http://www.blogtalkradio.com/radioitahuka/2013/04/27/ninde-utarashakaga-ko-amasezerano-yarusha-ajya-mubikorwa

NINDE UTARASHAKAGA KO AMASEZERANO Y'ARUSHA AJYA MUBIKORWA?

RadioItahuka

FEATURED

Sat, April 27, 2013 12:00 pm 

HOST: Serge Ndayizeye

Topic: NINDE UTARASHAKAGA KO AMASEZERANO Y'ARUSHA  AJYA MUBIKORWA

GUESTS:  

Ambassador Dr. Anastase Gasana

Enoch Ruhigira "Directeur de cabinet du Président Juvénal Habyarimana"

Justin Bahunga "who was the Second Counsel at the Rwanda Embassy in Kampala"

Rwanda: Nyuma yo kwibasirwa n’intore za FPR,Umuvugabutumwa Apotre Paul Gitwaza washinze itorero Zion Temple yabonye bikomeye akuramo ake karenge

http://rwanda-in-liberation.blogvie.com/

Nyuma yo kwibasirwa n'intore za FPR,Umuvugabutumwa Apotre Paul Gitwaza washinze itorero Zion Temple yabonye bikomeye akuramo ake karenge.

avril 25th, 2013 by rwanda-in-liberation

Nyuma yo kwibasirwa n'intore za FPR,Umuvugabutumwa Apotre   Paul Gitwaza washinze itorero Zion Temple yabonye bikomeye akuramo ake karenge.

 

Hashize igihe kirekire umuvugabutumwa  Apotre  Paul Gitwaza  agendererwa n'abambari ba FPR Inkotanyi  bagamije kwinjirira itorero Zion Temple yashinze mu Rwanda akaba yaranaribereye umuyobozi w'ikirenga. Uyu mugambi wo kwinjira mu matorero kwa FPR uba ugamije kuyigarurira binyuze mu kuyashyiramo abitwa abyobozi b'abapasitoro ariko ari "Intore butwi"  maze aho kugirango mu matorero habe ahantu ho kubaka roho z'abantu bafashwa kwegera Imana ndetse no gukora ibishimwa nayo ahubwo hakagirwa umuyoboroncengezamatwara ya FPR.  Aya mayeri ya FPR yo kwigarurira amatorero agahinduka ikibuga cya politiki akaba amenyerewe kandi  hafi mu matorero yose ariko ngo Paul Gitwaza we akaba yari yarabereye ibamba FPR akayibwira ko umuhamagaro we atari uwa politiki ko yahagurukijwe no kuvuga ubutumwa bwiza bw'Imana.

Iyi gahunda ya FPR yo kwinjira  mu matorero no kuyagira ibikoresho byayo ikaba imenyerewe cyane ariko mu minsi yashize ikaba yari yibasiye itorero ADPR aho nyuma y'igihe kirekire byarayinaniye kwinjira muri iri torero yashizwe  ibigezeho maze ikanariha abayobozi b'abatsindirano ( intore zayo ariko zambaye amakote yanditseho inyuma Pasitoro).

Tugarutse ku kibazo cya Apotre Paul Gitwaza n'itorero Zion Temple,ikinyamakuru Rwanda in Liberation cyakurikiranye icyi kibazo maze kimenya ko imvo n'imvano yo kwibasira uyu muvugabutumwa kuburyo bwihariye cyafashe indi sura ubwo igihe Leta ya Kigali yiteguraga gutera Congo yifashishije abitwa abatutsi b'abanyekongo  dore ko nuyu muvugabutumwa ariho akomoka,  ngo yasabwe na FPR ko yaba umuvugizi w'umutwe M23 maze uyu muvugabutumwa arabatsembera ababwira ko umuhamagaro we atari uwo kujya mu ntambara zimena amaraso y'inzirakarengane ko yahagurukijwe no gukiza imitima. Ibi ngo nibyo byatumye FPR  imwihorera ariko ikubita agatoki ku kandi ariko irikomereza ijya gushaka ahandi yakura umuntu uzwi n'abantu benshi kandi wakumvwa n'abanyamurenge bo muri Kongo kuko akeshi intambara nyinshi zibera muri kariya karere nibo zitirirwa mu rwego rwo kumvisha amahanga ko ikibazo ari icy'abakongomani mu gihe batangira gushyira mu majwi leta ya Kigali. Gusa mu gushakisha undi munyamurenge uzwi cyane wakwemerwa n'abatutsi bo muri Kongo bityo bigatuma nabo bitabira intambara ngo babashije kubona Bishop Runiga maze we abemerera kwiyambura inkoni y'ubushumba bw'intama z'Imana afata imbunda yo kurasa inzirakarengane aba ariyo asimbuza Bibiriya Yera .

