakuru y'uko umutwe wa M23 wamaze kurunda abasirikare n'ibitwaro mu duce twa Kibati, Buvira na Mutaho mu rwego rwo kwitegura urugamba rwo gufata Goma.

Brigade d'intervention igizwe n'ingabo ziturutse mu bihugu bitandukanye, ariko yo ikaba ifite ubutumwa butandukanye n'ubw'ingabo za Onu zisanzwe muri Kongo Kinshasa zifite kuko igomba gusiga nta mutwe witwaje intwaro ukirangwa muri iki gihugu

Nyuma y'uko impande zombi ariko zari zemeye gusubira mu biganiro bya Kampala kugirango hasinywe amasezerano y'amahoro n'uburyo buhamye bwo kurangiza intambara muri iki gihugu, bigaragara ko kuva iyi mishyikirano yakongera gutangira ntakigeze kigerwaho, kugeza aho bitangiye kuvugwa ku gushaka kongera kwigarurira Goma kwa M23.

Kagame yasabye ko amashyaka yandikwa byanyirarureshwa

----- Forwarded Message -----

From: IngMah <mrmuke05@yahoo.fr>
To: "democracy_human_rights@yahoogroupes.fr" <democracy_human_rights@yahoogroupes.fr>
Sent: Wednesday, July 3, 2013 10:46 PM
Subject: *DHR* Kagame yasabye ko amashyaka yandikwa byanyirarureshwa

 

"Ku bijyanye na demokarasi Kagame yavuze ko ngo abantu bagomba gukurayo amaso, ngo nta rubuga rwa politiki azaha abajenosideri n'ibigarasha.

Ngo yumva bavuga ko amashyaka bayabuza gukora ariko ngo yasabye abaministre kureka abashinga amashyaka bakabandika ariko ngo uzashaka kugira uwo ahutaza ngo ntazamenya n'ikimukubise! Ngo hari umurongo ntarengwa!

Ibyo ngo ntabwo bizashoboka byaba muri politiki, byaba mu kirere, byaba mu mazi byaba ku butaka ndetse ngo n'ibyo bigarasha ntibizamenya ibibikubise"!

http://www.therwandan.com/ki/perezida-kagame-yavuze-ko-afite-aho-ategeye-perezida-kikwete/

__._,_.___

Répondre à expéditeur | Répondre à groupe | Répondre en mode Web | Nouvelle discussion

Toute la discussion (1)

Activités récentes:

• Nouveaux membres 4

Aller sur votre groupe

http://fr.groups.yahoo.com/group/Democracy_Human_Rights

https://twitter.com/itwagira

https://www.facebook.com/itwagiramungu

Maître Innocent  TWAGIRAMUNGU
DHR FOUNDER&OWNER
Tél.mobile: 0032- 495 48 29 21


UT UNUM SINT

"L'extrémisme dans la défense de la liberté n'est pas un vice; La modération dans la poursuite de la justice n'est pas une vertu".

"Extremism in the defense of liberty is no vice; moderation in the pursuit of justice is no virtue." (USA,Republican Convention 1964,Barry Morris Goldwater (1909-1998)).

"Le monde ne sera pas détruit par ceux qui font le mal mais par ceux qui regardent et refusent d'agir", Albert EINSTEIN.

Les messages publiés sur DHR n'engagent que la responsabilité de leurs auteurs.

CONSIDERATION, TOLERANCE, PATIENCE AND MUTUAL RESPECT towards the reinforcement of GOOD GOVERNANCE,DEMOCRACY and HUMAN RIGHTS in our states.

Liability and Responsibility: You are legally responsible, and solely responsible, for any content that you post to DHR. You may only post materials that you have the right or permission to distribute electronically. The owner of DHR cannot and does not guarantee the accuracy of any statements made in or materials posted to the group by participants.

" BE NICE TO PEOPLE ON YOUR WAY UP, BECAUSE YOU MIGHT MEET THEM ON YOUR WAY DOWN." Jimmy DURANTE.

COMBATTONS la haine SANS complaisance, PARTOUT et avec Toute ENERGIE!!!!!!
Let's  rather prefer Peace, Love , Hope and Life, and get together as one!!! Inno TWAGIRA

Passer à: Texte seulement, Résumé du jour • Désinscription • Conditions dutilisation

.

__,_._,___

http://www.blogtalkradio.com/radioitahuka/2013/07/03/paul-kagame-yaba-ashaka-kwandika-amateka-mashya-mu-rwanda

PAUL KAGAME YABA ASHAKA KWANDIKA AMATEKA MASHYA MU RWANDA

RadioItahuka

FEATURED

yesterday

Host : Gervais Condo

Youth Connekt dialogue – Rwandan Youth Meet President Kagame and First Lady, Jeannette Kagame – Kigali, 30 June 2013

andikira radioitahuka@gmail.com cyangwa utubwire niba hari ibyo uzi ushaka kutubwira hano kuri radio Itahuka

facebook/ijwi ryihuriro nyarwanda/itahuka

follow us on twitter: rnc_usa

call in to listen Live 347 945 6449