KWIFATANYA MU KABABARO GATEWE N’IHOTORWA RYA COLONEL PATRICK KAREGEYA [1 pièce jointe]

 

[Pièces jointes envoyées par Emmanuel Habyarimana incluses ci-dessous]

Kwifatanya mu kababaro gatewe n'ihotorwa rya Colonel Patrick Karegeya

 

Ishyaka CNR-Intwari tubabajwe n'urupfu rwa Colonel Patrick Karegeya, wishwe n'abishi ba Kagame muri Afurika yepfo kw'itariki ya 01 Mutarama 2014.

Ishyaka CNR-Intwari kandi twifatanije n'umuryango, abavandimwe, inshuti za Colonel Karegeya n'abarwanashyaka ba RNC mu kababaro katagira ingano batewe n'ihotorwa ryakorewe Colonel Patrick Karegeya.

Irya mbere mu mahame y'ishyaka CNR-Intwari  rivuga ko 'Umunyarwanda wese agomba kugira uburenganzira bwo kubaho', ko 'Nta muntu ugomba kugira uburenganzira bwo kuvutsa undi muntu ubuzima'. 

Igihe cyose umunyarwanda yishwe, twese nk'abanyarwanda tuba duhombye kubera ko tuba dutakaje umuntu warugifite ubushobozi bwo  kugirira Igihugu akamaro kuzageza ubwo Imana izamuhamagarira.

Birababaje kandi biteye ubwoba n'isoni kubona umunyagitugu, ariwe Kagame, yareguriwe uburenganzira bwo kwica uwo ashatse igihe ashakiye kuva yagirwa umugaba w'ingabo APR za FPR  muri 1990 kugeza ubu.  Muri iki gihe Abanyarwanda twese twahindutse nk'amatungo ya Kagame yicamo abo ashatse, igihe ashakiye hejuru y'inyungu ze za politiki.

Ishyaka CNR-Intwari ntiryahwemye kandi ntirizahwema guharanira ko: umunyagitugu Kagame yamburwa ububasha bwo kwica uw'ashatse igihe ashakiye; ko hashyirwaho rutangira zizabuza umutegetsi uwariwe wese kugira ububasha bwo kwica umuturage uwariwe wese nta nkomyi.

Banyarwandakazi, Banyarwanda, dukomeze tugira ubutwari no kwihangana muri uyu mwaka w'ibihe bikomeye wa 2014.

 

Bikorewe I Martigny, tariki ya 9/1/2014

 

 

Generari Emmanuel Habyarimana

__._,_.___

Pièce(s) jointe(s) de Emmanuel Habyarimana

1 sur 1 fichier(s)

Kwifatanya mu kababaro gatewe niyicwa ryaKoroneri Patrick Karegeya.docx