FPR mu kureba uko yakwivuna uyu muvugabutumwa Paul Gitwaza nkuko bisanzwe, ngo yakoresheje amayeri menshi ndetse nayo kumushakira icyaha cyabaga gifite intego yo kumusebya mu itorero maze agata agaciro ndetse bikuririrwaho agafatwa agafungwa. Ibi ngo byatumye bamutereza abagore beza babaga bahawe ikiraka na FPR ngo bakore uko bashoboye bamukoreshe icyaha cyo gusambana maze babone uko bamusimbukira bamufunge ashinjwa gufata ku ngufu maze polisi ibe yahashinze amatako imute muri yombi akatirwe imyaka akangari maze ibye birangirire aho. Amakuru Rwanda in Liberation yabashize kumenya nanone mu itohoza yakoze ni uko ibi byo kumuteza abagore n'abakobwa beza byakozwe ariko Apotre Gitwaza akaza kuburirwa n'inshutiye magara yari yamenye uyu mugambi. Ibi ngo nibyo byatumye uyu muvugabutumwa agirwa inama n'inshuti ndetse n'abantu bahafi bari bafatanyije kuyobora Itorero Zion Temple maze bamugira inama yo kuva mu Rwanda.

Kubera ubucuti bwihariye uyu muvugabutumwa yari afitanye na Perezida w'igihugu cy'u Burundi Petero Nkurunziza ,ngo yagiriwe inama yo gusohoka mu gihugu akajya gukorera i Burundi.  Paul Gitwaza nawe ngo yubashye iyi nama maze ahambira utwangushye yerekeza iyo mu Bashingantahe.

Abasanzwe bakurikiranira kandi banazi neza imikorere ya FPR bemeza ko Gitwaza ahungiye ubwayi mu kigunda bagira bati:" Kugirana ibibazo na FRP ugahungira i Burundi ntacyo bimaze rwose kuko na hariya intore zizamusangayo kuko n'ahatari hariya zijyayo"

Nubwo uyu muvugabutumwa amaeneshejwe ari benshi baramushimye cyane kuko nibura yabashije guhagarara kubyo yemera akanga kuvanga ibidakwiye kuvangwa mu gihe ubu benshi mu bitwa abihay'Imana baba abapsitoro abapadiri,abasenyeri… bose ubu babaye ibiragi aho kwigisha abo

Kakara Deus

Rwanda: Ntabapfira gushira! Abanyarwanda bari mu mashyamba ya Congo baracyariho kandi ni benshi, ese babayeho bate?

http://www.veritasinfo.fr/m/article-117307162.html

Rwanda: Ntabapfira gushira! Abanyarwanda bari mu mashyamba ya Congo baracyariho kandi ni benshi, ese babayeho bate?

«Twitwa ABACUNGUZI kuko tugomba gucungura u Rwanda kandi tukaba tugera ikirenge cyacu mucya Yezu Christu » ! Ayo ni amagambo yavuzwe n'umunyamabanga mukuru wa FDLR General Willisson IRATEGEKA ubwo yaganiraga n'umunyarwanda uba mu gihugu cya leta Zunze Ubumwe z'Amerika , wiyemeje kujya gusura abanyarwanda baba mu mashyamba ya Congo akareba ubuzima babayemo. 

Gen Willisson Irategeka aratubwira kuburyo burambuye  imibereho y'abanyarwanda baba mu mashyamba ya Congo; kuri benshi bumva iki kiganiro baratangazwa n'ibintu byinshi by'ubuzima bw'abanyarwanda baba mu mashyamba ya Congo. Abo banyarwanda batereranywe n'isi yose , yaba ishami ry'umuryango mpuzamahanga ryita ku mpunzi, yaba leta ya Congo, ryaba itangazamakuru mpuzamahanga… ndetse n'abanyarwanda babanye nabo bakajya kuba mu bindi bihugu kuva mu 1996; ahubwo abo banyarwanda baba mu mashyamba ya Congo bakaba bicwa buri munsi na leta y'u Rwanda yakagombye kubahumuriza bagataha mu gihugu cyabo mu mahoro, ahubwo iyo leta iri gutekinika amahanga iyasaba gukuraho ubuhunzi kubanyarwanda aho gukemura ibibazo bibutera!

