Rwanda: Ibintu bikomeje gukomerana FPR

http://rwanda-in-liberation.blogvie.com/2013/02/13/ibintu-bikomeje-gukomerana-fpr-abadacana-uwaka-nayo-bagombye-kwitegura-no-gutangira-kugerageza-kuyisunika-buhoro-buhoro-abanyarwanda-nabo-bagahumeka-n%e2%80%99ubwo-hatabura-abaharenganira/

Ibintu bikomeje gukomerana FPR abadacana uwaka nayo bagombye kwitegura no gutangira kugerageza kuyisunika buhoro buhoro abanyarwanda nabo bagahumeka n'ubwo hatabura abaharenganira

février 13th, 2013 by rwanda-in-liberation

Nari maze iminsi ngendagenda mu masoko no mu bacuruzi haba Kigali haba no hirya no hino mu ntara ngasanga abacuruzi bifashe mapfubyi. Kuberako baba batazi ikingenza bambaza icyo nshaka nkababwira ko ubukene bunuma nigenderaga gusa ndeba ngo wenda ahari ejo cyangwa ejobundi nazagusha agafaranga nanjye ngahaha. Nyamara aba bacuruzi bakagira bati ibintu biracitse kuva twabaho ntiturabona ibihe nk'ibi. Nababaza impamvu bavuga batyo bakansubiza ngo ese uratubaza ntubizi? Bati ni amafaranga y'abazungu twabuze.

Ubwo nakomeje kwibaza uburyo abantu bamenya ihuriro ryo kubura amafaranga mu bacuruzi n'amafaranga atangwa n'abazungu nza kubona ko rubanda izi byinshi n'ubwo yicecekeye. Nyamara hari n'abatinyutse banyerurira ko leta ya FPR igeze ku ndunduro. Narikomereje nzenguruka mu masoko abo tuziranye nababaza impamvu badacuruza bati nta bakiriya, bati ese wowe ntureba ko bamwe batangiye kuvanamo akabo karenge? Ubwo banyerekaga ibibanza byo gucururizamo bagenzi babo baba bavuyemo bitahiye ngo ntibashobora kwirirwa bategereje ukwezi kose, amezi abiri nta mukiriya babona kandi ngo ibibanza bagomba kubirihira amakode ya buri kwezi ari nako bakwa n'imisoro ya hato na hato.

Ubwo navuye mu masoko nyura ku ma banki nsangamo abakozi mbura abakiriya. Bambaza icyo nifuza ngo bamfashe mbabwira ko nifuza kumenya imikorere yabo ngo nzabayoboke, bakanyakira nk'amata y'abashyitsi dore ko ari njye wibonaga njyenyine nta wundi bazaga kuba barangariye nk'uko byari bisanzwe. Hamwe ariko ntibyanansabye ko ninjiramo kuko iyo utambutse imbere ya banki uba ureba neza aho abakiriya baba bategerereje ubusanzwe habaga ari arujya n'uruza none hakaba nta n'inyoni itamba. Hari aho nabajije umwe mu barinda banki ambwira ko abantu bazaga kubera inguzanyo none ngo nta mpamvu yo kugaruka kuko inguzanyo zafunzwe. Hari bamwe ariko banahamya ko badashobora gusubira mu ma banki gushyirayo amafaranga kuko ngo babona ibintu bitameze neza bagahitamo kuyibikaho ngo hato n'utwo bacungiragaho batatujyana muri banki ejo basubirayo bakatubura.

Ubwo sinarekeye aho kuko nagiye mu barimu dore ko aribo bakozi bal eta bagize umubare munini w'abakozi maze nsanga barbarize barihanagura ngo agashahara k'ukwezi kwa mbere ntibizeye kuzakabona emwe ngo ibyo guhembwa batangiye kujya babyumva nk'inkuru kuko bamwe muri bob amaze kubona uko ikibazo giteye.  Abo mu nzego z'ubuyobozi bwite bwa leta nabo ngo ikibazo ntikiboroheye. Ubu kandi ibura ry'amafaranga muri leta ya Kagame ngo byatumye ikipe ya gisirikari APR FC yari isanzwe ku isonga rya championnat y'umupira w'amaguru mu Rwanda ubu ngo iri mu za nyuma kubera ko yari isanzwe ikoresha amafaranga y'igihugu none yarabuze ikipe nayo iraryama n'ubwo muri leta birinda kugaragaza ibyo bibazo.