Ni ubwo abo banyarwanda babayeho mubuzima bubi kandi bukomeye bafite ikizere cy'uko ubuzima barimo buzahinduka, bafite ingabo zibarindira umutekano,bafite ubutabera, bafite amashuri ndetse baranidagadura. Abo banyarwanda bose bibumbiye murugaga rwa FDLR ; urwo rugaga rukaba rwarashinzwe ku italiki ya 01/05/2000 i Nasho muri KIBUNGO.

Ese FDLR igamije iki ? FDLR igizwe na bande ? FDLR ikura abasilikare he? Ese ikurikiza ayahe mategeko? Ese abanyarwanda bari mu mashyamba ya Congo babona bate uburenganzira bwa muntu mu Rwanda? Ni ubuhe burere FDLR iha abana bavukira muri ayo mashyamba? FDLR ibanye ite n'abacongomani? FDLR ikura he ibyo itungisha abasilikare bayo? Abayoboke ba FDLR baherereye he? FDLR ibona ite ubumwe n'ubwiyunge mu Rwanda? Ni iki FDLR isaba perezida Kagame Paul w'u Rwanda?...

Ibi bibazo byose kimwe n'andi makuru anyuranye murabibonera ibisubizo mu kiganiro Gen Willisson Irategeka yagiranye n'umunyarwanda wabasuye mu kwezi k'ukuboza 2012. Turashimira cyane uyu munyarwanda watinyutse akajya kureba abanyarwanda batereranywe baba mu mashyamba ya Congo avuye muri Amerika , tukaba dushimira radiyo ITAHUKA cyane cyane umunyamakuru wayo Serge watugejejeho iki kiganiro. Buri munyarwanda wese wumva iki kiganiro yibaze ikibazo kandi anisubize: Ese birashoboka ko u Rwanda rwavuga ko rufite amahoro mu gihe abanyarwanda bakomeje guhezwa ishyanga mu mashyamba ya Congo? Igisubizo k'icyo kibazo cyaba ikihe?

Nimwiyumvire ikiganiro cyose hasi aha:

http://www.blogtalkradio.com/radioitahuka/2013/04/20/fdlr-abacunguzi-mubuzima-bwabo-mu-mashyamba-ya-congo

Ubwanditsi

FDLR "ABACUNGUZI " MU BUZIMA BWABO MU MASHYAMBA YA CONGO

http://www.blogtalkradio.com/radioitahuka/2013/04/20/fdlr-abacunguzi-mubuzima-bwabo-mu-mashyamba-ya-congo

03:20

FDLR "ABACUNGUZI " MUBUZIMA BWABO MU MASHYAMBA YA...

HOST: SERGE NDAYIZEYE GUESS: XXXXXX TOPIC: FDLR "ABACUNGUZI" MUBUZIMWA BWABO MU MASHYAMBA YA CONGO NDETSE NIMPUNZI ZABANYARWANDA MURI CONGO

• by RadioItahuka
• in Politics Progressive
• on Fri, April 19, 2013

Rwanda: Ingabire mu rw'ikirenga - BBC Gahuza

http://www.bbc.co.uk/gahuza/amakuru/2013/04/130423_ingabiretrial.shtml

Rwanda: Ingabire mu rw'ikirenga

Ibiherutse kuvugururwa: 23 ukwa kane, 2013 - 14:34 GMT

• Facebook
• Twitter
• Send to a friend
• Print page

Mu Rwanda ,urukiko rw'ikirenga rwakomeje kumva ubujurire bwa Madame Victoire Ingabire usaba iseswa ry'igifungo yakatiwe .

Uyu mukuru w'ishyaka FDU-Inkingi ritaremererwa gukorera mu gihugu yahamijwe ibyaha bibiri birimo gupfobya genocide .

Gusa yaba uregwa cyangwa se abamunganira mu rukiko ngo basanga akurikiranywe gusa kubera ibitekerezo bye bya politiki bidahuye n'iby'ishyaka riri ku butegetsi.

Agaragaza inenge ku mikirize y'urubanza ari zo zatumye bajurira ,me Gatera Gashabana wunganira Ingabire yavuze ko urukiko rukuru rwirengagije ubuhamya bushinjura bw'uwitwa Michel Habimana .

Uyu mugabo bivugwa ko yabaye mu mutwe wa FDLR kimwe n'abasirikare 4 bashinja Ingabire avuga ko yasabwe gutanga ubuhamya bushinja Ingabire kimwe na bagenzi be bo baje kwemera kubikora .

Nk'uko bivugwa na Me Gashabana ,uyu mutangabuhamya ufungiye mu Rwanda yaje guterwa ubwoba n'ubushinjacyaha kubera ubuhamya bushinjura Ingabire yari yahaye urukiko.,

Kudaha agaciro ubu buhamya byaje gukurura impaka ndende mu rukiko ndetse bituma Victoire Ingabire yanga kugaruka mu cyumba cy'iburanisha kugeza urubanza rushoje .

Na ho ku cyaha cyo gupfobya genocide yahamijwe ,Umwongereza Ian Edouards we yongeye kugaruka ku rujijo avuga ko ruri mu itegeko rihana iki cyaha .

Kuri we ngo itegeko ubnwaryo ntirisobanutse ndetse ngo rikaba ritanerekana uwakoze icyaha ku buryo budasshidikanywaho.

Ian Edourds kandi yiyambaje na zimwe mu manza zamaze gucibwa kuri iki cyaha zerekanye ko itegeko ridasobanutse bityo abarezwe bakagirwa abere kuri iki cyaha .

Izo ni nk'urw'abanyamakuru Agnes Nkusi na Saidat Mukakibibi barezwe kupfobya Genocidse ariko icyaha bakagihanagurwaho ,izi ngingo zidashoboye kugaragaza uko bagikoze .

Mu ngingo zashingiweho n'ubushinjacyaha burega Madame Ingabire gupfobya genocide ni imvugo genocide nyarwanda cyangwa genocide rwandais byanditse mu mahame y'ishyaka FDU.

Itegeko rishya rihane icyaha cya Genocide rivuga Genocide yakorewe abatutsi ,kuba FDU itarabivuze gutyo bikaba bifatwa nko gupfobya Genocide,

Nyamara ariko Ian Edouards we asanga iri ritaba ishingiro ryo kurega uyu munyapolitiki kuko n'itegeko nshinga ry'U Rwanda ariko ryabivugaga mbere y'uko iyi ngingo ihindurwa .

Nyuma yo kumuhamya ibyaha bibiri :icyo kurema umutwe w'ingabo ugamije kugira nabi ubutegetsi no gupfobya genocide ,urukiko rwahanishije Victoire Ingabire gufungwa imyaka 8 .

Cyakora ababurana bombi ntibanyuzwe n'uyu mwanzuro,ubushinjacyaha buvuga ko urukikmo rwakabije gutanga igihano gitoya bukaba busaba ko mu bujurire yakatirwa igifungvo cy'imyaka 25 .

Naho Ingabire we agasanga rwaragombaga kumurekura kuko nya kibi yakoreye igihugu .

Rwanda: Me Iain Yereste urukiko rw’ikireng​a ko inyandikoz​a WIKIPEDIA urukiko Rukuru rwashingiy​eho ruhamya Uwo yunganira icyaha cyo gupfobya genocide zidakwiye gushingirw​aho n’urukiko hari amategeko

http://www.fdu-rwanda.com/RW/

Me Iain Yereste urukiko rw'ikireng​a ko inyandikoz​a WIKIPEDIA urukiko Rukuru rwashingiy​eho ruhamya Uwo yunganira icyaha cyo gupfobya genocide zidakwiye gushingirw​aho n'urukiko hari amategeko.

MATA 23, 2013  

Kigali kuwa 23 Mata 2013

Mu guhamya Ingabire Victoire ibyaha bishya Urukiko Rukuru rwifashishije inyandiko z'urubuga rwa Wikipedia no ku bitekerezo bwite by'inyandiko ya Yves Ternon yanditse ku mateka y'uRwanda aho gushingira ku mategeko y'uRwanda cyangwa mpuzamahanga.