Leta ya Paul Kagame nimire magabo naho ubundi inzira zayo zo kumuteremuko zigiye kuyita mu manga

Kagame yakomeje kwirengagiza ibibazo by'igihugu none arimo aratakaza ubutegetsi abureba. Yagiye atuka abatavuga rumwe n'ubutegetsi bwe ngo ni ibigarasha, ibirohwa, amasazi, udusurira n'ibindi none dore aho ibyo yasuzuguye bimugeze. Kugeza magingo aya Kagame ngo azicwa no kutabemera aho kwicwa no kubemera. Mbese ubundi ngo Kayumba yakwitwa ikigarasha ubwo bariya bose yayoboye bakwitwa iki ra? Mbese ubundi abo bajenero (généraux) bon go bakwitwa iki ko ntawe uyobewe uburyo Kayumba yarwaniriye FPR kugeza n'ubwo uyu munsi hari abahutu bamwita ruharwa kubera uburyo bazi yakoreye FPR nk'umusirikari? Gusa ikigaragara ni uko Kagame adashoboka ku buryo ibintu nibikomeza kunyuka nk'uko bimeze ubu azibona aho atatekerezaga kwibona.

Nyamara muri iyi minsi ibitangazamakuru byinshi byigenga byandika hano mu Rwanda bimaze iminsi byandika amakuru y'ibitero bitegurwa ngo bishaka gukuraho ubutegetsi bwa Kagame. Ahenshi urasanga ku bifuniko by'ibyo binyamakuru (urupapuro rw'ibanze) hariho amafoto ya Karegeya, Kabila n'abandi bashobora kubera Kagame ikibazo. N'ubwo abantu bamwe izo nkuru basa n'abazibona nko gushyushya ikibuga ngo ibinyamakuru bikunde bigurwe ariko hari n'ababona ko ishyamba atari ryeru kandi n'imyifatire ya leta ya Kagame yerekana ko ibintu bishobora kuba bikomeye.

Ubwo rero abakenyera nimukenyere ariko abakenyera nabi ntibizabahira. Abirukanka kuri leta ya Kagame namwe nababwira iki muzarinda mugera iyo mujya mutarasobanukirwa. Ikibabaje ni uko muzahindukira mugasanga bus yabasize mukabura intama n'ibyuma. Abapolisi n'abasirikari namwe nimube maso mutagwa mu bishuko aka za ntumwa za Yezu yabwiye ngo zibe maso ibintu byari bikomeye mu kanya yagaruka agasanga zasinziriye. Utazumva ntagirengo ntiyaburiwe. Ibihe byahise bibabere isomo mwese mumenye aho mukandagira kuko ubutaka mukandagiyeho ubu buranyerera cyane uwakwibeshya agakandagira nabi ashobora gusanga yisenyuye ku butaka.

Nkunda L.

Kigali City

Rwanda: Abishe André Kagwa Rwisereka bakwiye nabo kwirega hakiri kare bagasaba

http://rwanda-in-liberation.blogvie.com/

Abishe André Kagwa Rwisereka bakwiye nabo kwirega hakiri kare bagasaba imbabazi kandi bakitandukanya na leta y'abicanyi inzira zikigendwa

février 15th, 2013 by rwanda-in-liberation

Tumaze iminsi twumva ubuhamya bwa bamwe mu bahoze ari abasirikari ba FPR cyangwa abasirikari ba leta ya Kagame batanga ubuhamya uburyo bagiye bategekwa kwica abantu ndetse banagenda bavuga bamwe mu bo bagize uruhare mu kubica n'uburyo babicaga babitegetswe n'abari bakuriye agatsiko k'abicanyi kavugwamo cyane cyane Kagame na Jack Nziza. Nyamara ubwo bwicanyi bwakorwaga mbere byavugwaga ko bwibasiraga abahutu ariko ibintu byaje gusa n'ibihindura isura maze abatutsi nabo baza guhabwa imbugita kugeza na n'ubu rukigeretse.

Hari ku italiki 13 Kamena 2010 ahagana mu ma saa tatu z'umugoroba ubwo imodoka ya Andre Kagwa Rwisereka yagendaga ahitwa ku Itaba mu karere ka Huye ubwo yatahaga aho yari asanzwe aba, ariko imodoka ye yagiye ikurikiwe n'imodoka ebyiri za gisirikari umwe yari hafi y'iye indi iri kure. Mu gihe yashakaga kwinjira iwe imwe muri izo modoka za gisirikari zari zimukurikiye yahise yiruka cyane ihita ikata inyura imbere y'iye havamo abasirikari bahita bamukura mu modoka ye baramujyana. Inkuru y'urupfu rwe yamenyekanye bukeye aho byavuzwe ko yatowe mu kibaya cya Mukura aherekera i Burundi ngo byagaragaraga ko yakaswe umutwe ku buryo hafi y'umurambo we hatoraguwe icyuma cyari cyasizwe amaraso ndetse n'urupapuro rwe rw'inzira (passport) hamwe n'imodoka ye byose byari hamwe n'umurambo we mu rwego rwo kujijisha kuko yatwawe n'abasirikari ba Kagame bakamutwara mu modoka yabo ya gisirikari ku buryo bidashobora kumvikana uburyo imodoka ye bwite yageze aho mu icyo kibaya kandi yaratwawe mu ya gisirikari.