Ubwo Umunyamategeko Ian Edward wunganira  Mme Ingabire Victoire yahabwaga ijambo uyu munsi ngo asobanurire urukiko ibijyanye n'ubujurire bw'uwo yunganira, yabwiye urukiko ko bibabaje kubona uwo yunganira yarahanaguweho ibyaha 6 yari yarashijwe n'ubushinjacyaha maze Urukiko Rukuru rukamuhamya ibyaha bishya bibiri: icy'ubugambanyi n'icyo gupfobya genocide rutagendeye ku mategeko ahubwo rugashingira ku nyandiko ruvanye ku rubuga rwa'wikipedia'zidafite uwazanditse, naho zandikiwe ,runifashisha igitekerezo cy'umuntu ku giti cye wagize icyo avuga ku mateka y'uRwanda witwa Yves Ternon maze rukatira igihano uwo yunganira rwirengagije amategeko y'uRwanda n'amategeko mpuzamahanga. Ibi byose urukiko rukaba rwarabikoze rutanahaye ijambo abaregwa ngo bagire icyo bavuga kuri izo nyandiko rwashingiyeho rumuhamya icyaha.

Ibi byaha urukiko rwahamije Ingabire rukaba rwarabishingiye ku bimenyetso bibiri aribyo amahameshingiro y'ishyaka ndetse na disikuru Ingabire yavugiye ku Gisozi. Kubijyanye n'amahame y'ishyaka FDU-Inkingi urukiko rukaba rwaribanze ahanditse ijambo ryitwa Genocide y'abanyarwanda ariko uwunganira Ingabire yasobanuye ko iyi migambi y'ishyaka yakozwe mu mwaka wa 2006 kandi icyo gihe ItegekoNshinga ry'uRwanda naryo icyo gihe ryari ritarahinduka ngo hashyirwemo ijambo« genocide yakorewe abatutsi » Me. Ian  akaba yabwiye urukiko ko iyi nyito itabazwa Ingabire kuko inshyashya yari itarabaho.

Me. Ian Edward akaba yabwiye urukiko rw'ikirenga ko ku cyaha cyo gupfobya genocide Urukiko rw'Ikirenga rwazazirikana ibijyanye n'umwanzuro rwagifasheho mu rubanza n°0031/11/S/CS rw'abanyamakuru Sayidadi Mukakibibi na Uwimana Agnes Nkusi aho  urukiko rwabahanaguyeho icyi cyaha cyo gupfobya  genocide rushingiye ko igeteko rihana icyi cyaha mu ngingo yaryo ya 4 ridasobanutse kuko ridatanga igisobanuro ku nyito y'icyaha, runavuga ko ubushinjacyaha butigeze bwerekana ubushake bw'abo bwaregaga ku kuba bari bagambiriye gukora icyo cyaha. Me.Edward akaba yavuze ko uwo yunganira nawe yahutajwe n'iri tegeko kandi akwiye kurenganurwa.

Ku bijyanye no kudafutuka kw'iri tegeko abunganira Ingabire babwiye urukiko ko amategeko arimo urujijo abangamiye amasezerano uRwanda rwashyizeho  umukono tariki ya 16/07/1997  ku bijyanye n'uburenganzira bwa gisivire n'ubw'abanyapolitiki aho busobanura ibijyanye nuko uburenganzira bwo kuvuga icyo umuntu atekereza bugomba kubahirizwa.

Uyu munyamategeko akaba yafashe ijambo uyu munsi nyuma yuko ku munsi wejo wari wihariwe na none n'umunyamategeko Gatera Gashabana aho yasobanuye inenge zikomeye zabaye mu Rukiko Rukuru harimo kwirengagiza amasezerano atandukanye Leta y'uRwanda yagiye isinya,uburenganzira bwo kwiregura buteganywa n'itegeko nomero 119 rirebana n'imiburanishirize y'imanza  nshinjabyaha butigeze bwubahirizwa kuwo yunganira, no kuba mu bimenyetso byatanzwe n'ubushinjacyaha nta na hamwe byerekana uruhare Ingabire yabigizemo. Me. Gatera Gashabana akaba yarabwiye  urukiko ko bitangaje ukuntu abareganwa na Ingabire urukiko rwabagize abere ku byaha bo biyemerera kandi basabira imbabazi. Kuri Me.Gashabana ibi bikaba bivuze ko ubwirege bwabo butemewe nyamara ibyo babwiye urukiko babeshya hagamijwe gufungisha uwo yunganira byo urukiko rukaba rwarabihaye agaciro.