Icyaje gutangaza abantu ni uburyo bamwe mu basirikari bamutwaye aribo baje gukora iperereza ariko ni uburyo nyine leta ya Kagame yajijishaga ngo bitamenyekana ko ariyo yamwishe nyamara usibye kuba abantu bazi ko ari leta ya Kagame yamwishe ahubwo n'abasirikari bamwishe ngo baba bazwi ku buryo igihe nikigera batarirega bazakurikiranwa n'ubutegetsi buzakurikira ubwa Kagame dore ko isi yose yasabye ko leta ya Kagame yareka hakabaho iperereza ry'inzobere z'amahanga ariko leta ya Kagame kubera ko yari izi ko yabifatirwamo irabyanga.

Icyaje gukurikiraho ni uko leta ya Kagame yaje gutegeka ko dosiye yo gukurikirana iby'iperereza ry'urupfu rwa Rwisereka ishyingurwa burundu ndetse n'uwigeze gufatwa bya nyirarureshwa akaba yararekuwe kandi koko uwo muntu yari umwere koko kuko bizwi neza ko Rwisereka yishwe n'abasirikari ba Kagame dore ko ngo hari n'abasirikari bakora mu rwego rw'iperereza bita DMI ngo bajya babyigamba ko bamwishe kandi ngo nta n'icyo byabatwaye.

Aba bishi bishe Rwisereka bari bakwiye kwirega no kwitandukanya n'agatsiko k'abicanyi naho ubundi bamenyeko bitinde bitebuke bazabiryozwa nk'uko banazwi ntibibeshye ko ibyo bakoze bizahora bihishwe. Igihe cy'ubutabera nikigera bazashyikirizwa ubutabera buzabakanira ububakwiye ari nayo mpamvu tuvuga ko bakagombye kwirega hakiri kare bakanitandukanya n'ubutegetsi bw'abicanyi.

Ubwanditsi

Posted in Information | Réagir »

Perezida Kagame aherutse gushwana na Mbundu Faustin kubera miliyoni 4 z’amadolari ya ruswa bakaga abashoramari bo muri CiMERWA | UMUVUGIZI

http://www.umuvugizi.com/?p=7642

Perezida Kagame aherutse gushwana na Mbundu Faustin kubera miliyoni 4 z'amadolari ya ruswa bakaga abashoramari bo muri CiMERWA

Uhereye iburyo Mbundu Faustin hamwe na mugenzi we Perezida Kagame basangira Ruswa baka abashoramari batandukanye

Itohoza rimaze iminsi rikorwa n'Umuvugizi, nyuma y'igikorwa gitunguranye, aho umwe mu bari inshuti magara ya Kagame, anamukoresha mu bikorwa bitandukanye byo kwiba umutungo w'igihugu n'ubundi bujura mu bucuruzi bakoranaga, yaba mu Rwanda, mu karere cyangwa mu bindi bihugu by'amahanga, ryemeza ko nyirabayazana y'iyegura rye ariwe Mbundu Faustin ryatewe na ruswa yatse nabi abashoramari bashya, bagombaga gushora imari mu ruganda rukora sima (CIMERWA) rukorera mu cyahoze ari Cyangugu.

Amakuru agera ku Umuvugizi yemeza ko mbere y'aho perezida Kagame yari yahaye umucuruzi, akaba n'inshuti ye magara ntunsige, Mbundu Faustin, inshingano zo kureshya abo bashoramari bagombaga kugura imigabane muri Cimerwa, baguranye na Rwanda Investment Groups (RIG) mu magambo ahinnye y'icyongereza, byakuruye amakimbirane ashingiye kuri ruswa bakwaga, bimuviramo kweguzwa ku mirimo ye yose yakoranaga mo na Perezida Kagame.

Nk'uko byari bisanzwe mu mikorane hagati ya perezida Kagame n'umucuruzi Mbundu, uyu yasabye abashoramari bitwa PPC Cement ruswa y'inyongera ku giciro bagombaga gutanga bagura imigabane muri Cimerwa, baza kubyemeranyaho, icyari gisigaye bikaba byari ugusinya amasezerano y'ubuguzi gusa.

Mu nama yatunguranye yari yahuje abo bashoramari bazwi kw'izina rya PPC Cement, yagombaga kubahuza n'abakozi bakorera urugaga rw'abikorera ku giti cyabo, Mbundu Faustin yari abereye perezida, ibyaje kugaragara nuko ruswa yatswe na Mbundu Faustin, abiziranyeho na Perezida Kagame, bityo muri iyi nama yahuje abo bashoramari, yaba Mbundu Faustin, yaba na perezida Kagame, bakaba nta n'umwe wari uyirimo, amakuru dufitiye gihamya yemeza ko Kagame yari ahagarariwe na Ines Mpambara, ari we muyobozi w'ibiro bya Perezida Kagame muri Perezidansi (Director of Cabinet).