Urubanza rukaba ruzasubukurwa ku munsi wejo Umunyamategeko Ian yereka urukiko videwo y'ijambo Ingabire yavugiye ku rwibutso rwa genocide ku Gisozi kugirango arufashe kumva uburyo ibyo uwo yunganira byagoretswenkana hagamijwe kumugerekaho icyaha cyo gupfobya genocide kandi nyamara mu ijambo yahavugiye nta kibi kirimo.

 

FDU-Inkingi

Boniface Twagirimana

Umuyobozi wungirije w'agateganyo

Rwanda: Me. Ian Edwards asanga itegeko rihana ingengabitekerezo ya Jenoside ryivuguruza

http://igihe.com/amakuru/u-rwanda/article/me-ian-edwards-asanga-itegeko

Me. Ian Edwards asanga itegeko rihana ingengabitekerezo ya Jenoside ryivuguruza

Yanditswe kuya 24-04-2013 - Saa 05:39' na Faustin Nkurunziza

Me. Ian Edwards umwunganizi mu by'amategeko wa Ingabire Victoire Umuhoza, aratangaza ko uwo yunganira adakwiriye guhamwa n'icyaha cyo gupfobya Jenoside yakorewe Abatutsi, ngo kuko itegeko rigihana ridasobanutse neza kugeza ubu.

Imbere y'urukiko Umwongereza Me. Edwards wunganira Ingabire, yavuze ko guhamya Ingabire icyaha cyo gupfobya Jenoside bitari ngombwa, ngo kuko u Rwanda rwarenze ku masezerano mpuzamahanga rwashyizeho umukono ku bijyanye n'ubwisanzure bwa muntu mu kuvuga icyo atekereza ku bintu binyuranye mu gihugu.

Avuga kandi ko muri ayo mategeko mu gika cyayo cya kane, hatavugwamo gupfobya Jenoside. Yagize ati "Iryo tegeko rishyirwaho umukono icyo gihe havugwaga Jenoside yo mu Rwanda, ntabwo havugwaga Jenoside yakorewe Abatutsi, murumva ko iryo tegeko riteye urujijo rukomeye."

Avuga kandi ko ibyo byose urukiko rwabyirengagije nkana, kandi ruzi ko iryo tegeko ridasobanutse neza rugakatira Ingabire igifungo cy'imyaka umunani.

Kuri we asanga uwo yunganira adakwiriye kubizira. Iryo tegeko n'iryo mu 2003, 2008 ndetse n'iryavuguruwe 2012, rihana ingengabitekerezo ya Jenoside no kuyipfobya.

Yagize ati "Tubabajwe n'uko ari twe turimo kubereka uburyo itegeko ryanyu ridasobanutse, harimo kwivuguruza". Yongeyeho ko itegeko rishya ryo mu gitabo Nshinjabyaha, mu rurimi rw'Igifaransa n'Icyongereza ridasobanura kimwe ijambo gupfobya JENOSIDE, ngo mu rurimi rw'igifaransa ni "Minimisations simples" ubwaryo ngo ntibihamya umuntu icyaha.

Yavuze ko ijambo Ingabire yavuze ari igitekerezo cye cy'uko abona ibintu, ko atigeze ahakana ko mu Rwanda habaye Jenoside, ndetse ngo ntabwo rigaragaza urwango yari afitiye Abatutsi, ngo n'amahame agenga FDU–Inkingi ntabwo bahakana Jenoside yakorewe Abatutsi.

Urukiko rwasubitse urubanza ruvuga ko ruzasubukurwa kuya 24 Mata 2013 saa mbiri n'igice.

Mu bujurire bwa Ingabire mu Rukiko rw'Ikirenga, abunganizi be mu by'amategeko Me Gatera Gashabana na Me Lan Edwards, ni bo bihariye ijambo.