Yaba abakozi bo muri secteur privé, cyangwa muri perezidansi, baje gutungurwa n'ukuntu abo bashoramari babatakambiye, bavuga ko ikiguzi basabwa kugirango bashore imigibane muri Cimerwa bacyemera, ariko bagaragaza inzitizi za miliyoni enye z'amadorali Mbundu Faustin yari yabasabyemo ruswa, iyi ruswa akaba yari kuyigabana na Perezida Kagame.

Amakuru Umuvugizi ufitiye gihamya yemeza ko iyi nama yasoje imirimo yayo nta mwazuro igezeho, ariko Ines Mpambara abwira abo bashoramari ko baba baretse, ari na bwo yaje kubwira perezida Kagame uburyo bari bemeye ibyo basabwaga byose kugirango bagure imigabane muri Cimerwa, ariko ikibazo kikaba icy'izo miliyoni enye z'amadorali Mbundu na Perezida Kagame babasabaga ya ruswa, dore ko abashoramari bavugaga ko badafite uburyo bari gusobanura mu mibare yabo icyo bene ako kayabo bagakoresheje.

Nyuma y'uko Ines Mpambara asobanuriye Perezida Kagame uko abashoramari babakojeje isoni, bakavuga ibya ruswa babakaga, bigaragara ko Mbundu Faustin iyo ruswa atabanje kuyisasira neza ayisaba, ni bwo perezida Kagame yahise amuhamagaza mu biro bye muri Village Urugwiro n'umujinya mwinshi, amubaza impamvu yamutamaje imbere y'abakozi bari aho, bityo anamusaba ko ahita yegura ku mirimo ye yose yari ashinzwe, yaba iyo muri secteur privé cyangwa mu yandi masosiyete y'ubucuruzi yari amuhagarariyemo.

Ku bijyanye n'ayo mafaranga ya ruswa abashoramari basabwaga, Ines Mpambara yababwiye ko bayihorera kuyatanga, noneho bagatanga gusa ayo bari bemeranyijweho yo kugura imwe mu migabane ya RIG iri muri Cimerwa.

Gasasira, Sweden.

Rwanda: Ishyaka FDU-Inkingi rirasaba Pahuro Kagame nk’umuyobozi wa FPR –Inkotanyi guhagarika ibikorwa by’ubushotoranyi ku batavugarumwe nawe akoresheje “inzego z’umutekano.”

http://www.fdu-rwanda.com/RW/kinyarwanda-rwanda-ishyaka-fdu-inkingi-rirasaba-pahuro-kagame-nkumuyobozi-wa-fpr-inkotanyi-guhagarika-ibikorwa-byubushotoranyi-ku-batavugarumwe-nawe-akoresheje

Rwanda: Ishyaka FDU-Inkingi rirasaba Pahuro Kagame nk'umuyobozi wa FPR –Inkotanyi guhagarika ibikorwa by'ubushotoranyi ku batavugarumwe nawe akoresheje "inzego z'umutekano."

GASHYANTARE 14, 2013  

Kigali, kuwa 11Gashyantare 2013

Ishyaka FDU-Inkingi, rirongera kwiyama ubuyobozi bwa FPR Inkotanyi,na Leta yayo, uburyo bikomeje gukoresha inzego z'umutekano mu guhimbira abatavuga rumwe nabo ibyaha hagamijwe kubafunga, kubashimuta cg kubamenesha.

Mu gitondo cy'uyu mbere tariki ya 11 Gashyantare 2013,ahagana mu ma saa kumi n'ebyiri n'igice za mu gitondo, umugabo witwa Dominiko Shyirambere utuye mu mudugudu w'Amajyambere akagali ka Kamatamu umurenge wa Kacyiru, akarere ka Gasabo  yagoswe na Police imwereka urupapuro rw'uko  ije kumusaka ko ngo bafite amakuru y'uko acuruza amafaranga y'amakorano,barasaka inzu barayijagajaga baraheba. Icyo gikorwa cyari kiyobowe n'umupolisi wambaye impuzankano(uniforme) ya police yanditseho Karenzi. Gusa bamusanganye amafaranga ibihumbi 40, 000 y'amanyarwanda adafite inenge n'imwe. Nyuma yo kubura ibyo bari baje gusaka bahise bamuboha bamujyana muri CID-Kacyiru bamuhata ibibazo,nyuma bafata umwanzuro wo kumujyana muri "cachot" ya Remera, bakiri mu nzira bageze ahagana  ku  nzu ituyemo ambasaderi w'abanyamerika uwari umutwaye ahagarika imodoka  yitaba telefone, ahabwa amabwiriza yo kumurekura,gusa ntiyamusubiza imfunguzo z'inzu ye ndeste n'amafaranga ibihumbi 40, 000 bari bamwambuye.

Iyi mpirimbanyi ya demukarasi si ubwa mbere yibasiwe n'izi ntore za FPR kuko zihora zimubuza amahwemo dore ko mu minsi yashize hari ubwo nanone yatewe iwe n'ijoro n'undi mutwe wa FPR witwa Inkeragutabara zimurarira ijoro ryose kuko yari yanze kuzikingurira maze mu gitondo ziramuhondagura kuburyo abatabaye bagiye kureba icyo azira harimo n'umunyamabanga mukuru wa FDU-Inkingi Bwana Sylvain SIBOMANA bagezeyo izo nkozi z'ibibi zikabiraramo zikabahondagura nibwo hitabajwe polisi maze ihageze isanga ari intore za FPR iraruca irarumira maze ibasaba kwihangana ariko abakoraga ibyo bikorwa bitahira nta nkomyi.

Tukaba tuboneheyo Gushinganisha ubuzima bw'uyu Dominiko Shyirambere kuko bashobora kwinjira iwe bakahakora ibyo bashaka bigamije kumusiga icyaha maze bakabona uko bamubamba nkuko basanzwe barabigize umwuga.

Ibi bikorwa by'umugayo bya Mafia za FPR,biherutse gukorerwa undi muyoboke wa FDU-Inkingi mu kwezi gushize, witwa Théophile Ntirutwa wari utuye  mu mudugudu wa Kangondo ya mbere Akagari ka Nyarutarama, yameneshejwe hakoreshejwe inzego z'umutekano ngo akoresha amanama mu kabari ke. Ubu buryo nibwo bwakoreshejwe n'aba bayoboke ba FPR biyita inzeko zishinzwe umutekano; hashize  amezi agera kuri atandatu mu gufungira ubusa urubyiruko rw'abasore 7 bo mu karere ka Rutsiro nabo bazira gusa kuba barahuye n'umunyamabanga mukuru w'ishyaka bakaganira kuri politiki,ndetse na bimwe mu bibazo byugarije ubuzima bwa buri munsi bw'abanyarwanda.

Ubu bushotoranyi n'ubugizi bwa nabi bukomeza gukorerwa abatavuga rumwe na FPR, ntabwo tuzakomeza kubwihanganira; turasaba Pahuro Kagame nk'umuyobozi wa FPR Inkotanyi kuba umugabo agahangana  mu rubuga rwa politiki yemye, niba koko ishyaka rye rimaze kuba ubukombe nkuko yivugiye igihe hizihizwaga isabukuru y'imyaka 25 y'ubukure  maze agahangana n'abandi mu bitekerezo kandi mu mahoro aho guhatira abanyarwanda bose kuba inkomamashyi akihatira kubahiriza uburenganzira abanyarwanda bemererwa n'amategeko bwo kwishyirahamwe no gutanga ibitekerezo byabo nta mususu hagamije kubaka urwababyaye.

Twahagurukijwe no kubaka igihugu cyacu,tuzanye inkingi y'ukuri-ubutabera-ubwisanzure-iyubahiriza ry'ikiremwa muntu kuko nibyo byaburaga mu bimaze kwubakwa;twahagurukanye  imbaraga zo guhangana n'ikinyoma mu mahoro (Pacific-resistance); ntituyobewe ko inzira FPR yanyuzemo iza zitasibanganye natwe twazica, ariko twe tuzi neza ko ikizana amahoro arambye atari ukumena amaraso ahubwo ari uguharanira icyabungabunga  ituze n' ubuzima bw'abanyagihugu bose ;kuko nibo maboko y'igihugu kandi nibo musemburo w'iterambere rirambye.

Turasaba, irekurwa ry'abarwanashyaka bacu 7 bafungiye muri gereza ya Muhanga, turasaba ubuyobozi bwa FPR kureka burundu itotezwa, imenesha, iterabwoba iryariyo ryose ku banyarwanda, cyane cyane abatavuga  rumwe nayo bikiri mu maguru mashya, kuko niduhaguruka uko tungana twese tukarwanya igitugu, akarengane n'iterabwoba, ubuyobozi bwa FPR bukuriwe na Pahuro Kagame ntibuzabona amapingu ya miliyoni 11, na police yo kubafata.

Turasaba FPR gutegura  inziza yayo yo gusaza itanduranyije n'abanyarwanda; ntawe uniga ukuri kuko kutajya gutsindwa.

FDU-Inkingi

Twagirimana Boniface.

Visi-perezida w'agateganyo.

Ibi bimenyeshejwe:

*Imiryango iharanira uburenganzira bwa muntu mu Rwanda.

*Umunyamabanga mukuru w'umuryango w'abibumbye

*Umuryango nyafurika uharanira uburenganzira bwa muntu.

*Ibitangazamakuru bikorera mu Rwanda no hanze yarwo.

*Inama y'umuryango w'abibumbye ishinzwe amahoro kw'isi.

FDU-INKINGI-11-02-2013-RWA

IKIGANIRO INKINGI Y'AMAHORO: IBIKORWA BYO KWEREKANA HIRYA NO HINO AMAHANO AKORWA N'INGOMA Y'IGITUGU YA PAUL KAGAME BIZAKOMEZA KUGEZA IYI NGOMA IHAWE AKATO BURUNDU

http://radioitahuka.org/

http://www.blogtalkradio.com/radioitahuka/2013/02/12/kwerekana-hirya-no-hino-amahano-akorwa-ningoma-yigitugu-1

KWEREKANA HIRYA NO HINO AMAHANO AKORWA N'INGOMA Y'IGITUGU YA PAUL KAGAME. 

IBI BIKORWA BIZAKOMEZA, KUGEZA IYI NGOMA IHAWE AKATO BURUNDU.

HOST: FDU INKINGI

CALL IN TO LISTEN LIVE 347 945 6449

Facebook ijwi ry'ihuriro nyarwanda/itahuka 

Twandikire : radioitahuka@gmail.com

Suwedi: Minisiteri y’Ububanyi n’amahanga yashyize hanze Leta y’u Rwanda uburyo ineka abanyarwanda bahahungiye

http://www.umuvugizi.com/?p=7594

 

Minisiteri y'Ububanyi n'amahanga ya Suwede yashyize hanze Leta y'u Rwanda uburyo ineka abanyarwanda bahahungiye

Carl Bildt , Minisitiri w'ububanyi n'amahanga wa Suwede yashyize ahagaragara uburyo leta ya Kagame yashatse kwivugana Impunzi z'Abanyarwanda batuye muri Suwede ibishigikiwemo na ambasade y'uRwanda muri Suwede .

Nyuma y'iminsi myinshi inzego z'ubutasi za Suwede zari zimaze zikurikiranira hafi ibikorwa bya bamwe mu banyarwanda biyita impunzi, nyamara bakoreshwa mu kazi ko kuneka impunzi nyazo zahungiye muri iki gihugu, byabaye ngombwa ko izo nzego zifata umwe muri izo za maneko, agashyikirizwa ubutabera, ibi bikaba biri mu rwego rwo guca ingeso yo kudahana yashoboraga kuviramo zimwe mu mpunzi zahungiye muri Suwede kubura ubuzima bwazo.

Umwe muri abo ba maneko watawe muri yombi n'inzego z'ubutasi za Suwede, ni umunyarwanda w'imyaka 44 y'amavuko, wiyitaga umurundi, uzwi kw'izina rihimbano ryitwa Emmanuel Habiyambere, ariko mu by'ukuri izina rye rya nyaryo mu Rwanda akaba yitwa Aimable Rubagenga. Hano muri Sweden,akaba atuye mu mugi witwa Örebro.

Uretse gihamya zitangwa n'inzego z'ubutasi za Suwede ku bikorwa by'ubutasi Rubagenga akoreshwa na Leta ya Kagame, minisiteri y'Ububanyi n'amahanga ya Suwede na yo, yashyize ahagaragara ko inzego z'ubutasi za Kagame n'abashinzwe umutekano we bwite, banekaga impunzi z'abanyarwanda zituye mu gihugu cya Suwede kuva muri 2010 . Iyi raporo inagaragaza za gihamya zerekana ko na ambasade y'u Rwanda i Stockholm ibifitemo uruhare rugaragara.

Minisiteri y'Ububanyi n'amahanga ya Suwede yanagaragaje ibikorwa bidahwitse, bikorwa na ambasade y'u Rwanda muri Suwede, by'uko aho gukora akazi kayizanye ka diplomasi, ahubwo igenzura amanywa n'ijoro abanyarwanda batuye muri Suwede, ifatanyije n'inzego z'ubutasi za Leta ya Kagame.

Ibi bikaba byaranagaragajwe mu kirego cyashyikirijwe urukiko rw'ahitwa Örebro, aho umushinjacyaha yashinjaga Aimable Rubagenga ko hagati y'imyaka ya 2010 na 2011, mu ibanga rikomeye, yahawe na Leta y'u Rwanda akazi ko kubaka umurongo wo kumenya neza umubare nyawo w'abanyarwanda batuye mu gihugu cya Suwede.

Kuva icyo gihe ni bwo uregwa yatangiye kuneka abatavuga rumwe n'ubutegetsi bw'u Rwanda, barimo abanyamakuru, abanditsi, ndetse n'abari mu ishyirahamwe ry'abanyarwanda rifite icyicaro hano mu gihugu cya Sweden.

Ubushinjacyaha bukaba bwarakomeje kugaragaza uburyo uyu maneko Aimable Rubagenga yatumwaga n'inzego z'ubutasi za gisirikare cya Kagame kuziha amakuru ku bantu banenga ubutegetsi bw'u Rwanda, babicishije mu bitekerezo byabo bya politiki, aho batuye, amanimero y'amatelefoni bakoresha, n'umwirondoro wabo.

Muri za gihamya nyinshi zifitwe n'ubushinjacyaha bwa Suwede, hagaragayemo ama messages (sms) uregwa yafatanywe, yerekanaga amagambo uyu mumaneko yakunze gukoresha ku bubyo bujimije, bukunze kwitwa «code». Aya ma messages yayagiranaga n'abasirikare bakuru b'u Rwanda kimwe n'abandi bayobozi bakuru bamusabaga ibyo agomba gukora, barimo n'abicanyi ba perezida Kagame, babarizwa mu rwego rw'ubutasi rwa gisirikare (Directorate of Military Intelligence-DMI).

Zimwe muri za gihamya z'itumanaho ubushinjacyaha bwa Suwede bufite, ni uburyo Aimable Rubagenga yahererekanyaga za SMS na za maneko za Kagame.

«Code» ya mbere ubushinjacyaha bwafatiye muri telefoni y'uregwa, iteye itya: «Ibitoki bisa nk'aho bifite ibisobanuro biteye ukwabyo. Hari uri bukujyane kukwereka umuntu ukunda kurya ibitoki».

«Code» ya kabiri, bigaragara ko uregwa yari yayihawe ho amabwiriza, yanditse muri aya magambo : «Ugende aho hantu, uhure n'uwo mugabo urya ibitoki byinshi. Wibande cyane ku bitoki».

«Code» ya gatatu, na yo ijyanye n'«ibitoki», iteye itya : «Ejo nzajya gushaka isoko ry'ibitoki, ariko amavuta yo kubiteka mfite, ntahagije». Maneko Aimable Rubagenga akaba yarabonye «code» ya kane, imusubiza ko «iri bumuhamagare, ikaza kumwoherereza ayo mavuta».

Muri ibi biganiro hagati ya Aimable Rubagenga n'abicanyi ba Kagame, bigaragara ko havugwamo amazina y'abantu uregwa asabwa kujya guhiga bukware, abo bakaba ari abanenga Ubutegetsi bwa Kagame babarizwa mu gihugu cya Suwede.

Muri «codes» ze, Rubagenga yaguraga «ibitoki» hanze y'igihugu.

Umwunganira mu rukiko, avocat Magnus Arntell, abajijwe ku cyo uwo yunganira yaba avuga ku byaha aregwa by'ukuneka mu Gihugu cyamuhaye ubuhungiro, yasubije muri aya magambo : «Ibirego aregwa arabihakana, ariko sindabona umwanya wo gusesengura neza ibyaha aregwa, bityo nkaba ntacyo nabisubizaho ».

Aramutse ahamwe n'ibyaha aregwa, Aimable Rubagenga ashobora kuzahanishwa igifungo cy'imyaka ine, mu gihe ubushinjacyaha bwa Suwede bwo bunasaba ko yagombye kuzahita yirukanwa burundu muri Suwede.

Uretse ibyo ubushinjacyaha burega Aimable Rubagenga, raporo ya minisiteri y'Ububanyi n'amahanga igaragaza neza ko inzego z'ubutasi z'u Rwanda n'abandi bashinzwe umutekano, batangiye ibikorwa byo kuneka impunzi z'abanyarwanda zituye muri Suwede kuva mu mwaka wa 2010. Iyo raporo yerekana uburyo izo nzego z'ubutasi zakoze aho bwabaga, harimo no gukoresha ubugome, kugirango zigere ku migambi yazo.

Nk'uko bigaragazwa muri iyo raporo, abakora ibi bikorwa byo kuneka ntibabaga ari bo bihaye izo nshingano, ahubwo ukuri nuko bakoreshwaga n'abanyembaraga b'abanyapolitiki, baturuka mw'ishyaka riri ku butegetsi mu Rwanda.

Iyo raporo na none ikaba yaragaragaje ibikorwa bibisha by'uko Leta y'u Rwanda yakomeje gutata impunzi z'abanyarwanda ziba muri Suwede, yihishe inyuma y'ikiswe «Diaspora», ikaba yarashoboye gutahura impunzi zahungiye muri Suwede zifite inkomoko mu Rwanda, inyinshi muri zo zikaba ari abenegihugu ba Kongo-Kinshansa, Uburundi, ndetse na Uganda.

Nubwo ambasaderi w'u Rwanda muri Suwede, Venetia Sebudandi, yigize nyoni nyinshi ko atazi ibyo bikorwa bibisha byo guhiga impunzi z'abanyarwanda zahungiye muri Suwede ariko urwego rw'ubutasi rwa polisi ya Suwede rwemeza ko rufite za gihamya simusiga zerekana ibikorwa by'ubutasi biteguwe neza n'inzego z'ubutasi za Kagame hirya no hino kw'isi. Agatsiko k'abicanyi ba Kagame kakaba gakomeje kwidegembya hirya no hino mu bihugu bya Afurika, nta cyo kikanga.

Muri Suwede, umukozi wa ambasade y'u Rwanda yashatse kwivugana umwe mu batavuga rumwe n'ubutegetsi bwa Kagame.

Maneko wa Kagame, Rubagenga Aimable, yamaze hafi igihe cy'amezi abiri mu gihome mbere y'uko arekurwa by'agateganyo, ariko atemerewe gusohoka muri Suwede, anategekwa kuzajya yitaba inzego z'ubutabera z'iki gihugu.

Umushinjacyaha, Ronnie Jacobsson, ukorera mu biro by'ubushinjacyaha bibarizwa mu rwego rukuru rw'ubutasi rwa Suwede, yatangaje ko ibikorwa by'ubutasi byakozwe na Leta y'u Rwanda muri Suwede, ari icyaha gifite uburemere bukomeye, dore ko cyapanzwe kuva cyera kandi kikaba kinafite abantu kimaze gukomeretsa bikomeye.

Ronnie Jacobsson akaba yarasoje agira ati : «Izo nzego z'ubutasi z'u Rwanda zagaragaje ubushobozi n'umwete wo guhitana abanenga Leta ya Kagame, zikoresheje ingufu zivanze n'ubugome».

 

Amiel Nkuliza, Sweden.

Fwd: *DHR* PS- IMBERAKURI NGO YABA YARIBARUTSE UNDI AUNG SAN SUU KYI.

Begin forwarded message:

From: IKONDERA <ikonderainfos@yahoo.com>
Date: February 10, 2013, 3:24:52 PM EST
To: "Democracy_Human_Rights@yahoogroupes.fr" <Democracy_Human_Rights@yahoogroupes.fr>, "ikonderainfos@yahoogroupes.fr" <ikonderainfos@yahoogroupes.fr>, "Democracy_Human_Rights@yahoogroupes.fr" <Democracy_Human_Rights@yahoogroupes.fr>
Subject: *DHR* PS- IMBERAKURI NGO YABA YARIBARUTSE UNDI AUNG SAN SUU KYI.
Reply-To: Democracy_Human_Rights@yahoogroupes.fr

 

http://www.youtube.com/watch?v=3UhApLrvvSY

__._,_.___

Répondre à expéditeur | Répondre à groupe | Répondre en mode Web | Nouvelle discussion

Toute la discussion ()

Activités récentes:

• Nouveaux membres 5

Aller sur votre groupe

http://fr.groups.yahoo.com/group/Democracy_Human_Rights

Maître Innocent  TWAGIRAMUNGU
DHR FOUNDER&OWNER
Tél.mobile: 0032- 495 48 29 21


UT UNUM SINT

"L'extrémisme dans la défense de la liberté n'est pas un vice; La modération dans la poursuite de la justice n'est pas une vertu".

"Extremism in the defense of liberty is no vice; moderation in the pursuit of justice is no virtue." (USA,Republican Convention 1964,Barry Morris Goldwater (1909-1998)).

"Le monde ne sera pas détruit par ceux qui font le mal mais par ceux qui regardent et refusent d'agir", Albert EINSTEIN.

Les messages publiés sur DHR n'engagent que la responsabilité de leurs auteurs.

CONSIDERATION, TOLERANCE, PATIENCE AND MUTUAL RESPECT towards the reinforcement of GOOD GOVERNANCE,DEMOCRACY and HUMAN RIGHTS in our states.

Liability and Responsibility: You are legally responsible, and solely responsible, for any content that you post to DHR. You may only post materials that you have the right or permission to distribute electronically. The owner of DHR cannot and does not guarantee the accuracy of any statements made in or materials posted to the group by participants.

" BE NICE TO PEOPLE ON YOUR WAY UP, BECAUSE YOU MIGHT MEET THEM ON YOUR WAY DOWN." Jimmy DURANTE.

COMBATTONS la haine SANS complaisance, PARTOUT et avec Toute ENERGIE!!!!!!
Let's  rather prefer Peace, Love , Hope and Life, and get together as one!!! Inno TWAGIRA

Passer à: Texte seulement, Résumé du jour • Désinscription • Conditions d'utilisation

.

__,_._,___